المشاركة الأصلية كتبت بواسطة ميراد باسودان (المشاركة 519768) تقنع ياعمر قربع على فيجان بوحبه=وهنهن بالملاعق لي معك في الحال جزع زام التمني والحيل والمكر والكذبه=ونخبك راح لاتندم على الماكر وعالمحتال

عتب ميراد اذاني ونا قد حالتي صعبه=ومحجي بين وقتي والتماني ياوسيع البال
والا في الوطن لي نخل في شرقه وفي غربه=ويداتي طويله با تجيب الخيل والخيال

طبيبي في الهوى قاسي حرمني اليوم من طبه=تركني هاكذا اتألم واسعافه لنا قد طال
وما غيره يداويني وما غيره انا حبه= عسى يعطف و يرحمنا عسى تتغير الاحوال

المشاركة الأصلية كتبت بواسطة عمر الذيب (المشاركة 519774) مصيبه لا فقد الانسان كل ماكان يحلم به=وشل مكسبه من لايستحق بالواسطه والمال خريف النخل لي في النخل لا باعوه وش ذنبه=لان اللوم عالبايع وعا الشاري وعا الدلال

شراحه حط شارح ياعمر علحيض ومنبه = ولاتامن على نخلك من النذاي والزقال
وليتك يوم جا يمشي ظنينك سرت له خبه =ولاينفعك وصالي وكلمته على الجوال

المشاركة الأصلية كتبت بواسطة هاوي شعر (المشاركة 519772) رحب بكلام من شاعر بطاء يمهر في الغبه=وجاب اللول من بحره ولايسمع لقيل اوقال كلام الذيب ماكن مثل ذاك الجسروالصبه=قواعدماكنه في العشق له من عادهم جهال

كلامك صدق والواقع محل ما جيت سرح به=ونا با وفي كلامك دوب في المطلاع والمنزال
من اشذاب العلوب اجني وغيري يجني الاثبه=ولا شي في الاثب مجنى فقه لا تصدق البنغال

المشاركة الأصلية كتبت بواسطة المستقل (المشاركة 519777) طبيبي في الهوى قاسي حرمني اليوم من طبه=تركني هاكذا اتألم واسعافه لنا قد طال وما غيره يداويني وما غيره انا حبه= عسى يعطف و يرحمنا عسى تتغير الاحوال

كلام المستقل يعجب وحالي الطعم والنبه=ينب مثل العسل لي في قروفه من نواب ادوال
ونا قدني ادور للكلام الزين وافرح به=لانه كل ما جاني يهز قلبي كما الزلزال

المشاركة الأصلية كتبت بواسطة عمر الذيب (المشاركة 519758) يون القلب قال الذيب عالمصيوت بو شبه=ولكنه صبح مبعد وخاف انه معد ينتال وبندق مثل ذا ماهو لجاهل خيب يلعب به=تذكرته ودمعي من عيوني غصب عني سال

يعين الله يبن الذيب شفها نشبت النشبه=سلبك اللي مع السارق هديه جته من دجال
وانا ماشوف حل لا ردو البرميل والخشبه=ولكن الحبش احسن بجم قالو من الصومال

المشاركة الأصلية كتبت بواسطة الواقعي (المشاركة 519825) عاد حد شعار في المجلس والا نروح ننام

المشاركة الأصلية كتبت بواسطة صوت سيبان (المشاركة 519832) موجودين ولكن لم نكن متابعين إذا قد طال الفصل براسك غيره ياالواقعي وبانلقي سمر منا؟؟؟؟؟؟؟؟؟؟؟؟؟؟؟؟؟؟؟؟؟؟