المشاركة الأصلية كتبت بواسطة المخشني لخوان ذي قالوا: نحا نصبح خبب=لجل التعاون بيننا فيما يطيب صاروا خدم عند السفير المنتدب=من فوقهم يأمر وينهي بو سبيب لما متى يا الهاشمي نفخ القرب؟=جيبوا لنا قافي به اللحن الطريب محمد بن سعيــد بن مخــاشــن

ماهم قرب حاشا تعاتبهم عتب=يالمخشني انته لدينا ذيب يانسل ذيب
الكثره ترد الليث ذي حامل سلب=وبايقطب الضبع عسى لبوها قطيب

شوال ولّى وجاك يمشي عا عجل=ذي القعد ذي يتلاه ذي الحج الحرام
يا الله بعوده رب وإفسح في الأجل=وأكتب لنا التوفيق عام ( ن ) بعد عام
شو كل قبيلي وسْـط قلبي له محل=عا البدع با جوب ولا بلقي خصام
أو با بدع با جيب قولي مكتمل=با إقبض بحبل الله ما إقبض حبل رام

الشهر في القبله قد شوع وهل = والمخشني عاده في جنح الظلام
يالي تبى التاريخ لاعندي قبل = تاريخكم معروف في صنعاء وشام
ولد القبيلي قال له عندي محل = وأسيادكم والناس لي حلو شبام
شوفك تفرق دوب مابين القبل = ماهوى سوى هذا ولاهذا تمام
وينك يالطامع نضربك مثل = المخشني محتاج لأولأد العمام
قلت له من سمح خليلك وسل = لاينفعك هذا ولاكثر الخصام
أنك تبى جنبي لاعندي تصل = أبغاك توقعلي وتبصم بألبهام

حلّـوا شبام ألا اللفالف والدلل= ما حلّـها إحمومي ولا الصيعر ويام
بأسيادنا أهل البيت ما بدل بدل=أما المشايخ ( بعضهم ) رمّـه وخام
أما القبايل من غلط بنشوف حل=وأياه يا بالذايبي يا بالسهام
هت لي في الشيخ المعمم لا تفل=يكذب على الأمه وتفلانه نخام
لا جاه عنده لا ولا عنده أمل=ولسانه العيفه بها خس الكلام

للحد هذا القول مانبغاء نصل = السب ماهو قول شو ماهو تمام
القول ذي موزون يضرب به مثل = ماينتسي مذكور عاماً بعد عام
وصاني الشيبه حذر هرج الزلل= جبر الخواطر خير من بعض الكلام
وان كانه الا من بيده شي زقل = نبغاء عداله وافيه بيد الكمام
ومن يشوف المنتدى جاه الملل = مالوم كل من راح والله مايلام

المخشني ماليوم عقله شوه قفل = ليهو دخل الباب ولاسلم سلام
السم قد جابه من بعد الجفل = ماخاف من عقرب ومن حيه وهام
الشيخ يالشاطر بيعجل عجل = بيحوط بك بتشوف ذيلك بالمنام
كم واحد مسموم جاله في العمل = تفله من هالشيخ تشفي كل سام
مسكين مالبقار ثوره ماعمل = وقف جوار السوم يوكل عالرمام

مشكور يامجمل شهرك مكتمل = معروف لك عادات ترفع العلام
بلجيك بوشبه لجلك مابخل = هذه عداله يامجمل للخصام
المخشني يقدم ثوره للعدل = الثور لي نبغاه يعمل بالتمام
نبغى عداله وافيه منه تصل = مبغاه يجيب الثور لي عنده زكام
والعفو يامجمل من بعض الزلل = كله سبب مغروم غرمبي غرام
شفني في الميدان أضربك مثل = صيتكم من سمح في مشرق وشام

المشاركة الأصلية كتبت بواسطة مجمل للحد هذا القول مانبغاء نصل = السب ماهو قول شو ماهو تمام القول ذي موزون يضرب به مثل = ماينتسي مذكور عاماً بعد عام وصاني الشيبه حذر هرج الزلل= جبر الخواطر خير من بعض الكلام وان كانه الا من بيده شي زقل = نبغاء عداله وافيه بيد الكمام ومن يشوف المنتدى جاه الملل = مالوم كل من راح والله مايلام

جينا نشاركم بتعليل الجُمل= وأهم ما في الأمر هو رد السلام
ها وأعذرون الضيف كونه قد دخل=مندون ما يعرف لتصويب السهام
بدوي قبيلي ما تمرس في الجدل=لكن يميز كيف طراح الكلام
لا شاف عكر الحرب والنار اشتعل= يهتاج مثل الهيج مرفوع السنام
يجود بالجودات يقضيها دبل=والود عند البدو شيمه والتزام
ومن صميم القلب واحواض المُقل=قد عرت شعري في السياسة والغرام

المشاركة الأصلية كتبت بواسطة الوحدوي جينا نشاركم بتعليل الجُمل= وأهم ما في الأمر هو رد السلام ها وأعذرون الضيف كونه قد دخل=مندون ما يعرف لتصويب السهام بدوي قبيلي ما تمرس في الجدل=لكن يميز كيف طراح الكلام لا شاف عكر الحرب والنار اشتعل= يهتاج مثل الهيج مرفوع السنام يجود بالجودات يقضيها دبل=والود عند البدو شيمه والتزام ومن صميم القلب واحواض المُقل=قد عرت شعري في السياسة والغرام تحياتي لكم جميعاً مُفرقة بتسجيل الأعجاب

واجبي رحّب بفارس لادخل = مني رحب الفين من بعد السلام
ابيات مطليه من شاعر قبل = يمتاز بالحكمه مع عذب الكلام
تحيه من القناص وتقديره دبل = للوحدوي خونا من نسل الكرام
والكسر مسا مجبور والناقص كمل = والعذر قصرنا ولله الكمال