|
اقتباس:
عدى على البقرين وسلم عافلك= = = =ماشي مصالح لادور عالفليك لاجيت بحكيلك على راسك تحك= === وانته عيونك عاالذي ملقي حكيك صاحبك ماليوم لابسله كــبك= = = = وانته مع الشاهي تتخصر بكيك هاجس معي ماليوم نبغانبشرك = = وأنته هنا بايع ونحن نشتريك لاجا خبر رايس كلن يشترك= = = = ماهو على كيفك باتصبح شريك |
يامرحبا ابيات تفتحلي سككك= = = = = لامسكت الخط باأسلك سليك
ماحد من ماضيه ياباني ترك = = = = = وان انطفا لتريك بنولع تريك ناديك الاهلي وايه ردك ضمك= = = = = أرجع الى ناديك لانزعل عليك للمخيله مستعد وانا بربي ماشرك = = الله ذا وحده ولاله حد شريك |
اقتباس:
مرحيب بارحب نعم من غيرشك=== بالذيب ولد الذيب لي يعرك عريك لايحسب الدنيا ولا يملك شرك === لاكن جاه الياس من غدرالشريك بالصبر وحده با ندك الارض دك === والمعركه بتقوم لك ولا عليك والصقر لابد ما يقع وسط الشبك === شف ما بدا قناص يتقنص بديك والعبد والعبده وراهم مشترك === ماقصدهم منكم سوا تلقون كيك ماعذرياصاحبي من نطح الشبك === لا ما وقع ذاليوم بكره بابكيك[ /color] |
الغازي الـليله تياسر عالـصـرك = يمشي معه موتر ولا له شي بريك وانا معك ذاليوم يالصاحب معك = كل مابدع هاجسك ردي بايجيك |
اقتباس:
[color=AC5668 ]الغازي الليله يدك الارض دك === مدفعه ينقح قدطفى ضؤالتريك من جرب الصالون مايركب ترك === يركب بطيارةخطوط الباسفيك جوله على العالم نعم من غيرشك === ويسدد المبلغ من الدفتر بشيك السيل فالوادي قفز فوق الصرك === ولعادشي عبره سوابالتلفريك [ /color] |
ماشي في دربي أدورلي فلك = = = = = لالف على اليسرى وناظر لاقديك
وينك يامجمل انامشتاق لك = = = = == ذلا عيال أبليس جابوني اليك يايونمر عقلي وتفكيري معك= = = = = أسال عليك وأن غبت بادورعليك ياخوي ذا الموتر لوحته ملك= = = = = والبريك موجود بالموترولامثله بريك |
انلا س في الصومال يادا عك دعك = والمقتدى يدعك على السنة دعيك واصحا بنا مسوا يدقون الحنك = يا راسي المرفوع حلوني حنيك ياحارث امالي بيد ربي وبك = افعل كما جدك وجد جدك وابيك دك اليريطاني وحك الصفر حك = ما قال اسريئل ضدي باتحيك |
قال بو طارق المهجوس راسي مكسر = من عمال الزمن مقهور ياضيق حالي لانفع حسني مبارك ولا نفع معمر = كل ماجيت لاواحد شكي قال مالي والمخيلة على ليمن مخيلة وليسر = والسحب سودة قدامنا بالمعالي والسيول الكبيرة منها باتنفر = اللة اعلم متى بي شل نخلي ومالي يا المطرف ترغع من طريق المغدر = واعلم الناس بالمشرق ولي بالقبالي واعلم الست لي حلن على روس منتر = قلهن يفقهن من غدر سود الليالي يومهن قد لقن في الوقت باطل ومنكر = واعتنن بالكلاب السود والباسلالي الف اكبر عليهن الف الله اكبر = ضيعني وضاعو قبل مني عيالي |
مرحبا مرحبا بالسيل ليهو محدر = = = = = الي تشوفه انا شوفه شفني قبالي
لايهمك يابوطارق منهو تبختر = = = = = = شفها ايام دواره على اول وتالي ياكم أ مركب في البحرتكسر= = = = = = لي مايهاب الغبب لي مثل الجبالي والهيج ياعمر مسكين ليهوتعثر= = = = = كل لحظه أشوفه يمر في خيالي |
كل ما وقع ذا من المولى مقدر = بامره وتقديره من ماله مثالي ومعمر وحسني لهم الموت لحمر = هم ضيعوا العروبه وفهم مقالي كل واحد لشعبه لا تكلم تعنتر = غصب هم يخضعوه كل راس عالي والشعب له يوم ما عذر ينفر = يصبح مثل الماء صافي زلالي لامتثل امر مولاه ماتعسر تيسر = دام المولى معه معد بايبالي وتعود له الامجاد ذا التاريخ يذكر = قبل لسلام عنتر وبوزيد الهلالي |
مرحبا الف بالغازي ثلاثين مخطر = لي كلامه مثيل الماس له سعر غالي لا دخل سوق منه بايجيب المشجر = صنعت الشحر شيذر من طوال الذبالي شل الواحد وجنبية البارح تعصر = ترك الذيب عصرية طويلة يصالي صاحب الغزو منه قال شاعر تحذر = قانص الصيد لي هن في الشعاب الخوالي أمس سوى مية مطلع وميتين مندر = ما نشد عا صديق العمرأول وتالي يوم حصل ظبا يرعون في الشعب الاخضر = قال شعبي وأنا عالشعب حاكم ووالي |
اقتباس:
يا الذيب حِـذْرك لا تقرّب للصرك=لا يدعسك موتر مهوّي في البريك خل السياسه يا عمر مالها ولك=خلك على دجاج الكتيكت هو وبيك واليوم يا صاحب ترى دار الفلك=عاد العظايم مقبله ذي با تجيك سوداء المحيا جت تلعمس من برك=واللعمسه ما بعدها ألا شم و ... محمد بن سعيد بن مخـاشــن |
ماشي على خطي وخطي تعثر = = = = = ماشي على السمحا من أول وتالي وانته يابوطارق لما متى باتفكر= = = = تبغى تقاسمني ياخوي في عزمالي خلك مع نفسك شف حالي مكدر= = = = والشعب لخضر سلمته واحد شمالي واليوم هيجي في الجول يهدر = = = = ماشي فوائد من قدا عمي وخــالي |
مامعي شي خبرناجيتكم باتخبر === ارضنافي خطروالقوت فالسوق غالي والعداله بشر والجيش مبعدتحرر === والفساد انتشر والحال ياما بحالي لا متى باصبر والى متى باتصبر === ياعمر عادشي حيله لكم واحتيالي استعدو معي فالجوغيمه وما طر === ليلةالرعض بانرعض سوى للمساقي بايجي سيل للوديان صاعدوحادر === يالمطرف رفع ماليوم جالك زوالي ارضنا تقبرالغازي ولو كان عابر === واليماني عدو غادر وماله ومالي خاين العهد والميثاق ما بانكابر === ينهب الارض والثروه وهاذا حلالي ايش بنقول للاجداد لي فالمقابر === لابقت هاكذ اوالناس ما با تبالي |
با تخبر الشعار وأصحاب الفكر = من بنت مزيونة لها منظر رهيب عبدالله بانيتنظر ونظرتها تسر الحال سر = كل لين منها جاه حظه والنصيب تمشي ولكن مشيها ماله أثر = تظهر قبل عينك وفي لحظة تغيب ساعات تظهر لك وساعة متظهر = رجال يظهرلك وهي منه قريب |
ياحد من الوادي بنصحك تحذر = = = = = هذه بلادي لا جنوبي ولاشمالي زاخيك ماليوم علينا يعكـــر = = = = = لا تعكرعلينا لاتنكد بحالي بعضهم يالذيب يبغى اعنتر= = = = = مادرى من في الصفوف الامامي لاتشتكي وضعك الي تعثر= = = = = هذا الزمن فيه واطي وعـــــالي على أرضك ياخلي تصبر= = = = = باتثبت لك الايام وسود الليالي الدول ماهي بلحظه تعمر= = = = = أصبر على قردك وخليك سالي |
ياولد باني اليوم مامنك مفر == خليتني محتار في أمرا عجيب وراهاالشمس قدحرقت عمر == ويازين منظرها في وقت المغيب لها عدة فوائد للزراعه والبشر == ماحد يتخلف وعن شمسه يغيب انا ياباني على سطح القمر == أدور الرجال لي منها قــــريب |
كل ماهو من ربي لنا ماشي مفر =منه وكل واحد يحصل له نصيب الحمد له والشكر حكمه والقدر =ذي كل مبعد صار من فضله قريب عبره في الدنيا وكم عدت عبر = لوباتنادي للنداءماحد يجيب الناس تتجاهل اذا بغيت الخبر =من بعد ما راح المقدم والنقيب والبرد ماشي عذر مايتبعه حر =والقار يبقى قار عمره مايطيب والآدمي لاقد تغاضى او صبر =في امر شرعي فخر له ماكان عيب يصبر كما صدام يوم الحبل زر =شهد وهلل قبلما حسه يغيب ثبته ربه بالشهاده وانتصر = وانته تكفيك الأشاره يالبيب |
اقتباس:
بالخير بشر لا تبشرنا بشر = بسال المولى عسى كل مخطي يصيب لي نفذ الاعدام ولي جنبه حضر = لهبوا النار في قلب كل سني لهيب الفوز في الاخره مالدنيا ممر = فاز من عادا عبّاد الصليب آه ياهوين وينك اليوم ياعمر = كم من مرذل قام فينا خطيب بتعود لمجاد لي تسر الحال سر = من تقبض بحبل المولى مايخيب |
ما قدرالله قد وقع يا بو عمر === كل من تقبض به نعم ما بايخيب والقوم قد سرحو معا بحراوبر === ولعاد حد يسمع وللداعي يجيب والضلم واقع عالحجرهووالبشر=== هاذه مصيبه ما يداويها طبيب لا كن واجب با نذكر من عبر=== باننكر المنكور من هاذ الغريب وانته وفي عاقل ولك وجهةنضر=== مقبول ما قلته كماالشهدالصبيب شف لاعبر شوال با يعبر صفر=== واللي خلق ذاليوم بكره بايغيب والصفو لازم با يجي بعده كدر === والشمس لا شرقة لزوما باتغيب والفاسد الغادر علينا قد غدر === خان الشراكه والأمانه للحبيب والشعب كله ماسلم قدجاه شر === والفقر عم والاالف قدجاه القطيب يالله تفرجها على بندر عمر === وتطلع الزايد بعبدالله غريب وتطهرالا وطان من خس البشر === والقات واصحابه من الموطن تغيب |
ياناس شوفوني مدمن مخدر = = = = على بنت مزيونه وأخوها لي نسيب طالب يخطبها وعمر ماقصر== === قال انا وحدي ولا غيري لك حبيب وبن شحبل قال عالنارباعبر= = = = على شانها وحتى النارتلهب لهيب وحدمن الوادي من الشعب حدر= = = أتركوها لي أنا شوني مانا غريب لكنها تستاهل هذا وأكثر = = = = والله يهدي البنت تقبلني حبيب ياناس خلوها وحدها تفكر= = = شوفوا كل شي قسمه ونصيب لاجيت بابعد حالي تكدر= = = ماقدرت أبعد ذا أمري عجيب حاولت أبعدوأقول مقدر= = = لكنه أضن البعد عنها صعيب عذبتني البنيه كل يوم تعطر == لبسها الشبامي ثوبها من قريب هذه البنيه لكم كلكم تتشكر = هي السقيفه لي منظرها رهيب |
اقتباس:
الفتيك ياصاحبي ماتكسر حجر = ذالا للنقش تصلح في النوع الرطيب والمرو ماتجيبه غير المخالع والصبر = والصدق قوله من غير شك (ن) وريب كل من بيده الفاس بايقطع الشجر = ولي بيده فقط ايش من حطب بايجيب من فرط في ارضه ولا لقاها مقر = يالوماه ماعرفها ولا عرف كل عيب هو بيده سلمها وقال انه انتصر = رجع لاهله قال اليكم منيب صيّح وقال ماحد مثلي انقمر = والمنيحه بيدي سلمتها لا يد ذيب |
مسكين ماألبكري أشوفه تغير = = = = شايل على راسه يسحب سحيب أمس شفته ملقي طالع ومندر = = = = يدورعلى مهندس وأن حد رقيب جابلي ملاكاسه كحول مخدر= = = = وأنا سقيته عسل صافي صبيب أنتبه أنتبه سيلنا سيل مدمر = = = = وأنتبه لا يشلك سيلنا يالحبيب |
اقتباس:
من كثر الغلط دمي تعكر = وفي صاحبي والله قط ماعيب والنبيذ لازاد وقته تخمّر = ومن قل عقله سكر من زبيب والعقل زينه وبتحمد وبتشّكر = والعيش في الدنيا عاده يطيب والسيل ماهمه طريقه محدّر = ونا في حيد شامخ مهيب |
مسكين لي جاني وهو مبصر = = = = يبغا يلعب لعبة يانصيب واليوم يالصاحب حظك تعثر= = = = حطك بين سالم وعمه كليب من سمح وانا عنك تخبر = = = = واليوم وياك ولاثالث رقيب يالي سكنت في لحيد ليسر = = = = شف حيدكم رخو ماهو صليب |
اقتباس:
حل اللغز أعلاه
قولوا لعبدالله معا الصبح الأغر=شمس الضحى تشرق يلمّـان المغيب الشمس مقصودك وهي تحيي الشجر=إللي بدونه عيشتك ما با تطيب لولا الشجر ما عاش طاير أو بشر=وألا سمك أو نوب ذي يلقي الصبيب أو أي كاين حي في بحر(ن) وبر=ما تعبت في لغزك ... عرفته من قريب محمد بن سعيد بن مخـاشــن |
اقتباس:
أهل البنيه ضيعوها في صفر=واليوم في ذي القعد حبلى يا اللبيب قدها مشاهر با تلد ما شي مفر=دور لها ذا الحين عا عيادة طبيب بعض العرب يا البكري ألا في سقر=ذي هم معا الراعي ومعْ سرحان ذيب محمد بن سعيد بن مخـاشــن |
اقتباس:
حسب من واحد لمان اثنعشر = وظنك بي عاده بايخيب الطاوس لانفش ريشه تمخطر = يتباهى بمنظره ذاك الرهيب ولا شاف ثعل في مكانه خر = وكلين لاصله لابغيت الصليب خلك مكانك مع صحاب الضبر = معد بايفيدك البكى والنحيب |
اقتباس:
ما بانهمه حبلها لا ظهر = مامعنا فيها شك(ن)وريب زواجها في نهار ماهو في غدر = بانفرح لا قدها معاها صيب حذرك من لي سرن وقت السمر = لا شارح معهن ولا معهن رقيب |
يالبكري مالليله طلع ولا ندر = = = = شفني رعيت أشعاب جم ماهوشعيب لاشفت الكنش يمكن تنتحر= = = = وبتشوف العلب يصبح ذي العليب مسكين من خوصه تعنكر= = = = وبيفلس قريب بكري بن نصيب ماليوم مني مالك مفر = = = = = شغني على المشواف ضربي لبيب |
اقتباس:
مالحين باقول طاب وقت السمر = وبندقي معروف نظمه يصيب عاهوين ليلة هلال ماهي قمر = ومفتاح السنه بك يالربيب ذا اليوم شي عابالي خطر = ماحد يرد المقدر والنصيب والحرب فيها فر(ن) وكر = ونارها عالغازي تلهب لهيب |
وين الرجال اللي يزرون العصر = يوم الزون على البير لا ياهيب هيب لاقلت حن باقول يا الغازي انكسر = حاضر معك ما جابت الدنيا تجيب هاجس معي طب الهواجس لا حضر = يكوي هواجسهم ويرعبها رعيب مي عاين امخيلة ولي عاين مطر = من روس نهر النيل بايزعب زعيب لاهمة امحمد ولا همة عمر = بي جيبهم من بعد والا من قريب وش قدر الحشوان للهيج الحمر = لتقرب الحشوان للهيج المنيب وفي النهاية بلمفيد المختصر = عندي علاج الروس لي تضرب ضريب |
اقتباس:
|