يالوزيري ترى بحر الهوى في وصاله=منه ليهم بلا خبره يباتو يونون
وانت رجال لك خبره وفي المال واله=ترك الرهن صلب في سقطرى وميون
شفه من حصل الفرصه قطع واشتراله=وانت فرصتك مادامك معك مال قارون

بعت بيعتك لكن ماقبضنا الدلاله=لعنبو مكسبش يابيعة الرخص والهون
وانت يالذيب زبن المرجله والشكاله=مابظني تبيع الصاحب الشهم بالدون
لوتركنا المجادل ياعمر في جداله=كانه احسن لناياوعل ياحاني اقرون

بن حمد حالتي في البعد ياخس حاله=بات نبكي وجيراني يباتو يغنون
انما البيع مابابيع لهل العماله=لو عطوني في الحشوه ثلاثين مليون
ذه طباعي ومن له طبع هوراسماله=ميتقلب كما الفخاخ كل يوم له لون

قال شاعر بدينا بك ياذو الجلاله=بمرك الناس بايحييوا وبمرك يموتون
دلني عاالطريق ألي تودي صلاله=لجل ماتوه مابيت المكلاء وسيؤن
ياعمر حالتي هاذه السنه خس حاله=وأنت ملقي مداره بين حوفه وعقرون
بطل الشرح والبدوي عطه راس ماله=ولق (ع) الباب قارصه قال شاعر وكيلون

قال شاعر بدينا بك ياذو الجلاله=بمرك الناس بايحييوا وبمرك يموتون
دلني عاالطريق ألي تودي صلاله=لجل ماتوه مابيت المكلاء وسيؤن
ياعمر حالتي هاذه السنه خس حاله=وأنت ملقي مداره بين حوفه وعقرون
بطل الشرح والبدوي عطه راس ماله=ولق (ع) الباب قارصه قال شاعر وكيلون

هكذا سوقت السمسار ذي في صلاله =باعها بيعة الغدراء بستين مليون
واشتكي بعد ماقد باع مكثر بداله=حاسب اهل الوصيه كلهم بايقومون

قولك الي تقول الان ماهو مجاله= افهم القول خل السر في القلب مدفون
دام والاب ناوي ان يفرح عياله=قال يشتي يحقق كل ماهم يريدون
شل ماقدرت شف لحمال والله ثقيله= كل واحد بجهد لا تريدون تعلون
كل واحد يشد العزم يجمع والرجاله=قد بدا الاهل هذا اليوم للبيت يبنون

قولك الي تقول الان ماهو مجاله= افهم القول خل السر في القلب مدفون
دام والاب ناوي ان يفرح عياله=قال يشتي يحقق كل ماهم يريدون
شل ماقدرت شف لحمال والله ثقيله= كل واحد بجهد لا تريدون تعلون
كل واحد يشد العزم يجمع والرجاله=قد بدا الاهل هذا اليوم للبيت يبنون

بانساهم ولكن باتصلنا الفشاله=قد سبق فشلونا والسبب فيه مهيون
مااستمع بالقبائل غير ليلة قتاله=قال هيا طلقنا الحبل ذي كان مرصون
ايش بيفيد من بعد الغدر والحياله=ذا جزاء كل من هم في عربهم ينكرون