أنسك ياطالب ليهو قد وصل = ودي أنا أسمر معه عاكل حال
بسألك لي جاكم ريض في المحل = أو شخص مستعجل بيشد الرحال

كلام بومخشن كمى طعم العسل = ياريت بومخشن يوجه لي سوال
أفرح وأستانس لاشفته قبل = مثل القمر لاصار في وضع الهلال

المشاركة الأصلية كتبت بواسطة الغازي 2007 أنسك ياطالب ليهو قد وصل = ودي أنا أسمر معه عاكل حال بسألك لي جاكم ريض في المحل = أو شخص مستعجل بيشد الرحال

صاحبي جاء زائر زياره في عجل=اسبوع ياصاحب وبيشد الرحال
الوقت مايسمح ولاضرف العمل=لو بايضيف اسبوع ماعنده مجال

ذا فصل بارحب بليهو قد وصل = أنستنا ياوعل منصوب القرون
أنست يالناغوص وياريتك تحل = من حيث ماحلوا حمران العيون
لك ترحبه ياشيخ من كل القبل = والترحبه من نجد توصل لاهدون
معروف الاياحصن مبني عالجبل = تستاهل التقدير وغير ك مايهون

حيّا وسهلا عد ماحط السبل=فوق الشوامخ قال شاعر والدجون
بالقول لي ذوقه عسل احسن عسل=له قابلية عالية عند الزبون
من عند شاعر ما عرف لون الكسل=ياخذ ويعطي مايخيّبها ظنون
شيخ المشاجر دوب نضرب به مثل=دائم نعده من جليلين القرون
وان قرّبو لي الشادلية بالجفل=بنهم بصوتي والمقدر بايكون
واسأل مجرب لو تبى فتوى وحل= في اللي جرى بين المصانع والحصون
في مجلس النواب شوني مستقل=الناس في فوضى ونا شابع سكون
وان حد مخرّب من خبيثين العمل=بلقيه ما بين المطاحن والسنون