|
شوني على مبداي نقوم الفرض كله والسنن = سنة نبي الله سيد المرسلين اربع مذاهب ماكنه والخامسي منه ذهن = والا صبحنا كل بونا مخالفين |
ياااااااااااااااسلام عليكم..وعلى كلامكم..شعراء كبار..ولكم..تقدير واحترام عندنا فووووق..ماتتصورون..
المهم..جيت اسلم عليكم..واعذروني..على الغياب..وراجع لكم قريب.. لكم ارق التحايا القلبيه.. |
اقتباس:
انت لك التقدير والتبجيل والقول الحسن =والعافيه ثوبك ويرعاك المهيمن والامين لاقلت لك ان في المكلا حال منه جيل جن =بلاهدف ماشي ولايعرف يساره واليمين ارضك ولاتبدل بها ديره ذهن تغتر ذهن =لايغرك الطالع في الغربه وذيهم نازلين كنان راسك لابرق في الغيث اوراعده حن =غلطان من هزه تبدال الليالي والسنين عاد المرح فيها وفيها كل متأصل وفن = حتى وان باقوه اهل القرش واللحم السمين ولي امل فيكم وعندي في الحضارم حسن ظن =بايصلحوا الدامر وبتعودون لينا سالمين |
اقتباس:
يا أم عيد الله.... أنتي أفضل من غيرك عطوف ولطوف فكما ترين أن الكثير منهم لم يشاركوا. و ( عطوف ولطوف = تعني بكثير ... طالما أننا هنا لإحياء وتتبع الكلمات التراثية ). ولاحظي أن هذا الصوت الذي جابه المطـّــلع فإن الصدر فيه أطول من العجز هذا من ناحية ومن ناحية أخرى فالصدر في بدع المطلع أطول من الصدر في جوابك أي هناك إختلاف بين بدعه وجوابك. |
الاخ محمد :
حسيت بان فصل المطلع فقد شيئا من رنته الموسيقيه اليس كذلك ؟لكن هل ابياتي مقبولة في النظم التام ؟قوافل من الشكر ويعطيك العافيه ! نا منتظره ردك الشعري فانت في كل شي لك نصيب الاسد . |
تحليل ممتاز يالمخشني
|
سلام
لوسمحتوا لي بالفصل هذا اول فصل لي في المجلس بعد اذن الاخ عمر
واذن الجميع للسيد سالم عبد القدر العيدروس ملقي على كتفي سلب سيد الميازر= ولا يجينا الخوف ظاهر بظاهر كم من ولد لا شافنا قطفت عيونه = طاب الجناء والهيل دنت غصونه التخميس ( طاب الجناء والهيل دنت غصونه ) |
اقتباس:
يا سبع شفهاجاتنا ام الكباير=والحكم قال الهمتجس شفه جاير والنفط من لاباريتنشفونه=طاب الجناء والهيل دنت غصونه |
ماشفت شي نا مثل هاذيك المناظر=جمالها والحسن جم ملفت وساحر القلب متعلق بها والنفس مفتونه = طاب الجناءوالهيل دنت غصونه ياحضرموت العز لك طربه وخاطر=عانار بعدك قلبي المشتاق صابر نار اللقاء والشوق تتلهب ومرشونه=طاب الجناء والهيل دنت غصونه يالحضرمي لما متى وانته مهاجر=الناس قد عادت وبوحضرم مسافر على المنافذ ياعبر والا يردونه=طاب الجناء والهيل دنت غصونه |
اقتباس:
يامرحبا بالسبع لي جانا يناور=والهاجس الليله يالسبع حاضر هرجك بميزان الذهب بايوزنونه=طاب الجنا والهيل دنت غصونه لتلومني ياصاحبي شفني مسافر=لتقول لي ف الهرج زايد وقاصر بسقيك من صافي مصفى في دنونه=طاب الجنا والهيل دنت غصونه الحظ يا سبع الليالي شفه عاثر=والقلب متّولع و مسكين حاسر واسرارنا ياصاحبي شفها مصونه=طاب الجنا والهيل دنت غصونه |
اقتباس:
لك تقديري انت الاخ راجعين والله يحفظكم |
سلام
عيني على ام القير وعامات التواتير=قلبي بهن ياناس متولع وحاير مسكين من هو في الهواء ضيع سكونه=طاب الجناء والهيل دنت غصونه |
سلام
مساكم الله بالخير ياشباب اذا ماراق لكم الصوت غيروه
بارك الله فيكم واسمروا |
اي شي يجي منك طيب ياسبع الليل
انا اعتذر منكم جميعا مشغول شويه لظروف مرض ولدي لكم تحياتي على ما تبذلونه في عمار المجلس عمر الذيب |
اقتباس:
انشاالله مايشوف شر تحياتي لك |
اقتباس:
دعيت الله يشفه الولد ويعود بو طالرق إلى صحابه = ويملي مجلسه بهجه ويسقينا بغيه من جبوح النوب |
اقتباس:
|
اقتباس:
سلامة ولدك ياعمر مايشوف شر وجميع المسلمين امين والحمد لله الله يشفيه ويعافيه |
(( فصل )) إدعوا لجدي بالشفاء شو له سنه ما ذاق طعم العافيه = جدي تراه المخشني يا بن حمد قرنه إنكسر يوم الربوع جبنا دخاتر من عدن للمخشني قالوا لنا شيبه عظامه باليه = يا بن حمد خالك تراه الخشني شله ولو حتى سبوع |
اقتباس:
أخي صقر الوديان ... عندي مشاركة على الصوت السابق ولكن أخّرتها كي لا تقول أننا تهرّبنا من هذا الصوت الطويل الذي جبته أنت. وفي الواقع أنت تهرّبت من الصوت السابق لأنه من السهل الممتنع وما عليك لوم فغيرك الذين شاركوا عليه إقترفوا كسورا كثيرة وملك اليمن لابد يبغى ذاك الصوت يعبر: سمّيت بالرحمن وإتعوّذت شوني من بديوي داهيه=ذي هو بغى نفسه صغيّر في شبابه وبغى نفسه قنوع الشيبه ألاّ إنته كبَر منّي بخمس إسنين قل لمعاويه=أحسن مشي بالحيط كن دايم مؤدب أجودي زين الطبوع محمد بن سعيــد بن مخــاشــن |
اقتباس:
الوزن نصف الشِّعْر ملقي على كتفي سلب سيد الميازر = ياداندانه ............... داندانه .... داندانه ولا يجينــا الخــوف ظاهــر بظاهــر= ياداندانه .... دانيا .... داندانه لاحظ إختلاف الدان بين الصدر والعجز. لا ما وزنت القاف شف منته بشاعر=خلّي كلامك دوب موزون باهر والناس تسمع له وتعجبهم لحونه=طاب الجناء والهيل دنّت غصونه *** ولا تكن مدرار بل كن مثل قاطر=لوعال فوقه في الجبل في تناحر قاطر وكل لوعال جت بتموت دونه=طاب الجناء والهيل دنّت غصونه محمد بن سعيــد بن مخــاشــن |
(( فصل جديد )) يا أهل الخريبه شعبكم شعفور با ين يحتضر = سنتين لي ما شفت شي منه سيول بنقل إلى شعب الخِضر أخبار جت منه تسر = قالوا الظباء ترعى دقامه والوعول |
خلك مكانك كم وكم مخلوق مثلك قد غتر = قد كان متعلي وفكر في النزول
لما صبح لاعده من عامر ولاهو من عمر = لوهو صبر موسمه بايودي سبول كنه ستعجل ترك الموسم وهو عاده خضر = غره المضاهر والمضاهر باتزول |
اقتباس:
حياببونواس ذي جاب المعاني والفكر=كنه بطى ياناس مادري وايش اقول وين المغيبه يارفيق الدرب مرصوص العير=شفنا تخبر فيك قدمات السيول |
بااهل السقيفه شي معاكم من محبيني خبر= شوني قتلني الهمر وقتلني الفضول
عدشي تغير او مكانه الوضع عاده ماستقر = يالله باخبار السهاله والقيول |
الاخ سبع الليل السلام عليك وعلى الخوان جميعا سبب تاخري انته تعرفه ياخوي
والحمدلله اليوم احد الاخوه جزاه الله خير عطاني اللاب تب حقه وقلت في نفسي فرصه اليوم بانشارك مع الطيبين في هذه السقيفه الاكثر من ممتازه وليعذروني جميع الاخوان الاعزاء |
باشوف قدامي تواقيعك وباشوف الصور=ياصاحبي لق لي معك بضعت حلول شف خاطري يابس وحس قلبي اندهر=نيران وسط الجوف باتورث كلول |
ماوحدتو القافيه في الاخير ولا الوزن ارجو التقيد بارك الله فيكم وواحد يبدع فصل جديد وابقو معه الا ان ياذن لكم بتغييره او يختار واحد للبدع الجديد هو او راعي المجلس مع الشكر منتظرين لكم مع الشكر لكل الشعراء والمشاركين |
حنت رعود الخرف رعد الخرف باينزل مطر= يارب ستر عا الذي في الوادي حلول والبرق يتلهب على البقريين والغار الحمر = يالسبع ذا عارض قوي ماهو همول |
ماسمعت شي راعد ولاشي برق من بعده مطر = ذا غيث قال الشيخ مامنه سيول ذلا شعف هبت وحتى الجو غبر واعتكر = وقت الظهيره تحسبه نصف الليول |
الله يعين الناس لادقت نواقيس الخطر=كلين بايفقد ذبوره والحيول والبخص عاذيهو يزر في الحبل زر=ماليوم باتخنع زهوره بالذبول |
زادت زلازل ارضها ياشيخ وخسوف القمر=وتكسرت بنيان وابواب القفول حد منهم هارب وحد من كثر لي به انتحر=والحاصل ان بقعه تبشر بالحرور |
قل للعمودي مرحباء ذلحين بايطيب السمر= والباب بانكسره لاماله قفول اناء سمعت اخبار قالوا شرب في وادي غبر= والغيث عم ياصحبي عرضا وطول |
اقتباس:
ياهاجسي حضر معي لاشفت ماشي لك عذر=وازقر بلول واترك الثاني يزول ياسبعنا يا ليثنا ابدع ونسينا الكدر =والقاف ظبطه من طلوعه وانزول |
إيقول بو مخشن على قرص البغيّه شفت ذر=وإصبخ حوالينه يهمّوا بالدخول عساك ألا يا الذر من بكره تفر بك ريح صر=مبغيت عا قرص البغيّه لا يدول محمد بن سعيــد بن مخــاشــن |
يالمخشني هذه سقايه فضل حق كل من عبر= ماهي لحد مخصوص ياوعل الوعول والدندنه هي والمغاني حق من راسه قور = ان كان في الشيبان والا في النسول |
اقتباس:
قرص البغيه دال يامحمدمعاد شي لك مفر=لولا الملامه معاد له عندي قبول واهل الدباسه كل ابوهم عظم في ساق انكسر=ياخسها ذيك الطبايع والدلول |
اقتباس:
البعض يتصيور وهو مابه صور= والمخشني يحمل بطاقه لدخول الذر كل سكر وغيره ما قدر =لاما عرفت اسأل وباتلقا الفصول |
الضاهر ان الغيث لايالسبع عا وديان سر= شرب الكرع ماهو كما شرب الغيول ياصاحبي شف هيجنا مرصون في وسط الوصر=من امس والبارح مجهز للحمول |
|
| الساعة الآن 10:06 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir