|
استبشرو بالنصر يذياب الرهم=منهو تعنتر باتجي ريح السموم باتجرفه والله بايذوق السقم=مادام عندي من يهزون الدقوم واستبشرو بالوعل مفتول البرم= يرعى شعاب الطخم لاغربي بروم ذلا وقع له صوب وقرونه سلم=لاصح من لصواب عاده بايقوم |
ما يعود الطفل يرضع لانفطم = ولا يعود يحبي من بعد مايقوم الوعل حسبوه في خلط الغنم = والشارقه ماتبين من بين الغيوم من باع بالرخص مافاده الندم = عثر بالشور لي مايشاور الصروم العور مايشوف وين حط القدم = قال نالي طلعت عاروس العروم |
الكلب يعوي عندما زاد الالم = الذيب يفتك ويأكل ذي القسوم مسكين صاحبنا عاده مافتهم = قل مقدارك يوم تخطيت العتوم الذبر قد بعته ولفقت التهم = راجع المسيكن يحمل ذي الهموم الشعب للثمن دافع ولكنه قسم = رجعتك صعبه باتقابل بالهجوم |
يامولى عينات لكلامي فهم = الحضرمي شوفوه يفهم في العلوم شباك الصيد ينصبونه في الخطم = ينصب في المسيال من يصيد البوم الخو يحن عاخوه وعاابن العم = والسيل بايعبره من يشور يعوم عسى المولى يجلي كل هم = وتصفى خواطرنا من جميع الهموم |
يا البكري ما نقدر نجاريك لكن الحبيب البيض خلانا نخرج شوي عن الطريق. |
كلامك زين ومرصع بالحكم = الحضرمي مقهور من بعض الخصوم قسومنا ضاعت مع قسم الامم = سكت في ذاك الزمن وقع صمصوم ضيعوا الصيد جمله في الخطم= قرح البنادق ضايعه في سطح الدكوم وين المخوة وينهم اهل الذمم = اكلنا سموه معقول طرحوله سموم |
يالحضرمي قبل ماتكوي علم = من لانفعه الكي بايبكي غموم خذ لك نصيحه مني باربع كلم = استمع للنقد لك الفائده تدوم حفظ لسانك وحفظ ماخط القلم = وبين الناس فعل الخير معدوم لاتصدق ماقيل دون كيف(ن) وكم = قليل اليوم ذي مثل النجوم |
امسيت انا مضيوم من صوت الغنم = تنبح على سرحان مسكنه النجوم سرحان لاقد جاع بايوكل لحم = لاقد نوا عالشر بيشن الهجوم |
ماباتجيب الوعل هذاك الدهم = كمين رامي قد حنب بين الرزوم شف للقناصه ناس تدحق عالسلم = لا جابها عامر ولا سالم سلوم وانته تريض لاتقع مثل الغشم = شف للشبك طوعه وقدامه عروم ما بانهم سرحان شف ذالا حلم = قبلك حيود الكار تطوي كل قوم هاتو خبر ياناس في نبح الغنم = ولعاد باتكلم وبكره بانصوم مابانشل الاكل لاذقته بقم = يقعد في البرمه وخلق الله نيوم |
مهما يطول القهر بصبر عالألم=من هو مثيلي ياضيومه بالضيوم لازم يدور الدهر يرجم من رجم=لكن رجوم الغدر كسرتها عظوم مبعد فقدت الياس من حيد النشم=حيد النشم ذي مايفكر بالخصوم بالفكر باعـّود وبرموز القلم=استبشروبي يامجلين الهموم باطور العمران ببني منهدم=بالجهد والاجهاد ماهو بالحلوم صاروخ نصر الله من كتفي نهم=بايعقر البكري وبايكسح سلوم |
مشكور يالبكري على الاربع كلم = نصيحتك عالراس يامخلص خدوم الحضرمي راسخ ومتمسك بالقيم = النقد في دمي ولا نرضى بالهجوم التهديد قد ولىّ يوم تعنتر واهتزم = دخل في وحدة إندماجية كي تدوم براميل دحرجها ، وفي بغداد يتكلم = أخذ قرار الشعب لي عنده عزوم |
اقتباس:
البكري مقدام صامد مايهم = يقدر يميز فاطمه من فطوم ميل من السيل لا شفته يزم = ماباترده سوامك والجزوم معي ميزان نوزنبه الكلم = نوزنها قبل تخرج من الحلقوم مايفيدك بعد خروجها الندم = عليك كل الناس شفها باتلوم |
اقتباس:
يالحضرمي حياك ياحيد النشم = لي تستخدم العقل في وقت اللزوم لي ما دركه الموت نهايته الهرم = والآدمي عا حال واحد مايدوم |
لي ماعدل ايام ما كانه حكم= اليوم صعب العدل ما بين القسوم الآدمي لا مات انقطع عنه النسم = والروح ترجع لك يا حي يا قيوم |
لا قد كبر الادمي يضيع مايضم = لاستامنت عليه ياضيومك بالضيوم مصيبه في العاقل لا قالوا غرم = اللوم بايجينا لا عابرت عالمغروم |
لوم ماشي لوم لو هرجك حكم=والصقر يبقا صقر وبن البوم بوم مقصدك يالصمصوم يا ذيب الرهم=اقصد عديم الراي ذي ماله لزوم الشاعر الماهوب ذي مايفتهم=قوله مشفر فوق قيفانه غيوم |
هرجي نا محكوم يصم الراس صم = من هرجه حكم بين الناس ذكره يدوم عديم الفهم القول عنده مثل اللقم = الصقر لوحله يفهما وهو فوقك يحوم |
اخي البكري تراني اول مره ازمل هنا نباها محاوره زامل الكل يتحدث عن رايه السلام عليكم ورحمة الله وبركاته |
يامرحبا ترحيب بك ياعالي الهمم = البكري المشهور بخطه والرسوم اعداد من صلى في وسط الحرم = وعداد من لبّى ومن لشهره يصوم شف نصر الله سلم وفي الحرب انهزم = لا تحسبه قد فاز صابته الضيوم حبيب لا تفرح بهم بشكة رمم = لا تنخدع باقوال مليانه سموم ===================================== خذ جواب يابوعامر من البكري دسم = النصر لحزب الله وعزه بايدوم لبنان باتجتمع وعاده بايقع فيها حكم = ونصرالله عند الشعب نجم من النجوم قد قالها لهم كلمه وعليها قسم = وشهدوله اصحابه هم والخصوم والامر للناس واضح مايفنده الفقم = عديم العقل مايعرف الظالم من المظلوم |
والبقيه بعد ردك احي البكري |
لي يعرف السنّه قدم مع من قدم = لنصرة الاسلام وباسمه يقوم ماليوم قدعرفنا من هم للدنيا خدم = حبها في قلوبهم يا ضيومهم بالضيوم العدو ردوه صديقهم والخو هو الخصم = ما باتقوم قائمتهم لي هم وخوتهم خصوم شو الاخوّه في الاسلام هي الاهم = بالتآخي والتكاتف بانزيح الغيوم |
يالبكري انته والجماعات ابن عم=عميمكم عند الثريا والنجوم انتو على مذهب ومذهب محتشم=الناس تفطر وانت واصحابك تصوم الله يهديكم ويصلح من هدم=وتعمرون البيت من بعد الهدوم لحنا لنا مذهب ومذهبكم مهم=وتعبدون اقبور مليانه عظوم |
مسكين متعلم وقالوله رسم = وصور لنا كيف القيامه باتقوم مسك المرسم وقالها كلمه لهم = الطفل لي ولد يوم مايقدر يقوم المعبود واحد سبحانه لنا ولكم = وغيره مانعبد ياكاذب غشوم ولي علمك متعلم عاده مافهم = كيف بايقدر يميز بين العلوم |
|
قولولبوعامر فقدت الذرع وفقدت العلم = ولعاد شي عندك شويّه في العلوم بعد الغلط معاد ينفع شي ندم = والجبر عند الناس هو لي بايدوم خل العمايم حيتها لاهل الحكم = بدخل مع سيبان مره والحموم مدريت نامن وين بوعامر عساه من دهم = لاقد قرب الظهر عالشجره يحوم الخال يبقى خال اما الخال ماندعيه عم = متوارثينه مابيننا عند العموم الحصن لي تعنيه عاده مانهدم = ماعذر ماتشوفه مقارب للنجوم |
|
والبقيه بعد ردك |
اقتباس:
ياسلئلي عن الكلام المنتظم = كلامنا واحد وله عدة قسوم حدا ونوعا والى كم ينقسم = اسم وفعل وحرف ياهل العلوم |
اقتباس:
ما عرفنا مقصدك والمراد= محتار ياناس وفي القلب حيره بانبين حوارنا سين (ن) وصاد = والاجابه عالسؤال شفها عسيره نا مهتدي عانهج الاجداد = وانت بين نهجك بجمله قصيره |
|
سلا م من عندي على لاسا د =ماحن راعد فا لحجيره
عاسيد الـبكري زعيم الـــواد=ذي يلقي الشقعه مطيره قله رحل عنتر معاشـــــــداد=ذيهم يقودون القطـــيره يالهاشمي راحو عليك اجواد=كمن جمل لسمع هديره |
سلا م من عندي على لاسا د =ماحن راعد فا لحجيره عاسيد الـبكري زعيم الـــواد=ذي يلقي الشقعه مطيره قله رحل عنتر معاشـــــــداد=ذيهم يقودون القطـــيره يالهاشمي راحو عليك اجواد=كمن جمل لسمع هديره |
دحبوش واصلكم كما مقداد
.............................فارس وله خبره قديره والسيف لحدب بجرده جـرّاد .............................بالفجر بهجم والظهيـره ون حد يبا تبعه معه منقاد .............................بعطيه له حزمـه كبيــره من قاتنا ذيهو دوا لــجـواد .............................بقطفه من راس النصيره |
اقتباس:
البيض له ماجود بالمرصاد=ذي بايحطه وسط كيره بايلقي المعرس معي العقاد=والثالث المجرم صهيره ذلا خيانة ولد باعباد=اجر على الظالم بعيره مانا معي كم(ن) ولد هداد=اجنود فالصحرا مغيره |
|
نا جيتك عاني على الميعاد = جيت لك خبّه وسيره ما با بعد منك ولك بنقاد = اذانته صح باتقود القطيره اهل السقيفه كلهم اجواد = عدهم اهلي والعشيره با نفترق لا قد مرانا زاد = شف الكلمه الزينه عسيره |
السلام عليكم ورحمة الله وبركاته
شكرا لكم اخواني جميعا على احيا تراثكم الزامل |
أهلا شاعرنا الاخ طالب ، اتحفنا بما عندك من قوافي .
|
|
ذا فصل يالبكري بغيت اخبارك=هت لي خبار اهل اليمن والدوله في انتخابات اليمن باشارك=وبوحمد بالجتمع من حوله |
| الساعة الآن 06:48 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
