|
|
اقتباس:
انا بنادم بمطلاعي ومنداري=ماارسل رساله ولا حدد طوابعها والطبع هو ذاك هو مازلت به فاخر=ان راح وان جا معه وان مال ناكل با يمناي ونغسل بايساري=ليمان ما تقدر الايسار تخضعها مهما حصل في النهايه شيخنا جابر=بيعود للدان والموال |
اقتباس:
وانا ماباك ياخلي علي في يوم تتكبر = غبيرا قال ابوفيصل شكت منك لها يومين
|
اقتباس:
يرفع للاطلاع |
اقتباس:
شكت والا بكت كل مالها عندي في الدفتر=ولا قد جيت با حاسب وبارد السلف والدين حجاني الوقت والمطلاع قال الذيب والمندر=بيدك كنك اتناسيتني ياشيخ اسبوعين |
اقتباس:
انا منساك قال الشيخ ولكن طبعك اتغير = لانك ظالم القسمه تبى قسمك يقع قسمين رميت الروف من يدك تبى الاقسم في المنحر = وهذا ظلم لي شوف عمر ماباك بوجهين |
اقتباس:
ورى هاجسي مثل الصقر فاالخليان يتصقر=نسي درب الضلاعه لي يمر في صوط بايومين لانه قام مستعجل ولاشهد ولاكبر=بغاها بارده عينه على وحده من الثنتين |
اقتباس:
رحب بابيات من شاعر على سيطان يتخبر = تذكر قال بوفيصل زمن عدى على وحدين
|
اقتباس:
من أعماله عباد الله تتصايح وتتجور=شكوا في شرج باسالم وبان الصوت فل البقرين ولاهذا سوى منه يشل الخيل والعكبر=وليمن ماكفت فاالصحن شوفه قد طرح ليدين |
اقتباس:
كلامك ينطعملي ياحمد مثل العسل لحمر=إذا جا بيت منك نحسبه ياصاحبي بيتين سمر قل للعمودي خل كل الناس تتسمر=وخل الصفو يرجع غصب للشعبه وللرضحين |
سلامي قال شاعر عد ما هلل وما كبر=على مجلس كبير القوم ذي سلبته بو مقصين ونا الا جيت عاني لسمر ياناس بتسمر=ولا با طول السمره معي يالذيب لك بيتين |
| الساعة الآن 05:41 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir