رعى الله ما مضى يابو شحوف الغيث ومزونه=مشاتر ذي السنه من الارض لي فيها العرب يمسون
وعنقود العنب والهيل لا قد دن يجنونه=ونا من بعد عنقود العنب شفني كما المجنون

لانك ماسقيت الغصن جوله ناس يسقونه = معد ينفعك لاتشكي وتتالم كما المطعون
صبر ياصاحبي صبرك وخل لسرار مكنونه = وانا مبغاك تترخص تبيع الغاليه بالدون

انا ماحد سقى مثلي كروم العنب وغصونه=ولا حد قد جنى مثلي سقو وان كان ما يسقون
على الفاضي تعبهم والسقايه غير ما مونه=لهم حق التعب والذيب له ما ورد ها ودخون

محب لا سار وتغرب تعب في البعد مظنونه=وانا لي قلب ماطاوع فراق الخل والمظنون
ملك ماهو بشر شوفه يحق لاصرت مجنونه=ومن يهوى يمجد عشق ليلى قيسها المجنون

وطننا ياعمر محتاج له حراس يحمونه = يقيمون العداله بيننا والشرع والقانون
تقلاب الليالي والزمن في الناس مضمونه = وياسعد الذي يصبر على العاقل وعالمجنون

لنا في الطرح ذا عبره ولكن ما حد ايصونه=جذور اهل الفساد اتغلغلت لا داخل الصالون
بها صافي بذور الارض للخارج يودونه=واهل الا رض ظني دورهم عند الفنا يصبون