|
|
اهلا وسهلا قال بن عبدالصمد=اهلا بكم ياذي معي باتكتبون رجال محسوبه عليكم نعتمد=والقصد واضح للذي هم يعرفون اقوالكم فالمنتدى توزن بلد=والناس تقراها بها يتسامرون وخلافكم خلف وسط جوفي وقد=وقلت مابدخل ولاهم يحزنون وارسل تحياتي ولاهي بالعدد=لكم جميعا يالذي تتصفحون |
اقتباس:
هذه أقوال لايقولها إلا فحول الشعر .
لعل هذه العين ماجاها الرمد = وخصومها يالله عساهم يرمدون ياهاجسي ذا قول من شاعر ورد= بايطرب السمّار له ويرددون أشهد أنا والشّعر كله قد شهد =والقافية والحرف لك بايشهدون يطرب لها الشيبه ومن عاده ولد = باتعجب اللي عادهم بايولدون تعال بانحكم على كل من لحد = وسورة الحج حكم ع ذي يلحدون |
اقتباس:
الأخ الكريم جمال العطاس ... حفظه الله. السلام عليكم: شكرا لمرورك وتعليقك. مرة أخرى أقول أنني لا أقصد الفعل ( ينكص ) بل أقصد الفعل ( يَـكـُــص ) في اللهجة الدارجة بمعنى يتجنب أو ( يحوص من ). مثال: أب ينصح إبنه ويقول له: يا إبني إذا شفت بعير هائج كـُــص منّه. هذه الكلمة تستعمل عندنا إلى اليوم والليلة. والأخ ولد نصير يسأل ما معناها. ربما أن الفعل ( يكص ) أساسه الفعل ( ينكص ) فاللهجة الدارجة أتت من الفصحى في الأساس ولكن الآن هناك إختلاف في المعنى. إختلاف بين شخص ينكص في وعده وشخص يكص من بعير هائج. محمد بن سعيــد بن مخــاشــن |
اقتباس:
قولوا ........لو سمحت تراجعها هي قولوا قولوا بمعنا ياحلان السقيفه ابلغوه او قولوله ايش تباني قول يسعدون وهي يستعدون ولكن بتكون مكسوره طيب تريدني اقول يستعدون على شان يطلع البيت مكسور كلااام غير مفهوم ولكن قصدك مفهوم الاخ جمال العطاس اخر تعديل كان منك ماالخبر وماالقصه ايش كان موجود قبل التعديل
دايم وقولي في السقيفه يعتمد=مالي ومال الناس ذي يتعمدون خوفي من الله في نهار المحتشد=مابا مع ذي هم لناره يحشدون |
اقتباس:
حياك ربي قال بوطالب عدد=ماحن راعد وعد هشات المزون ياشيخ ابن قطمان الا ياعود ند=ياعود عطري وسط عيدان الدخون احنا بغينا الضبط وكل صادر ورد=تتقيد البل والذي هم يصدرون واحنا خوه ماشي بضاعة للحسد=ياويلهم ذي هم علينا يحسدون |
اقتباس:
الله يحسن اليكم. ومحبتكم واحترامكم وكافة الاعضاء واجبه علينا ولاشي ثأر بيننا ولا عار.. بارك الله فيكم والعفو منكم. |
إيقول طالب ما نبا من حد رد=مكتوب ... نبغاها القوافي ترددون ونبغى الكلام الزين ريحه كالزبد=خلوا الذي هم في العشاوة يزبدون وادي العيافه نحمد الله إرتبد=خابوا الذي هم من مياهه يربدون منحبّه المشقِط و( ملغون )الكبد=يكفي العرب دنيا بها يتكبدون نبغى سمر منظوم كله عود ند=مابه عُوَل يتشاجروا وينددون يا معشر الشعار خلوكم سند=للمخشني يفرح بكم وتساندون وين العمودي يا عسى إنه ما إنكبد=وألا جهازه قد غدى مايك بدون ( ملغون ) = هي كلمة ( مل عون ) ولكن الجهاز الذي برمجه النصارى لا يقبل هذه الكلمة تأدبا منه. كلما كتبتها أعطاني شخاميط بدلها أي ////////// بينما أنا أسمع هذه الكلمة صباح مساء حتى وأنا نادر من باب المسجد!!!! فإحتلت على الجهاز المسكين وكتبتها ( ملغون ) فقبلها وكذلك كتبتها ( مل عون ) فقبلها. مايك بدون = أي لا يوجد مايك في كمبيوتره. محمد بن سعيــد بن مخــاشــن |
اقتباس:
الفصل مقيد راجع القصيده والفصل حق باخريبه باخريبه قيد الفصل ولايهمك يا الغازي شوف نحن تقيدنا بالقيد !! |
اقتباس:
الأخ المفرقز نوّه على خطأ إملائي . فقد كتبت أنت ( قلوا ) ولم تكتبها ( قولوا ) . وهذا خطا إملائي بسيط ومعروف ان الواو سقط منك سهوا . فعدّلنا إقتباس المفرقز . ونسينا التعديل في أصل مشاركتك . لاحظ مشاركتك رقم4938 وستجد الخطأ الإملائي لايزال مكتوبا . تحياتي !! |
اقتباس:
بانكتب القاف ذي منضوم مد=او خط رقعة يالذي باتكتبون في سعفة الجاويد نا ماباقهد=من به قهد تما يفرقز بالعيون زان السمر ريت المغني استعد=سلم على المعمور ذي زين اللحون وبعد يالشعار كل وارد ورد=ايجيب صافي ذا برد مثل الشنون |
| الساعة الآن 07:49 AM. |
|
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir