الشعق مابين أهل سيهات إتسع = وسط الشوارع بينهم صار القتال
من قبل من ديد أُمهم كلن رضع = والأم لا جارت يعقّون العيال
جيوبهم كانت مليّة والكسع = لبسوا مشالحهم وكشخوا بالعقال
واليوم ولد ابليس فيهم قد طمع = ذا يومهم من سمح قالوا له تعال

يالهاشمي بين هذولا فرع=طالب وطارق بيهم قيلا وقال
الجود والمعروف حبله منقطع=ابيلس والشيطان قد حصل مجال
ماهو سوى هذا ولاهذا يقع=مابين لخوه ياصماصيم الرجال
نحنا لباكم سهم في عين الطمع=جنبا كما السادات والرئس جمال

المشاركة الأصلية كتبت بواسطة طالب باتيس النعماني لاحول ثم لاحول يالهاجس بدع=واطرح كلامك في ميازين القفال طارق شعق بيده ومن جنبه رقع=كنت احسبه طيب وهو عله وفال لكن باوصيك ياطارق سمع=شفنا لبا القسمه على رؤس الرجال خلك معي من حيث مابطلع طلع=لما لحط الوعل مثنات التفال

ياطالب الوالد إذا جار وقمع =أو قيّد أولاده بهاذيك الحبال
وش تنتظر غير اللجاجه والفظع = والجور ماله مقدره وإلاّ إحتمال
ذا يومهم بطروا وغرقوا في الشبع = هذه عواقب كل من ساء الفعال
القل والشِدّه دهمهم والهلع = كل من يخالف شرع ربه ذو الجلال

وقت الظهيرة ساعة المبرِد هجع = تخالط الدخان مره والنفال
حنت رعود الشر والبارق لمع = ذا فعل ولد ابليس متشيطن وفال
يلقم دجاج الربع هاذاك الشكع = كلما بغوا بايقبضونه قام مال
وإن كانوا قدروا يقبضونه أو وقع = يظهر شكع ثاني وثالث يارجال

يالهاشمي مكتوب كا ماقد وقع=شف لي وقع والله ماله شي مثال
ابليس للرحمن والله ماركع=لما غراء ادم وزول به زوال

لاتم ذاك الشهر ياطالب وشع = أوحل في برج المتمّه والكمال
الفجر لاقد بان نوره أو سطع = باتختفي كل الكواكب والهلال
عدّا زمان الفخفخه هو والدلع = أيام ماكانوا يدحّوها جبال
عجوزهم مااليوم قد جاها الصقع = قشرا ومعكونه ولاتقدر بحال

ورّط عجوز أبليس هاذاك ( القدع ) = كلما تكلّم قال هاتوا لي ريال
ووقت الله الله مارقعهم مانفع =مغبون من يقبض بكمبار الحبال
هم حالفوا لحمر وسالم بافنع = وخانهم لحمر وعالبيعه حتال
هم حاسبينه لاقضى حاجه رجع = وهو قعد من أجل يوكل في الحلال

شف كلهم عينه مغني عند صقع=ما يعرفون الا لقرباع الطبال
منكر يشوفونه وما واحد ردع=والبر يتطيّر وكل من كال كال
كل من يجيه الدور في حينه ( قشع )=ولعاد شي يستره لامعوز وشال
عنكور ابوهم مرجلتهم في الوسع=ولا حنّت الرعده تخبّوا في الغيال