المشاركة الأصلية كتبت بواسطة طالب باتيس النعماني ياهاجسي وين الحليله وينها=ذيهي تجملني بابيات القصيد وارض السعيده من يقدر طينها=بايبلغ امراده وبايحصد حصيد

جات الحليله جاوبت من حينها = وجلست بشقي لابسه الثوب الجديد
هيا على ديني ونا عادينها = ما با تعاندني ونا عزمي شديد
ومن ما يفرق سينها من شينها = يمشي لحاله دوب في السكه وحيد
أما أنا والله بندر عينها = لا قد عصتني مالها غير الحديد

المشاركة الأصلية كتبت بواسطة الهاشمي - السيباني جات الحليله جاوبت من حينها = وجلست بشقي لابسه الثوب الجديد هيا على ديني ونا عادينها = ما با تعاندني ونا عزمي شديد ومن ما يفرق سينها من شينها = يمشي لحاله دوب في السكه وحيد أما أنا والله بندر عينها = لا قد عصتني مالها غير الحديد

حذرك من الساطور ذي في يمينها=ماباك تقطع راي خافه مايفيد
فكر وشاور قبل تندر عينها=وانشد صحاب العقل والراي السديد
شفها لها فتره تسن سكينها=سكين بو سطرين من الصانع جديد
ماباك تتعرض لها وتهينها=خايف من السكين يوقع فالوريد

المشاركة الأصلية كتبت بواسطة الاشتراكي حذرك من الساطور ذي في يمينها=ماباك تقطع راي خافه مايفيد فكر وشاور قبل تندر عينها=وانشد صحاب العقل والراي السديد شفها لها فتره تسن سكينها=سكين بو سطرين من الصانع جديد ماباك تتعرض لها وتهينها=خايف من السكين يوقع فالوريد

عندي سلالتها وسر تكوينها = والعهد صغته بيننا ماحد يحيد
عاعشقتني والله ربي يعينها = عذبتها من زام هارون الرشيد
يالاشتراكي كل وصف يزينها = ماهزني والله على هذا شهيد
مادامني سددت باقي دينها = تصبر على طبعي ومني تستفيد

ماليوم يالشعار بنثر خينها = باقول يكفيها من الزوج العنيد
بطلب من المولى وهو بيعينها = من بعد مامات المقدم والعميد
شفها بطت تبكي عذاب أسنينها = كله سبب ابليس لي اصله بليد
كل من قربها بيصبر عا شينها = لابد مانضرب بيدن من حديد

الهرج له شوكه وله ميزان=من قبل مايخرج من الحلقوم
وان قد خرج خرب على لنسان=مثل الضرف لاقارب التبشوم