الشهر في وسط السماء باينجلي = غطى بنوره عالنجوم الزاهرين
لاهب علي بالغصب جاء بعده على =ماغير باصيح بصوت الغافلين
العيف لك قمسك واما الزين لي = باغل على قلبك وهو بين الريين
ماشي بيدك سيف خل الباطلي =خل الفواله ياولد خلك رزين

لا ياالحليله اعزمي واتوكلي=واسري بنا لمان حذيه والعنين
وعاك يالميزان مابايمتلي=مخروق وانته فيه تخلي من سنين

ذا فصل والثاني طفينا نارها=والنار شف ماحد يطفيها بنار
ارض اليمن منك بغيت اخبارها=من بعدها هت لي علومك والخبار

وين الذيابة وينها وانمارها=ما شفتهم طلعوا بشاشات المنار
شايف ثعاله تختبي بوكارها=خلك معاهم شل لك فقرة وكار
واحنا لها لتجمعوا حضارها= بطعن بجنبيتي لمان الحضار
احنا رصيد القبولة واضمارها=ولنت لا مكسب ولنته شي ضمار
ليلت مسى قاصف بخصب امطارها = ما شفت لك شي بنج هبطت في المطار
ميزان يعزف لك على اوتارها=عا كل نغمة شد لك خمسة وتار
لا تمدحو ارض اليمن وابارها =ارض اليمن لا زلت فيها ابن بار

ماشي معاكم سر من اسرارها=مسوا قدمك الي وقف ولعاد سار
والقبوله انته ركبت احمارها=الخيل لي وانته ركب ظهر الحمار
من مختفي منا ومن في انهارها=غادي مثيل الشمس في ظهر النهار
لما متى باتستتر بستارها=ذلا المره لي تستتر خلف الستار

احنا عرفناها ولعرف عارها=ولعاد بتنازل مع ملكف وعار
خل قسمك القصرة جلس عاجارها=وانا علي واجب حفظ صاحب وجار

مكلفك لي في الدار عمدت دارها=ياالي انتميت لدرار من خس الديار
في وسط عينك باندق مسمارها=ايش الذي دخلك في هذا المسار