المشاركة الأصلية كتبت بواسطة بن قطمان ذا فصل والثاني خرج بانبدعه=والله يجمعنا في الجو البديع يوم الزمن يطوي علينا مسرعه=والرد عبر النت باياتي سريع

قولوا لبن قطمان ابد مارجعه = بقدم معك مادام هالدنيا رجيع
فزعان لاتاتيك ضربه موجعه = وتبات تتشكي على فرشك وجيع

لي ماحسب ماله بغيته يجمعه = من شان ليتكلم على الناس الجميع
يالي تقود اليوم بقره مرضعه = لي هي در كانت على العجل الرضيع
مانا معي منشار ماهي مقطعه = لايبست اعلوبك قطعناها قطيع
باتيس ماوطيه دايم ارفعه = هو صاحب الناموس والشان الرفيع

هات القلم ولا اطبعي يالمطبعه=اقوال عبر النت بطبعها طبيع
ماهمني والله هرج المسبعه=لاما حصل شي كبش باحصل سبيع
والقول يالغازي يجي في موضعه=ونايب الريئس مردًه للوضيع
والغازي الشاعر فلاحد يمنعه=هو صاحب المعروف والحصن المنيع

قولوا بن قطمان بالك وسعه = والصبر مامثله والبال الوسيع
ابليس عدوالله ذهن لاتتبعه = والا مع الغشاش في سوقه تبيع
الصدق فيه الخير وكله منفعه = اخلاق تكسبها بالعلم النفيع

المشاركة الأصلية كتبت بواسطة الغازي 2007 الحمد للمولى معي مردود = والدخل بيكفي عيالي والمقبله فيها ليالي سود = فزعان لاتقطب حبالي هذ الفصل جابه لنا الاخ محمد باواكد

يالي سكنتوا الدخل لي محدود = باقي لكم أربع ليالي
الكعكعي شارد متى بيعود = يومه تركني لحالي
من سمح شفني قدها وقدود = باني حصوني بالعلالي
حتى الحرس شردوا مع لجنود = ماحد وقف في قبالي

مادام بوطارق عمر موجود=مضمون خذ غالي باغالي
نبغاء عنب حالي من العنقود=ماتلتفي ياغصن عالي
ليهم بلا ناصح ولا مردود=من شغلهم ياضيق حالي
مايعرفون الحق والمنقود=ولا يعرفو صرف الريالي

ياهاجسي هت لي ذهب معدود=يوم الذهب بالسوق غالي
ورد للجيد جزيل الجود=والمعتلي في راس عالي
انا اطلبك يالواحد المعبود= يالله ربي ذو الجلالي
عسى برحمة والجهام ايقود=من بحرها حتى الرمالي
والحال يتغير مع مسعود=بارض الجنوبي والشمالي
وين العرب ذي تبذل المجهود=وتشل الاحمال الثقالي

المشاركة الأصلية كتبت بواسطة عمر الذيب مادام بوطارق عمر موجود=مضمون خذ غالي باغالي نبغاء عنب حالي من العنقود=ماتلتفي ياغصن عالي ليهم بلا ناصح ولا مردود=من شغلهم ياضيق حالي مايعرفون الحق والمنقود=ولا يعرفو صرف الريالي

بانعرف القاصر وكل نمرود= مانحسبه مثل الرجالي
لك حد توصل له ولي احدود= إنك تصلني ذا محالي
ما تعرفون اعبيد من اعبود = ياشرذمة سدح وكالي
بينت لك شفني انا المقصود= وعطيت لك عدني مجالي
باترد نفسك اوشفه بيعود = ذي كنت جم منه تصالي
صالى قدركم شخص بس معدود = وانتم كما الماعون خالي
لاجواب عاهرجه يجي مشهود = منكم ولاشفنا امتثالي
للشعر فن والجود بالموجود = به يفتخر عز البطالي
مبروك فوزك ياجبل باعبود = ياحيد متقلل وعالي

الصك ماشفته معك موجود = في الحصن دي شوفه قبالي
ظنيت نفسك ولد بن داود = ماينبغي ملكه لوالي

بكري يتحطرم على محمود = من سمح عامد في ضلالي
منهو ضوى ياصاحبي مكبود = خليك يابكري قبالي