المشاركة الأصلية كتبت بواسطة الغازي 2007 الطبخ لي عالنار عاده مستوى = لمى متى عالنار يتوقد وقيد يالمخشني لك ثورعاده ماضوى = وانته في الميدان تتوعد وعيد كل من غواه أبليس بيشوف البلا = لاقمت يالشعار بعصدها عصيد ومن تحداني بنيران أنكوى = شفني على كل باب ملقيلي قليد

المشاركة الأصلية كتبت بواسطة علي بن طالب الحامد لانته من اهل الزيف واصحاب الهواء=حاشا ك لا ياجيد يانسل جيد بن عمر يا خوك ما يهتم ويشل هم=صليب اقسى من جلاميد الحديد

مشكور بو طالب بدلوه قد دلى=سيد القبايل في قواله ما يحيد
لكن ذي عافت فعاله والكلم=وجّه له التوبيخ والزجر الشديد

المشاركة الأصلية كتبت بواسطة خالد سالم بن مهناء المري ياالمخشني بالقيك قايد عاالواء =بلقيك في صف المقدم والعقيد واحنا اوادم قبل منقاطر كلم=نحسب لها من قرب ولا من بعيد ياالف بعدك لام بعدك حرف راء=مفتاح يفتح كنز هارون الرشيد هذا كلامي وانت يافاهم فهم=ركز وباتفهم تريد او ماتريد

مرّه ضماري لا إعتكت وقت الفداء=وبن مهنّاء شنطبه في راس حيد
منته كماه الراعيه حق الغنم=وإنته حميته سمح بذلاق الحديد
ما سي إلى غيري حشا كلا حشا=وإلزم حدودي في المجالس والقعيد
واليوم شوني جيت من وادي حمم=با زيد في كيلي إذا الضانه يزيد
هو ذي بداني بالعداوه والأذى=ونا مدحته ... ما إستحق مدحي البليد
يا بن مخاشن كيف تمدحه البجم؟=عقله كما سقله في الكوفل وليد

المشاركة الأصلية كتبت بواسطة الغازي 2007 يابن مهنا وط صوتك لاعتلا = والعبد مهما راح بايرجع لسيد

ما لك مقر محزور يا بيض الدّباء=بين القبل عايش ومتسكّع طريد
وتبغى تقاوسه الحمومي والقثم=عنبر بغى إنه عا القبايل شيخ سيد
المسيده والمشيخه لهل النّهى=وكاسبين المجد والعز التليد
وأهل النشامه والشهامه والكرم=ما هي لكل من يدّعيها يا وليد

المشاركة الأصلية كتبت بواسطة الغازي 2007 يالمخشني لك ثورعاده ماضوى = وانته في الميدان تتوعد وعيد

ثوري نطح بقرتك يا وجه العناء=والخوف عاده لا يدوسك شف سويد
يكفيك يا شعلي من إشتيمه وذم=ما شي معك هاجس ينقّح عا الحديد
وتيس وادي عمد لا ضبّح ثغى=الوعد له قل له إلى جمعه وعيد
با شرّكه بلقي لحومه كم قْسَم=وبا نعزم الجيران عا اللحم الثريد

ذا فصل يالشعار وأهل القبوله = بنقوم عالظالم وكلن من قداه
والتاليه ماهي مثيل الاوله = والشيخ بالعالي ولاحد بيلفاه

المشاركة الأصلية كتبت بواسطة الغازي 2007 ذا فصل يالشعار وأهل القبوله = بنقوم عالظالم وكلن من قداه والتاليه ماهي مثيل الاوله = والشيخ بالعالي ولاحد بيلفاه

قولوا لبو فيصل ولا هي لوّله=منّك تيقّن لي ولا هي ( التالياه )
خليتني عِصّب سببها القروله=حقّك وإلا فالمشايخ لي حياه

الثور ياطالب بغاله قلقله = كل من حضر منكم بايملي شواه
يالمحشني ياله وأقراء البسمله = الحصن لي معروف ماحد قد غزاه
في وسط وادي عمد حيث المرجله = من صاح في الوادي ردوله نباه
مانزع الحنضل وغصن الحرمله = حقك ولك عادات ماتزرع سواه
ماشي فوايد من صحاب المسفله = كل من تغدى مالحق منهم عشاه
مابن مهنا صاحبي مابدله = ناوي على غيره وبانفص كلاه

يا سافل السفلاء سفاله مسجله=بإسمك ونا أعطيت بالي كل مداه
والكلب ذيله ويش ذي با يعدِلِه=يلهث ويعوي في مصيفه أو شتاه
الناس تمدح فيه ولْد إمبدله=وهو يذم الناس ذي يبغوا رضاه
ولعاد با طوّل حكايه مطوله=ما اليوم كل وادي خذا غرقه وماه