|
اقتباس:
قفزنا ياعمر فل بحر والله بايساعدنا=وانا لدخلت ف الغبه اجيب اللول والمرجان يحن النوب ياذيبان لاقد طاب له مجنا=وتلقى الذوق يامحلاه لي هو من عسل جردان وانا الليله معك بسري ومن موردك بتهنا=وانا شوف الموارد صافيه باتروي العطشان عسى بو شيخ يتجمل ويلقى كل ماتمنا=يزين الحظ معك يالذيب لا يافارس الفرسان |
اقتباس:
العتب على النظر على قول حبا يبك المصاريه شيبه معاد تشوف على كل ليس هناك من مشكله بو زيد معروف بشمله |
اقتباس:
الصد والبعد والهجران نار وشرار=تقطع في القلب تلقي مثل قطع الشفار |
اقتباس:
كلام الشنطبه غصبا على الكرسي يسمرنا=ويكلفني بلا مجداف ندخل في غبب سيلان نصح يابن حمد صا حبك قال اليوم تركتنا=يطالبنا باشياء مر عليها الدهر والنسيان يطالبنا وجالس عندنا في الدار مزعجنا=ولا طردناه من حاره فتح في الثا نيه دكان وملقي قبعسه عاده وفيما يقول يشتمنا=متى ما جاته الفرصه على الزامل ولحن الدان |
اقتباس:
فرحنا إن الصوت الأولي قد أخذ ملاه وقلنا با نخرج با نجيب أم صالح من السوق فقمت أنت وقلبت إلى صوت جديد:
خل أم صالح تناظر لي بسوق الخصار=أو توخذ الليموزين وسايقه مالبار ما ني نويت أن نتمّي ناوْ عمر في شجار=علبو العوايل عسى للبيت ألاّ دمار قفّلت جوّال ما منّه سوى كل خسار=دايم يوزوز كأنّه فار يا خوك ضار قرب المحب جنّة الفردوس والبعد نار=. محمد بن سعيــد بن مخــاشــن |
يامرحبى بالقواني جات تالي نهار
من عند مخلوق وافي يحسن الاختيار بعد المحب ياعمر دمر حياتي دمار شيب براسي خلفلي القهر والاهتمار قرب المحب جنت الفردوس والبعد ٠٠٠٠ |
يامرحبى بالقواني جات تالي نهار
من عند مخلوق وافي يحسن الاختيار بعد المحب ياعمر دمر حياتي دمار شيب براسي خلفلي القهر والاهتمار قرب المحب جنت الفردوس والبعد |
من كثر ما حب من حبه وعدنا صغار=سويت في القلب له مينا ومدرج مطار
قرب المحب جنة الفردوس والبعد نار |
اقتباس:
وش عاد لك في المحبّه يا عمر يا الكَبار = ما اليوم يا الذيب ما بتذوق لحم الجفار قرب المحب جنّة الفردوس والبعد نار محمد بن سعيــد بن مخــاشــن |
يهوين محزمي فاضي مامعي شي سبار=قاعدمن الضيق نفحس يمنتي باليسار
ياريت زامي يعوّد لي تعدى وسار=قد كنت ملقيه عا قلبي حكم مستشار واليوم وقتي تحداني وجاني شتار=ماصدت من صاحبي غير الهوش والشجار قرب الحب جنة الفردوس اااااااااااااااااااااااااااااااااا |
هت لي خبر من قدا حجّه ومعها ذمار = هل هجدوا الناس ذي هم يوكلون العرار؟ قرب المحب جنّة الفردوس والبعد نار محمد بن سعيــد بن مخــاشــن |
اقتباس:
قلت خباري من المصدر معدشي خبار=والعاد شي غير ما قالت قناة المنار قرب المحب جنة الفردوس والبعد نار |
الشيب لاقد ضهر في الراس قالو وقار=والعشق سلطان من حكمه معدشي فرار قرب المحب جنة الفردوس والبعد ضار |
اقتباس:
حيّا وسهلا بن أحمد شيخنا له وقار=عاده معلّق بعشق الغيد ذي هن صغار في حُسْن شبّتِه والبندق قروحه كثار=حاز الحسب يوم صيته سار لا كل دار لكن كسعته ما تعطي له أي إعتبار=ما هو كما البوقري وألا كما الشونكار قرب المحب جنّة الفردوس والبعد نار=. البوقري والشونكار = بيوتات تجارية معروفة. محمد بن سعيــد بن مخــاشــن |
اقتباس:
يا قل قلِّه رَفَض شفهم ولا هم خيار = لا يدهنوا لك من البطّه وفيها حثار قرب المحب جنّة الفردوس والبعد نار محمد بن سعيــد بن مخــاشــن |
حيّا بكم ... با نصل باب مكّه |
الزين في داخل الوديان ورد وزهار=من شخلت العين يصحابي يجيلك دوار وادي قضاعه ودوعن فيه يا طم قوار=لدخلت وديانهم فرضو علي الحصار وقالو ارجع ايلى السيله ونقعة مطار=ورجعت مغصوب للرمضى وكثر الغبار قرب المحب جنة الفردوس والبعد نار |
اقتباس:
الله معك |
اقتباس:
تحياتي لك بالعمودي وانا اتشرف بك اخ وشاعر واتمنى لك التوفيق الدائم |
اقتباس:
سلامي عندكم في مجلساً بالعز شرفنا=عمر ياذيبنا ياقانص الوعلان والغزلان معاكم جيت ابا السمره وبا الشعار تسمعنا= وبا نسمر وبانفرح وبا نبدع بصوت الدان |
يقول الذيب بو طارق سلام الفين وتحيه=على وادي قضاعه والمقد والديس والبقرين وسلم لي في الوادي على نخله فريديه=بداء فيها المذنب ذى السنه في نحرها خيلين |
هلا بابيات من شاعر ذكر وديان محميه = ذكر نخله بغا قسمه يقع فيها كمى قسمين عمر لمى متى تحلم على حاجات منسيه = عليها قد مضت اشهور جم ياصاحبي وسنين |
اقتباس:
هلا بالذيب ابو طارق ولقوال الهجائيه =هلا ياقانص الغزلان في الوديان والبحرين حروفك بالافق مالت على نخله عموديه=وصابت خيل والثاني يعاني منك المرين |
اقتباس:
حلم وارسل في الساعه ميه وعشرين برقيه=لان لي قلب واحد يا رفيقي ما معي قلبين وفي قلبي سكن مخلوق واحد طيب النيه=وغيري قلب له شقة عزوبيه تسع ميتين |
وفاطر عندنا ما تندر ألاّ رُبْع صفريّه=وأبونا ذي محب فيها مشمّلها على قرادين عبر عمري مساهنها ولا شربنا هناويّه=وهي بتدر من قبل القيامه ... لا بقي يومين نويت اليوم بنحرها وهي في القيد والخيّه=ولكن ماعطتني النفس لا يا الذيب ما ني شين تركناها ورحنا عا الوكل عمّال كوليّه=وكل ليله ونا نهمر نبا محزم لها وإثنين محمد بن سعيــد بن مخــاشــن |
اقتباس:
سمر يالذيب وأتسلى ولك أبيات مهديه = أباك ألا وتتمعن معي في هذه البيتين ترك نخل المقد للاهله وخل بدو العقوبيه = يحلوا حيث ماحلوا سمعني يارفيقي زين عمر خلك مع الشفره ولاتحلم بجنبيه = وهي قد شلها غيرك وعارف جابها من وين |
اقتباس:
وأبو مخشن مسى يرطن بجاويه وهنديه = ولاعنده سوى الفاطر بغى منها ملا مدين وخلك قال أبوفيصل معانا طيب النيه = ولاتدخل وسط غبه خطيره غبة البحرين |
اقتباس:
غبّــه خطـيــرة
ربينا عا الخطر يا الشيخ أنا والموت أهليّه=وعزرائيل يتقهوى معي دايم في أم سهمين ولا أجزع عندما شوفه ولا أدري ليه جاء ليّه=بيتقهوى كما العاده وإلا جاء بغراب البين محمد بن سعيــد بن مخــاشــن |
اقتباس:
انا الا مر وانا الناهي ومسؤل الصناعيه=ولا بسمح لحد ثاني يفك مطعم على با بين سوى الا عا شوارع يا حمد ماتهم فرعيه=يسوي لي بغا ويشل له وحده من الثنتين |
اقتباس:
الى ما جات على كيفك ترى ما هي عما نيه=تبا تاخذ ولا تعطي كماها كثر ها ليومين تركها با تحصلك جذع في السوق مهريه=ولا قالو ثمنها الف قل يالمخشني الفين وبا تشرب لبن يالمخشني في صبح وعشيه=وبا ترتاح في ارضك الى تركت وادي العين |
اقتباس:
معادشي في يدك باقي من الرطلين اوقيه = وغيرك رجح الكفه وزن بالرطل والرطلين رحم نفسك ورح يالذيب للدكتور عصريه = وقيس الضغط والسكر خطر لازاد عاميتين اذا تميت عادلك كذا بتموت حتميه = بقهرك قال بو فيصل وباتبكي عليك العين |
اقتباس:
انا لا نويت شي قوله في المجلس علانيه=وصرح به ولا بيهمني احمد ولا حمدين ولا جا فضح في منسف تعوذ من بلا ويه=ولا لي دخل في ما قال غيري يهل باصبرين |
اقتباس:
ووادي العين شف عاده قوانينه عباثيّه=وضعها العوبثاني ذي بغى المسلم يبت لا وين وأرض الله ما هي لليوافع والكثيريّه=ولكن من با يحكي بنور الله يا عمرين؟ محمد بن سعيــد بن مخــاشــن |
اقتباس:
انا زانتي لي عالبير يا بو شيخ مرسيه=ترك اهل الحبال القاصره لي ماتصل مترين من الغدران شربو ما وصل حد للعموميه=قلوت الكار لي يشرب عليها الوعل بو قرنين |
اقتباس:
وابو مخشن بغى قسمه تقع في الجول وهميه = ولا قصده سوى فتنةعيال العم ابو وجهين ربيتوا عالبقر دايم وذيك ايام ذهبيه = ولابتنتسي دامك معي تلعب على الحبلين |
تصبحـــون على خيـــــــر |
اقتباس:
عمر زانتك فوق السف من شنتين مطويه = وغيرك قد نزح عابادجاجه قد رسى دلوين شربوا من كرع صافي وشربوا مياه صحيه = وخلولك خمج في قاعة الوادي ونصه طين مطاعم للضبي فتحت عمر شرق العزيزيه = ولاشي بالنفر فيها سوى لابتعزم راسين جلف صاحبي من صغره اذا ماعندك ادريه = يشل ويحط في الواجب وبايقضي السلف والدين |
اقتباس:
|
اقتباس:
قليل الخير منته شيخ يا وجه الدميميّه=حشا بيت العمودي فيه با نخول وبا طقعين (( مريّم )) ما نفع فيها شهامه أو رجوليّه=تبا ألاّ ذي تباه الجاريه ذي هي لها سنتين محمد بن سعيــد بن مخــاشــن |
اقتباس:
أنا قلت تصبحـــون على خيـــــــر قبل أن أرى تفاهتك التي هي أقل من أن تزعّلني. وعلى كل حال ردينا عليها. ولا تمسح تفاهاتك خلّها شاهدة عليك. |
| الساعة الآن 07:33 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
