لاصرت متميز بحسنك وجذاب = وشلون تخلط حسن بغرور وأعجاب
هذا غرورك عيب واضح يعيبك = أن رحت ولاجيت ماحد دريبك
دربن كرهته كيف تمشي بممشاه = والدرب هذا شين ماكنت تهواه
درب ألغرور ألي مشيته نصيبك = أن رحت ولا جيت ماحد دريبك
قلي غرورك يالمحب وين وداك = ضيعت أجمل حب من قلب يهواك
لي كان بلسم للجروح أوطبيبك = أن رحت ولاجيت ماحد دريبك
لاتعتذر وتقول أسف وغلطان = وأنت الذي شبيت بالقلب نيران
لوصحت بأعلى الصوت صعب أستجيبك = ان رحت ولاجيت ماحد دريبك
مليت من أسمك ومليت طاريك = مليت من ذكرى وحلمن يناديك
خلاص بعد اليوم مانا حبيبك = أن رحت ولا جيت ماحد دريبك
أن جيت ولا رحت ذا أمر عادي = ماعاد باقي لك اثر في فؤادي
ماقول غير الله وحده حسيبك = أن رحت ولاجيت ماحد دريبك
أرجوك ياقلبن هويته تمله = مادام ذا طبعه في الحال خله
سيبك من ألمغرور ياقلب سيبك = أن رحت ولا جيت ماحد دريبك