ذا فصل ساهر والخلائق راقده = سهربي الهاجس وخلق الله رقود
قال العمودي والمشاكل واجده = وين العرب ان عادشي نخو وجود
ماشي حراره شوف بقعا بارده = من ماعجبه السوق روح بالبرود
لي ماحسب للصادره والوارده = ماعذر ماتجيه المنينه والورود

المشاركة الأصلية كتبت بواسطة الغازي 2007 ذا فصل ساهر والخلائق راقده = سهربي الهاجس وخلق الله رقود قال العمودي والمشاكل واجده = وين العرب ان عادشي نخو وجود ماشي حراره شوف بقعا بارده = من ماعجبه السوق روح بالبرود لي ماحسب للصادره والوارده = ماعذر ماتجيه المنينه والورود

خل الحليله يا العمودي قاعده=الناس في همره على الدكه قعود
وأما التجاره كل أبوها راكده=والظن با يبطي الغلاء هو والركود
قد مات ذي قاوم وسلموا اللابده=حاز السلامه من تربى عا اللبود
كل من خضع لأمر السويداء الناكده=بيعيش في راحه ولا يحلم نكود
بس يترك الشعب الأبي في مكابده=وأوضاع عيفه ذي تحوّش بالكبود
ولعاد تتوقع مدد وِمْعاضده=من با يبزّك بالسواعد والعضود؟؟؟

يوم الحليله وسط راسي عامده = مايختفي من كان أهله بوعمود
كله من السمراء علينا حاقده = لعبت بنا والناس لي معها حقود
لاتشتكي بالبنت لي هي عاقده = هي وقعت من سمح بتوثيق العقود
ماليوم يامحمد ظهرت ناقده = من صبح لمى الليل تفرز عالنقود

المشاركة الأصلية كتبت بواسطة الغازي 2007 قال العمودي والمشاكل واجده = وين العرب ان عادشي نخو وجود

اليوم شف ( يعرب ) فصيله هامده=وش حدّها عا ذي المهونه والهمود؟
صاروا لغير الله فرقه ساجده=ما يجوز هذا الإنحناء وألا السجود
عدّى زمنها يوم كانت صامده=أيام ذي فيها التصدي والصمود
وغيثنا مبعد يدمدم راعده=البرق ما شفته ولا أوحيت الرعود

المشاركة الأصلية كتبت بواسطة الغازي 2007 لاتشتكي بالبنت لي هي عاقده = هي وقعت من سمح بتوثيق العقود

البنت قدها اليوم هي الوالده=وعاد الليالي بالنكد حبلى ولود
كل القبايل في وتاها موادده=كلن يدوّر بِرّها طايع ودود
عا السيل ذي يروي جروبك رابده=با تكسر الوادي ولا يشل الربود
وكل الأمم تمشي قفاها حاشده=يا زينها لُمّان تأمر عا الحشود
من با يقاوسها التي هي فارده=إزنودها والسيف معها والفرود؟

يالمخشني جم ناس ظهرت حاسده = يالله يقع مسمار في عين الحسود
ان كان حدفي ضيق نا باساعده = مادامني في خير بارض البن سعود
اما المشاكل شوفها متصاعده = وان حد محدر بايردونها صعود
يالمخشني يالله ضربه جامده = وتحرك العربان لي باتوا جمود

المشاركة الأصلية كتبت بواسطة الغازي 2007 يالمخشني يالله ضربه جامده = وتحرك العربان لي باتوا جمود

إن جاهم الـ ( ماكين ) من بيجالده؟=وإن جتهم ( إكلنتن ) فبا تشوي الجلود
وبُصُر ربي أمّته له عابده=إن با ينجي أو يعذب با عبود
وأما الولد باراك سته شارده=في كينيا والناس كل بوهم شرود
ذي رشّحه ما أعطاه فكره راشده=مغروم يطمر ما معه شي ( بارشود )

ذافصل صحنا من كلام الزور = جات الرشاوي للوزاره
والليل غدر مابصرت النور = وابليس قد ولع بناره
ومن البشر ليهي تلف ودور = كلين يقلد باب داره
قال الخبر لي في الصحف منشور = النار اولها شراره

والجمل ذي في المنتاق تسمع هديره=ماتهمه مراحالهاوفي الضرك يشبي