|
عدنا من الأوطان والعائد يجي = مشتاق للأصحاب ذي منه ولاه شوقي لمجمل والوزيري والذي =في الذاكره اسمه دواما مانساه مرعي وسبع الليل ذي ماينتسي =ولانسى طالب ذكر دائم علاه ودي بكم في كل ساعه نلتقي =ومن الجفل عبر لكل واحد ملاه ِ ومايخص المصطفى واللي جري =معاد يبغي شجب اويبغي وصاه الأمر واضح والعداوه من بطي =والناس كل واحد يحادي عا عشاه |
آ نستنا شرفتنا يالمربعي = مليون ياحيا عدد قطر المياه يابونمر دايم مكانك معتلي = انته سراج المنتدى وانته دواه هتلي خبر من ذي بداري محتبي = هل قد تغير اومكانه في غثاه قالوا لنا عاقل وبطل يرتشي =نحنا فرحنا خاف ربي قد هداه |
|
يامرحبا بابيات من شاعر فهم### مغزا كلامي وباياتي يشيد قامت الامه من عارض مايهم### قاطعواالاعدا براي رشيد تحقق جمعهم اليوم اصبح لهم### يد قويه مثل صلب الحديد حيرروا اعدائهم وضنوا انهم ### في شتات راي مالهم عيد اليوم وزنوا وحسبوا حسابهم ### بانظل على جمعنابانستفيد البكري |
اقتباس:
الفين حيا يالوفي يابن الوفي=يابونمر ترحيب لك يبعد مداة يامعدن الشعار يالرجل السوي=ياجيد يلي دوب عالي مستواة هتلي خبارالي عمد في المشرقي=واخبارها سيئون وان قدرحت ساة شف شوقنا زايد وحالي ممتلي=لاذكرتهم واذكرت ذاك النبع ماة لي هو دواء سقمي ويروي من ضمي= من بعدهم القلب يشكي من ضماة تعبان في سواق البيع والمشتري =حد قد كسب في البيع وحد في مشتراة وانشوف حد واقف وحد منهم مشي=والبعض بغى انة ذيب ولا نسمع عواة |
يابونمر نحنا فرحنا جم جم = يامعدن الناموس يالراس الشديد هتلي خبر لوطان خطه بالقلم = مشتاق لخبارك وكل ماهو جديد هتلي خبر من ذي عشاهم من كدم=قد شي تطور او وعيداً في وعيد نحنا في الغربه وزاد الهم هم =العيش نتمناه فاليمن السعيد |
سلام
أنستنا وارحبت ياراس العلم=يابو نمر ياشيك في الخزنه رصيد ياالف ياحيا وسهلا بالهمم=والروح لي بين الحناجر والوريد هت لي خبر من حيث ماسار القدم=وارسل لي الموضوع كله بالبريد شفتا مساهن غيث من شرقي قتم=قد له ثلاث ايام والبارق يزيد ان شي بشاره باتبشرها نهم=وان كانهاالا هذوله ما با تفيد خل الخبر مطوي ولاتزيد الالم=لا ياطويل العمر خل نفسك بعيد |
حياكم الله يارجاجيل الكرم = بالجود مايذكر سوى تربات جيد ياهمتي والروح كله والنسم =باقولها من صدق ماهو بالقصيد باثني عليكم ياموفين الكلم = يامن حسبكم جيش هارون الرشيد عدتي والعده بكم يوم القسم =ومعاويه لامات عد بعده يزيد عندي خبار الخير والرحمن عم = بالخير والبركات عاساحل ونيد والعافيه والستر مال المحترم = والناس تتفاوت في العيش الرغيد حلوا فلل وقصور حلان الخطم =وأهل القصور العاليه منها شريد واهل المقوب والمحدد والكدم =باعوا بنادقهم لمرعي بن فريد |
|
د نياء الند م اهوين يادنيا الند م = كم فرقت مابين كل جيد وجــيد الحزن من داخل فؤادى والالم = ماكنّه الا موس يقطع فى الوريد لاياخلوفت عاد موجودش عد م = ومن تد ّير فيش ماظن يستفيـــد لكن ذا مكتوب ربك لى حكــــم = حكمه على كل الخلايق و العبيد |
|
سلام
الليل ياهاجسي كم شفنا وكم=خمسه التباسي قربوها للكيد من مامعه همه لتلكيد اللقم=يشرب من القاطع ويوكل له عصيد القول في المرمى يبينه الحكم=ولا درينا هو حكم والأعقيد ياما تحملها راسه ذمم=لكن قليل الخير يحسب لابعيد |
على اثر اصحابي باحط القدم### ولا باز ل على خطاهم اكيد من قلا ل الخير ماحد قد سلم### الشاطرضيعوه ورقوا البليد الجهل مغروس فيهم جم جم ### ايش بايرقيهم عيال بوسويد وينهم اليوم رجاجيل الهمم ### مايهابون الموت ميتهم شهيد وعاده بايجي يوم اهل الكرم### باندركه لو كان في العمر مزيد البكري |
الوعل لاحطوا لحومه عالوضم = بايكفي اهل الدار والزايد يزيد والسور ذلا بايقع قوت الرخم = كمين رخمة عشها ذاك الفريد واحنا في الاسواق نسال عاللخم= راح القريني مابقا مسواء القديد |
السلام عليكم ياشعار
عساء ايامكم كلها فرح ومرح اعذروني على الغياب وسوف نعود ان شالله |
مايؤكل الوعل ياصاحبي لهو ثرم### دالا بايشل القسم زايد بوحميد ضروسه تكسرحتى شوك السلم ### كمامجمل وبوهارون وبوسعيد ماحد مع المسكين شوفوه انظلم ### ضاعت آماله واحلامه في وقيد وهو معهم قسم معا من قد قسم ### حاسب حسابه بايعينونه معيد البكري |
ذا فصل يالاصحاب ازمه في البقش = والشعب يشكي دوب من نقص القروش حد قسمه المعلاق وحد قمسه كرش = خافوا من الله ياكبيرين الكروش حكامنا على الكاس عاشوا والغرش = يارب دمرهم وزلزل بالعروش شعب اليمن طفشان عايش في طفش = ضاقت عليه الارض من ظلم الجيوش كل ما قتل عقرب طلعت له حنش = حنشان عمياء جات من ارض الحبوش |
شكرا للجميع
|
من هوعطرريحته فوّاح## مع القوم دي بايفلح لا قد شفت شغلته جرّاح## لا تقول له لا تجرح لي دوب وقته يفكراللا بالقبيح مابكشف اسراري لعذالي ولا باصيح البكري |
اقتباس:
وخلوكم على نفس الفصل ياشباب |
الغيث يبدا قل لبومنذ ر بطـــش = من قبل مايخصب بدايته الطشوش خيل مخيله غيثها د لهم ورـش = عا الوادى الى راتعه فيه الوحوش واحنا صبرنا عالمشقه والعطش = يارب تنظر للبهايم لى عطوش بدوى ترحل دوب يكفى من حوش = لعاد تلكع جرح شف نفسى تحوش |
|
ماشي في الدار لا طارش طرش ### باقلد داري وبطرش مع ليهم طروش ايش بانلقلي اذا كبير الدار غش ### جميع من في الدار عيشتهم غشوش كلين حمل شريمه وسبّر بايحش ### ايش بايبقونه لنا اذا كل شي محشوش باحرص على حقي لي جنبي هوش### من قل العلم كلين في ربعه يهوش البكري |
احسنتوا ياشباب
|
سلام
كل من لقاء طحيه توارى واندخش=لا بعنبوهم لي تخبوا في الدخوش شربوا من القاطع ومن لي في الغرش=بعد الدسومه جابوا المنقا يغوش الحكحكه في الناس ظهرت والبرش=واسبابه المعجون واصناف البروش والمشكله في الديك ورم وانتفش=اما الدجاجه قل لها برع نفوش |
مانا كماالمسكين لاطوى فرشه فرش ### دولى لهم عادات في طي الفروش نمشي مع الحرّاس ومعايّ الحوش ### وداري دار حصينه في مثناة حوش وذاك اليوم لعاد يعرف يهش وينش ### حملوا حموله كله بكبارات الونوش والكلب لي ينبح صبح اليوم با يخرش### كم وكم واحد قد صبح منه مخروش البكري |
شفت الجناء يالسبع في علبه فقش =والنوب من مجناه بايصبح يغوش والصبر عالسلا وعا قبص الونش = والعلب فيه الدوم لاحد باينوش حسب المثل كلن على قده فرش = لاتسهنون اللحم من بعد الوحوش |
بـــــدون شــــــــا هي طبعـــاً!!!!
|
اقتباس:
ياريت كل الناس من باينقش نقش### للنقش فنّانين يحسنون النقوش دالا على المرهى كل من جاجرش### الشربه الزينه بغت بر مجروش لي غمّض عيونه تحسبونه عمش### كم وكم واحد حسبناهم عموش البكري |
اقتباس:
ابوهارون ريته بعد ماتقرّب ** لي حسب اصحابه واهله والقرابه كل ماالفت بيت ياريته تخرّب ** كمين واحد منهم بايفرح من خرابه البكري |
يامرحبا بابيات زالت كل هم مهموم في الغربة وخلتني سعيد
|
سلام
يامرحبا ببيات من شاعر مهذب=الخير ياتي في مجيه اوذهابه حل المثوره لادعاء الداعي تزهب=حامل سكاكينه ونصله في زهابه يرمي بها عالكلب الاسود لي ذيب=ومنه يخافين النماره والذيابه وان قد ضواه الضيف سهل به ورحب=ياما وياما ناس عاشوا في رحابه |
يالسبع شفت سيل الوادي تشعّب ### ونعرف الوادي ونعرف شعابه شفت بوهارون في كلامه تصلّب ### مامعي طاقه لابقى في صلابه نرثي الا لكل من في بلا ده تغرّب ### عيشت اهلي ولا فيها غرابه الحضرمي ذوب في حياته معذّ ب ### متى بايستريح فيها من عذابه البكري |
ياهاجسي وقتك تعرب = نبغاء قصيده للجماعه وان شي من اقوالك تصعب=السبع بايعطي جوابه وبونمر ذي قد تغرب =لاقد حظر كلن يهابه وبن عبد ماهو مجرب = لاقد حظر تهدر جماله والله يالبكري تدرب = ذا درب كلن قد مشابه وفين معبد ماتقرب = مشتاق شفني لا كتابه النار فالعالم تلهب = واحنا فسحنا فالشجاعه |
اخواني الشعار نرجوا منكم التقيد بالوزن والقافيه وعدم التكرار
ومشكلة الوزن مهمه جدا ارجوا الانتباه لها اشكر الاخ الشاعر معبد على اهتمامه بالموضوع عبر الخاص |
مساكم الله بالخير
انا راعي الاوله اريد ان اشارك معكم لانني غضو جديد في السقيفه الممتعه
ونرحو من سيادتكم القبول بحضرتي ومن المشرف وجميع مساعدينه ان يرحبون بي معهم ومن جميع الاغضاء والمشاركين ومن يهمه الامر ولكم مني الاحترام والالتزام بما تنص عليه لايحة الموقع من شروط وغيرها. صـــــــــــديــــقكـــم الجـــــــــــــــديد راعـــــــــــــــــــــي الاولــــــــــــــــــــــه
انا راعي الاوله ماباتعصب=حتى ولو باعيش ما بين العصابه باسي قوي والجسم باحسه مكهرب=مقهور من حنين لي ضيع كرابه ان عاد شي بطيخ في الجربه وحبب=قولا لراعي الاوله يامرحبا به |
سلام
تفضل ياراعي الاوله نيابتاً عن الكل البيت بيتك
انست لبينا مقامك والطلب= يا حضرت الراعي تفضل بالنيابه واجب علينا بانرحب به وجب=وكلين يتجهز ويفتح له بوابه |
ذا فصل والثاني غيثه قد برق = برقه على بغداد وطشات السبال يالله بالدعيك يارب الفلق = ياخالق الاقمار وصخور الجبال تقضي على الظالم وتقضي عالسرق = وكل من خان تزول به زوال يقول الفتى في الجسم قد زاد الحمق = من بعد ماشفنا سجون الاحتلال اشياء شنيعه جات وتجيب القلق = لعنة الله عا خبيثين العمال وحكام العرب سكتوا ولا واحد نطق = ليش كذا صبروا مقاطيع الحبال |
الذهب لي في الكيرما بايحترق ### لاتحرق الشي لي حرقه محال داللا بالقلم كلين يكتب عالورق ### يتحقق الفعل من اهل الفعال قل لبومنذر الباب عاده مانطرق ### بانطرقه فسّح لنا في المجال حكامناقسموهم الى اربع فرق ### باتوسع وباطوّل يم في المقال اللوله همها كيف يقطر العرق ### من جيشها في ميادين القتال والثانيه شربها العصيروالمرق ### هكذا حالها ياخسهامن حال والثالثه تشوراللا لتعليق الخرق### شعارات جوفا تمجد الرجال والرابعه معاها الغظف والشرق### وعينها من اللحم في التفال البكري |
حافظ غلى شال اليمن لايشتعق =الشال ذي موجود لاياخير شال يالسبع خايف عاليمن لايفترق = نرجع لوضع التفرقه والانفصال والنفط ذي هو فالمصافي يسترق= والحل في ذولا السرق والاحتيال حتى الجماعه ذي من اول عالعرق=مايصلحوا للحكم لاوالله مقاطيع الحبال |
| الساعة الآن 11:17 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir