لعد تشكي ولا تبكي وتتعبني وتاذيني= وتنكش صوب دامل من زمن عنتر وزام الزير
ولا بي فيدني الدكتور لو جبته من الصيني=علاجي عند ذي حبه وأنا من عادنيا أصغير

عمر يشكي وانا بشكي ولاحد بايداويني =مريض القلب من بعد المحب عايش على التقطير
ولاعندي سوا ذكراه فلغربه تسليني = وفي جوفي لاوهب من فراقه مثل نار الكير

يعين الله عا بعد المحب لي كان يسقيني=بما الورد واحيانا عسل يالمشجري وعصير
اموت ابغيبته والقاه قال الذيب يحييني=تعود الروح لا شفته وهو مقبل قداي ايسير

تكلم صدق لايسعيدونته لاتعاجيني=مثيلي كنت في التسعين لاتسمع كلام الغير
تذكركل شي ونته تحاول باتنسيني=لقيتوالفنك في العشقه وهذياعرب ميسير

رجع لقدى المحب لتقولي تيني ولاويني= إذا ماشي مواتر في دركتر رد أبو جنزير
قفل باب السفر مثلي بغاء شفني مكاييني=غسلت القلب باالصابون من تونس ومن زائير

قفا الدنياءلخب فزعان لاتيبس بساتيني=وبعد العنب والرمان لجنى منها جرجير
ولوهذا حصل قاضي المحب يمكن يقاضيني=يقول أني بعمده قد دمرت المزرعه تدمير

كلامك صدق ماكذبه كل واحد على ديني=لانه ماركه لاغش في الصنعه ولاتزوير
أنا للأن حافظ قال بورايد عناويني=مخزن كل شي ومصوره با الكيمرا تصوير

خرج ذا فصل والثاني سقوني يامحبيني=عبر عمري ونا ضامي على جال الدلي والبير
محاصر مثل ما حوصر بني ادم فلسطيني=حصاره طال لي يحلم بيوم النصر والتحرير

علي بدفع لك الاجره اذ انك باتوديدني =سرع شغل في الموتر ولا تاخر علي تاخير
ترى دمي بدا ينزف ويوقف في شراييني = اذا اتاخرت بدخل غرفة الانعاش والتخدير

قفل ذا الباب شف ماشي مثيله باب ياذيني=لان باقي معي مشوار قبل الحجز والتسفير
وفي الرحله ابا خلي على الموعد يلاقيني=وعدني شاب وملامحي فيها ما حصل تغيير