المشاركة الأصلية كتبت بواسطة طالب باتيس النعماني ترفع للاطلاع ونرجوا ان يكون الرد بالشعر فقط

يا محمد جلس . وإعرف أصول المجالس=والذي ما جلس . للحق بيجلسونه
صاحبي مفترس . يسوى ثلاثين فارس=لا طلع عا الفرس ما ظن با تفرسونه

ما بغيت النجَـس . مقربت يم المناجس=ثوبكم لا نجِـس . إنتم عمَـد تِنْجسونه
ذول قوم النحَـس . بتجيك منهم مناحس=راهنك إن تحس . لما البلد ينحسونه

قل منهو عكس اصلك مشاكس معاكس = كل شي معتكس شارعك بايعكسونه
كل منهو حتبس مابايفك المحابس = في رجوله حبس ومن سعف يحبسونه
في المعارك كرس غلفودنا دوب كارس = والذي منكرس لابد مايكرسونه
يامحمد كنس لاقد لحقت المكانس = والذي منكنس بنغال بايكنسونه
خبزهم قد يبس واصبحت يالخبز يابس = والذي مايبس في الشمس بيبسونه
كل عيف انطمس غلفود قد جاب طامس = للذي مانطمس الربع بايطموسونه

قل لمرعي طحس حمار عمه وطاحس = والذي ماطحس بالاذن بيطحسونه

ماالعمودي قمس . في سعف كمين قامس = لحمدي والقمس . عطبوش بايقمسونه

شل مترك وقس . واحسب حسابك وقايس = والذي مانقيس . لابد مايقسونه
ماالعمودي قمس . في سعف كمين قامس = لحمدي والقمس . عطبوش بايقمسونه

فصل مبنى جددوالعهد لول تجدد = صدق كلمك جد والصدق طابع جدودي
شب كير الحدد والضرب لاقد تحدد = جوك من كل حد لاحد يقارب حدودي

قل لطالب يعد صاحبك شوفه يعدد = وأنته لنته تعد معروف مخلف وعودي
أمس ماحد يرد والمخشني قد تردد =ريته اليوم رد بيشوف ساعة ردودي
كلمتي تعتمد والهرج هذا معمد = من ضربني عمد مرجعه عند العمودي
حر والا برد شف هرجنا مايبرد = يوم حط البرد هذا شوي من برودي