الوعل قد صبتة وهو مقتول= والقيت انا البندق على لمان
خليتها الغزلان لي في الجول=تحتك وانتة فارس الميدان

سلام عاجـــــده وعــــــــاحلانها = وسلام عالشــــــــــــــــــعار ذي فيها حلول
لاياحمــــــاة الدار يافرســــانها = خلو السقيفه عامــــــــره مغنى وقــــــــول
لبغا الســــــــمر موزون في ميزانها = شعار ذي فالمملكــــــه عرضا وطـــــول

المشاركة الأصلية كتبت بواسطة أبونمر [ تولهو ياشباب سمعونا الجديد واعذرونا من الرد

ترحيب لكم مني ماسبلت امزانها = وعداد ماسالت في الوادي سيول
ذي مايهاب الموت من شجعانها = حطوا عليه القيد ماكن بالرجول
في القفص مزقول وراء قضبانها = يزأر زئير الموت في وجه النذول
كل مالتفت تهتز له اركانها = معروف ذاك الصقر من زام المغول
بلاد العز والناموس ابد ماخانها = خانوها العرب ذي هم لامريكا ذيول

المشاركة الأصلية كتبت بواسطة أبو إبراهيم لا لن نعذرك من الرد ياأبونمر وهل يعذر من كان له في الشعر باعا , وفي عذب القوافي ذراعا , فأعطنا من عذب الكلام سلاما. أخوك المحب لك في الله / أبو إبراهيم

صلوا على الهادي محمد ذي عرج =ورجع إلى مكه وهلها نايمين
عتمه وظلمه ليلها بيت وهج =ليلة سرى فيها إمام المتقين
وتسهلت رحلته لما بان فج =له وألتقى بالأنبياء والمرسلين
ورجع إلى مكه وفي مكه هرج =بالذي وقع كله على ذي حاضرين
قالوا قريش الآن حصلنا حجج =بانحاججه فيها ونحن الغالبين
وتخبروا بوبكر قالواله أرتج =صاحبك خرف وقعدو ا متبسمين
وتلغمزوالكن بوبكر أنزعج =من لغمزتهم وحلف عليهم يمين
إن قالها من فيه صادق والفرج =يأتي لنا من عند رب العالمين

ذافصل يالشعار شوقلبي بشر= والحال والخاطر براكينه تفور
ابليس يصحابي على الواجب حضر= ساعه وشتت بالمقاعد والحضور
هدم رواسي مهتدم من سيل سر= وهد القواعد دي ابتنت عليها قصور

باتيس وينه في الزوامل ماظهر= والسبع ايضا شوف ما هو ظاهر
وبن سميدع وين ذاه يعتكر =وسط العضيده كان ملقي عاكر
وبن حيدره ورجال ياحي من ذكر =مابانساهم دوب فيهم ذاكر
باوزير حاضر والوزيري قد حضر =والشيخ مجمل كان ايضا حاضر

با تيس وينه في العضيده ماظهر =والسبع أيضا شوف ماهو ظاهر
وبن سميدع وين ذاهو يعتكر =وسط العضيده كان ملقي عاكر
وبلقصير وين ياحي ماذكر =مابانسى جم ناس فيهم ذاكر
باوزيرحاضر والوزيري فد حضر =والشيخ مجمل كان ايضا حاضر

جيينا على الداعي نهربد في الغدر=يابونمر جيينا ولا بانغادر
كل عود بيصك عود مثنات السمر=لما شروق الشمس نجمي سامر
بانجني الزيتون وشجار الثمر=والتين بانجنيه ذي هو ثامر
والجيد يابونمر لابد ينتصر=صدام ماهو مثل عبد الناصر
كل من تبع دنياه لابد ينقمر=ابليس ولد ابليس ذي هو يقامر

يالذي تخابرني تبي مني خبر= نوياك في ما بعد بانتخابر
شفني في الدنيا بطي صالي قدر=صالي قدر يحي وعبد القادر
والكسر ذي لقوه بي مابعد جبر =الكسر باقي عده ماهو جابر
لكنني باصبر كما كل من صبر =ويعين ربي كل من هو صابر

يابو نمر جيناك مابالتعذر=مادام هذا اليوم ماشي عاذر
انته كنان الراس لاحط المطر=لنته بجنبي ماحسب للماطر
واهل الزوامل كلهم ماحد قصر=اهل الوفاء والجود ماحد قاصر
والسبع قد لباء دعانا للسمر=مامرحبا به لي وصلنا سامر

القول حبه ذي يسر الحال ســــــــر = من عند شــــــــــاعر دوب روعه بادر
من بونمر قـــــــوله كما رش المطر = يحيي مذاري صـــــــــــاغره والباكر
ذي هو نشد مني عسى لايشـوف شر = من دار زينه ذي تـــــرد العـــــاتر
وين الوزيري ذي يزر الحـــــبل زر = لبغـــــــــاه دايم فالسقيفه حــــــــاظر
لبغى السمر محكوم ياجلال العجـر = العمــــر مثل الظل ذي هو عــــــابر
خوكم مجمل ذي مسى حاله بشـــر = تعبان فالغربه وفيهــــــــــــا صــــــابر

ابديت بك لايلعزيز المقتدر =ماحد لنا غيرك لكل شي قادر
تغفر لنا في كل ماهو قدعبر =والعمر وايامه بسرعه عابر
يشمي وايامه كما لمح البصر =يابخت منهو في حياته باصر
واليله الهاجس بقوله قد حظر=كل مادعيته قال ليا حاظر
يسال على الي عندهم بعد النظر =يسال عن المسؤل هو والناظر
باجي على الداعي ولوني في خطر =لو مامعي رغبه ولاشي خاطر
زعلان من جابر ومن دولة قطر =اتظامنو باينزعون القاطر

حيا بكم يالذي توفون العبر= وتكرمون الضيف لاجاء عابر
ريت المحله سيب في وادي عمر=حيث السلى والصفوبيته عامر
ليله في الواد ي تنسيك السفر = وتقول بعد اليوم ماباسافر
وجهة نظر مني ولك وجهة نظر =في الأمرذا ناوياك بانتناظر

المشاركة الأصلية كتبت بواسطة أبونمر حيا بكم يالذي توفون العبر= وتكرمون الضيف لاجاء عابر ريت المحله سيب في وادي عمر=حيث السلى والصفوبيته عامر ليله في الواد ي تنسيك السفر = وتقول بعد اليوم ماباسافر وجهة نظر مني ولك وجهة نظر =في الأمرذا ناوياك بانتناظر

مرعي ومجمل يوم جوحالي استر = حيا بكم ياداحنين الساتر
حيا بكم في ليلة الخامس عشر =من شهر قبل الشهر يومه العاشر
سنت لنا عيد السنه الله أمر = بالعيد فيها والذي يتآمر
عاأمر شرعي ريت ذنبه لاأغنفر =وذنوبنا تغفر لنا ياغافر

هذا الكلا م الزين ذي مثل الدرر=خلاني ادخل غصب وسط الداير
والا من اول دايما حالي بشر=مالحق حد في الشور لا باشاور
يابونمر كلن على الداعي حضر=كل من دعيته جاك جوب حاضر
كل من كسبهم في المحافل بيظهر=ياكم وكم رجال مثلك ظاهر

قال الوزيري لا جل داعي بونمر= قد جيت وكل وافي نقولة أمر
لايامجمل انت روعك لي بدر =ولاحد يذم مخلوق روعة بادر
بابني حجرجبلي ولاعندي مدر= مولى المدر مسكين ملقي داير
ويقول بيحميني في ايام العسر=غلطان هومسكين شورة عاثر
لي كنت انا ملقية هوجار القمر =خرب في الحسبة بغا بيقامر
غلطة كبيرة والحذر ثم الحذر=تمدح عرب ماتنذخروتحاذر
ما اعرفة من لول ولا بين خبر=لكن ضهري اليوم بغا بيخابر
والا دمي لي ما حمد ولا شكر=بسقية من قاطع بشاهي شاكر

يابونمر ذلحين قم زر الــــــــــــــــوتر = وادخل في المـــــــسمر كما بوعــــــامر
مادام كل واحــــد على البوري جمـر = لبغى القصـــــايد ذي تســــــر الخاطــــر
وابن الوزيري ذي في الغبه عبـــــر = مابايهاب المـــــــــوج ذي هو كاســــــــر
يصبر ونا باقوله ايضا صبــــــــــــر = جنب جليس الســــــــــو هو والفاجــــــر
وادحق معا لجواد باتجنى ثمــــــــر = كل من ذراء فالجــــــــود ماهو خاســــر

ماليوم زال الهم مني والكدر=بظفر بيوم السعد لاني ظافر
شفت الجماعه كلهم زروا العصر=وتكاتفو عاكم وكم من عاصر
قاموا بواجبهم ولا واحد قصر=وكلهم حضروا معاد حد قاصر
يهناك يابو نمر ساسك من حجر=وحصون تبنيها عليها قناطر
تسعى لجمع الشمل وتحب البشر=وكل من طلب مطلوب بسرعه تباشر