ليهو بغى عندل دخل لحروم = عدى الطريق الهابطيه
بسألك وينه لي صبح مهزوم = روح علينا بألعشيه
يومه يبى بايخلق المعدوم = جاهل ولاعنده دريه
الناس حد عاقل وحد مغروم = والنار ولعها عطيه
ليهو بغى قسمين في المقسوم = لقسام عندي بالسويه
الناس تتقاتل على المعلوم = رحمتك يارب البريه
تشفي عبادك من مرض مسموم = ماله دواء في الصيدليه
تنضرلهم ياحي ياقيوم = بيروت تشكي من اذيه

ترحيب مني عدّ هشّات البرد=وعداد ما نسنس على الوادي برود
بالشاعر اللي هيبته هيبة أسد=تقدير له عند النمارة والأسود

قولوا لبوزايد كلامي معتمد = معروف انا شفني وأصلي بوعمود
يعرفني القاصي وحلان الريد = معروف مابين الشوافع والزيود
انست ياولد الزماني مارعد = راعد وسال السيل من بعد الرعود
ماليوم في الميدان ياحاصد حصد = بلجيك عاظهري على الحبه يقود
حد بايعارضني نبا اخذ ورد = نسمع ردودك ياصليبات الردود
السيف سنيته ويلحق فيه حد = ياويل كل منهو تعدى عالحدود

المشاركة الأصلية كتبت بواسطة الغازي 2007 قولوا لبوزايد كلامي معتمد = معروف انا شفني وأصلي بوعمود يعرفني القاصي وحلان الريد = معروف مابين الشوافع والزيود انست ياولد الزماني مارعد = راعد وسال السيل من بعد الرعود ماليوم في الميدان ياحاصد حصد = بلجيك عاظهري على الحبه يقود حد بايعارضني نبا اخذ ورد = نسمع ردودك ياصليبات الردود السيف سنيته ويلحق فيه حد = ياويل كل منهو تعدى عالحدود

البحر يابو شيخ له جزراً ومد=وإنْ هاج يطفح عالشوامخ والحيود
والقبْوَلةموروث من اباً وجد=متعوّد الغزوات من زام الجدود
سعفك لسابع دور شفني باصعد=وانته حسب للمنحدر قبل الصعود
وإنْ جئت للميدان ما حصّلت ند=لنّي عقيد القوم رأسي ماينود

قولوا لباعمران لاحط البرد = روح جذبها يارفيقي بالبرود
النور بعده ليل يالصاحب سود = ياويل من دحق على حنشان سود
برقاك لكني تركتك بالعمد = اوزن وخل وزنك على قيم العمود
من جابلي مكيال ياخذبه زيد = من سمح ماهم الشوافع والزيود
عندي دركتر لي يقد الحيد قد = جبت السلال للهديله والقيود
لي مامعه للبحر عده واستعد = يعود لاداره واحسن له يعود