|
يا أخوان خلونا من الهبهاب=لا إصبح معاكم داخل الترحيل جيبوا الكلام إللي كما الأعناب=والتين والرمان في الزنبيل دُخْـلوا في العشقه معا الأحباب=ذي خلـّـوا التكبير والتهليل وإتجنبوا العثرات والأسباب=لـُـمّـا يدك عا الباب عزرائيل محمد بن سعيد بن مخـاشــن |
اقتباس:
|
ذا فصل والثاني باسوق الما يمين=وابدع لكم قيفان تشرى باللكوك اما غنمتوها وسرتوا غانمين=والا نخزنها لكم وسط البنوك السالفة من عهد عمك سالمين=شالوا بيوت العز من دون الصكوك واليوم ساروا بعدها متفاهمين=ما بينهم ريبة ولا يحصل شكوك وانتم رقدتم لين راحوا بالطحين=واليوم حيد العر طامع في تبوك |
ويقول بن قطمان فك الباب=يكفي كفى بالكذب والتضليل حكم القدر ياتي بها الاسباب=والثوب مايصلح بلا تفصيل لبستني غصباء بلا جلباب=بدلت ذي مايقبل التبيديل نزلتني من مقعد المحراب=اعطيتني تمرة وبيدك خيل |
بحلف قسم وانته لبا منك يمين=ان اهل صنعاء عادهم مادربوك الشك ياصحبي ما له دارسين= والصدق يقضي عالقضايا والشكوك ذي من زمن سدو ترى متخالفين=انشد بني عمك وخالك وابن خوك ياريتهم في كل شي متفاهمين=لكن عصوا بالجول يلقون الضروك |
اقتباس:
ماني وانا بن عمك السم الدفين=لا والذي حلاّك بالسن الضحوك انا انشدك ليش انت خافي ما تبين=وانا انشدك قدّام هم لا ينشدوك ان كنت ذيب تشوف سمنان وسمين=تعرف ليا كان اهلك اللي حنكوك لا يحفرون ويدفنون بكل عين=وانته تموت من الظما ما يرحموك قدهم على زام اولي متعاهدين=من عهد جدانك وعمانك وابوك |
اقتباس:
ههههه
لاعاد به من ليل لي به ساريين=لاعاد من صاحب باع للي يشتروك بيعه على بيعه ونحن الخاسرين=والان للمشتري بيعةفيها صكوك لاخوي ولاخالي حد منهم يقين=تهمنا امي الاصيله حكموها ملوك وخير باياتي ومعي خلك فطين=لا تندم عليهم ولاعلى اللي غيروك كلن رجع حقه واللي رجع نص الثمين=ويازيت يالمخفي لازم يظهروك الصبر حكمه قالوها كلمه الاولين=اصبر على قردك وخذ قولي وهوك |
سلام من عندي لذي متواجدين=ارسلتهامخصوص من داخل تبوك لبناءاليمن المخلصين الطيبين=اهل الكرم والجودمافيهم شكوك قولولبن قطمان يالحيد الزبين=لوتجتمع كل البشرمازحزحوك والاخ صايل دايماًقوله رزين=يالشيخ صايل كلهم يتهيبوك يالله يارحمن من عندك تعين=ياموطن الاجدادكلهم خربوك |
قال بن عمرو يا ما بي ويا ما بحالي=ليه يا الوقت تتنكر وتقسى عليـّــه قر شربي وخمـّــج بعد ما كان حالي=صرت نشرب علق من بعد شرب البغيه ليه يا الحضرمي من بعد روس العلالي=صرت مدهوك ومعذب وجتك البليه لا إشتكينا إلى قاضي وحاكم ووالي=ما إستمع حد ولا أنصت للرجاء والشكيه هم جانا من الإخوان شبه السحالي=وغم جانا من الجيران فوق الأذيه ما لقينا فلك من ولد عم (ن) وخالي=حقدهم والضغينه في النفوس القفيه ريت جاوه وسومطره وملقه وبالي=مسقط الرأس وأمي ريتها إملايويه محمد بن سعيد بن مخـاشــن |
اقتباس:
حسب القافيه الجديده للاخ محمد بن مخاشن
قال سالم انا عزوتي عمي وخالي=والرجال الاشاوس شاربين الحميه وتاج راسي بلادي عزها راس مالي=افتخر في سماها وارضها لجوديه في ضلها اتربيت ودايم في خيالي=وكيف انا بنساش يالام الجوهريه يامسقط الراس ويا مكنون غالي=بكره با نزورش بالطرق المستويه من فراقش معاد ذقنا كل حالي=نطعم الحلو علقم لوكان مصفى بغيه بعيد رمضان هذا لاهل الهلالي=انا بازور ربعي مع اصحاب العنيه لهم معي موعد محدد للبيت الحلالي=عساك يالابن تهنا وتعيش عيشه هنيه |
الساعة الآن 02:10 AM. |
|
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir