المشاركة الأصلية كتبت بواسطة الغازي 2007 ذا فصل يامجمل كلامك زين = وانا معك لا اخر المشوار كن بعضهم وينه ونحن وين = حد عامد الجنه وحد في النار

ياهاجسي وقت السمر ذلحين = فصله ورد من شاعر الشعار
فالقصع مسبت به عدد ستين = الجار عزه ذي عليه البار
والناس ذي تلعب على الحبلين = يوكل باليمنى وبالايسار
لكن خايف لايجي سكين = ولا مهظب يدمغه فالكار

فينكم ياحارثين الطين = لاشفت انا العامل ولاالبقار
قولوا لبن هاشم طلع ذلحين = هتلي خبر من حجر بن دغار
هل عادشي حبحب على السكين = والاصحابك تركوا في الدار
بابي عليهم بقفله قفلين = ليهم يحبوا الطبل والمزمار
يالهاشمي في الديس والبقرين = عاد حد عرب لي يفقعون الطار

المشاركة الأصلية كتبت بواسطة الغازي 2007 ذا فصل يامجمل كلامك زين = وانا معك لا اخر المشوار كن بعضهم وينه ونحن وين = حد عامد الجنه وحد في النار

حيا رحب مائه والفين = بالي فصل وله مقدار
قناصكم قدله سنتين = يبحث على الراحه بغا مسيار
حاله ملي وهمه همين = غربه واالمؤشر بدا ينهار

المشاركة الأصلية كتبت بواسطة جمال العطاس مثل الكحل قولك يحلّي العين كن الفـلك ياصاحبي دوّار بعض العرب خدّاع بوجهين يضحك ولكنه كما المنـشار

عطاسنا شكله مع ثنتين = مادام يبغى من سقط لاثار
شوفه مشى في شارع الستين = بنشر وحصل في الكفر مسمار

المشاركة الأصلية كتبت بواسطة مجمل ياهاجسي وقت السمر ذلحين = فصله ورد من شاعر الشعار فالقصع مسبت به عدد ستين = الجار عزه ذي عليه البار والناس ذي تلعب على الحبلين = يوكل باليمنى وبالايسار لكن خايف لايجي سكين = ولا مهظب يدمغه فالكار

مافيك شك ياحاني القرنين = هرجك حلا ماذقت فيه القار
من شوفت السكين بو حدين = شفني شبيه الطير ليهو فار
حتى الكمترا عفتها والتين = كله سبب ياصاحبي ماصار

المشاركة الأصلية كتبت بواسطة القنّاص حيا رحب مائه والفين = بالي فصل وله مقدار قناصكم قدله سنتين = يبحث على الراحه بغا مسيار حاله ملي وهمه همين = غربه واالمؤشر بدا ينهار

يالله قطع لاتقولي بعدين = لاغابت القطه لعب يافار
وانك تبى مثلي ترك يهوين = قم واشترح عالطبل والمزمار

ينظم مجمل وله تفنين =الحرف في قوله يسوا قنطار
الخرف عدا باقي نجمين = لاعرك والغيث مبعد وطار

عندي خبر بلقيه في سطرين = باتنقله لقمار في لخبار
خوفي انا ع حاكم البحرين = ذي جاب له بترول جنب النار
وان كان فلس ماقدر عالدين = المشكله لاقاموا التجار