|
اقتباس:
يالذيب سيلك لي عبرشل الضمر === هي والسواقي والمطارح ياصليب تستاهل السعفه معك بحرا وبر === بغزي معك فالبعد ولا فالقريب ذاقول من خاطره قد قاله عمر === مرحيب ياشاعرمعه بندق يصيب يسقي على معيان ميعاين مطر === ماهوكماالبكري يضلي هيب هيب ولا كما الغازي يدور له مدر === خبه على رجله وصل لماحريب والحد من الوادي معه موترغبر === ما بن مخاشن عيدهم قد كله ذيب والقصد والمقصود منكم باحذر === من ولد بن موكا وباني ما يخيب والعفو يا لصحاب ليجيكم كدر === نبغاا لسقيفه تشتعل تلهب لهيب |
والعفو يا لصحاب ليجيكم كدر === نبغاا لسقيفه تشتعل تلهب لهيب
ههههههههه قل خير ياخي الله يجير من الشعيل واللهيب عام هجري جديد علينا وعليكم ونتمنى ان يكون عام خير وسلام |
مشكور ثم مشكور يابو طارق عمر= = = = = مايحرك في الرأس شعره لي ينحب نحيب عندي دروس بتخلي المفتح عور = = = = = بتخليه يدور على المداوي والطبيب شفني تسلا وألا راسي قور = = = = = = لادخلت السوق كلن عن عيني يغيب ماحد من الوادي الليله حضر = = = = = = شف سيلنا سيل مروس ياغريب |
شف كل شجرة يابسة ملها ثمر = بالفاس والمنشار بقطبها قطيب بيدي معد باجيب للشجرة نجر = ما دام بان الفصل والموقف عصيب من حمل ابعيرة على بعيرة يزر = ويمكن الحملة ويذنبها ذنيب يلقي كما ملقوه اصحاب الفكر = لي جرجر الحملة ويسحبها سحيب والفاس لي شلة على العود الخضر = ومن الشجار اليابسة يحطب حطيب ولي خيل البارق الى شاغة عطر = لان الذي يعطر بلا ماطر خصيب خصب المطر في غيث عاروس القور = با ينطرح في ظن بو طارق قريب ولا انطرح ذا الغيث ياساتر ستر = خايف ديار البدو ينكبها نكيب ويشل نصف الحب ليهو في الوصر = والمعصرة والدهن لي يغشب غشيب فزعان من بعدة يفرقنا القدر = ولا يسدون الحبيبة والحبيب |
ذا فصل والثاني باغير القافي = من شان ياصاحبي نمسي نكيل يامرحبا كلامك كافي وشافي = = كلامك يابو طارق يشفي العليل اناستنا ياحد يالي جيت حافي = بس نبغاك تحضر لنا كفيل علشان ماترحل أول وثاني = لاني محتاجك جنبي خليل وبعض العرب دايم يعاني = فزعان من سيله لي يسيل باحط في النشره شوني علاني = بحطه ماهو على خط السبيل وأن حد قصده شي ثاني = ينزل وأنا والله له نزيل |
مرحيب يالحطاب دمرت الشجر === بالفاس والمنشارذاشغلك عجيب ما عندنا مانع مسه مو لامطر=== والصبح حمل عاجمالك يا صليب وادخل بها البندر وباتملي كمر === ولعاد باتحتاج للغربه غريب شف من سرح تعبان حاله مايسر === من كثر مايهمرضهرفيه المشيب والحلو قر وانته حسبته ما يقر === والبدوفالوديان مايجون الطبيب والحضرفي خيبه وخدعوفي وصر=== ولعاد حد يفتح لمبعد اوقريب والبعض ياكل قات ماكنه بشر=== واصبح شبيه الثوريوكل له قنيب يااهل الشروع الوافيه هاذاخطر === بنضيع الزقران والزقره تعيب والقوم لي جونا نشرماهم بشر === صبحوعلى البقره يمصون الحليب والعاد بيصبحون لا جاهم نمر === بتشوفهم خبه الى وادي حريب |
حضرنا وبانكشف لكم كل خافي = والقول ذا بانثبته لكم بالدليل المشكله لا قده غشيم ومتعافي = وماحد في الميدان غيره بديل وين طالب وعامر وين مجمل الوافي = تركو الزامل للمهدل والرذيل وحد من الوادي بندقه دوب هافي = لكن من قوله يعترف انه اصيل عمر الذيب نعمك للوقت الاضافي = يعجبك فيه النظم والقول الجميل وبونمر من مثله كامل الاوصافي = لا دخل للعضيده يرقلها رقيل |
مرحيب ثم مرحيب يالي كنت هاني = = == مرحيب الف مره بك يالشليل لاتبتعد شفني من بعدك أعاني = = = = ذا القرب منك يشفي الغليل وخليك معي على هذا القوافي = = == ذا خيل قدامك يصهل صهيل النار مارشنت والضرب طافي = = = = مبعد بدينا ولا نبدلك بديل الله يستر من لي جاي وخافي = === سيل مقبل بيشل الضمر والنخيل ومن سعف للغازي ياباني = === بيجيه قسمه في صبح والامقيل |
انا بابلده بحرك معي له مغرافي = والكلام نعرفه كله ونعرف التهاويل انا باميّزه غزلك الحطيط من الجافي = لا حرير معك ينفع ولا ويل انا بانقف اسنانك من احناكك ونا قافي = ولعاد بانسمع الا البكا والعويل لابغيت الشر مني تلاقيه من خلافي = بانشوف يوم فيك عسى بالعمر الطويل |
الف مرحيب بالغازي ومن قلب صافي = لي كلامه مثيل الهيل والزنجبيل دار زينه لها تاريخ ظاهر وخافي = مش من اليوم قدها من زمان دويل وانت بالرجل يا البكري دحق جول حافي = يوم ما معك دواسر لي تشل الثقيل ليش ذرعك قصر ما جبت لي ذرع وافي = بتمشي على البتيه او دغلتك دغيل من قرب او لمس باصبعه ضرس السنافي = بنطر ح بالضرس ستعشر قتيل جالك البرد يا البكري عمد سنح دافي = والا رحل مغصوب واصبر على الرحيل او استسلم وقل هذا قرار اعترافي = خلاص باقول توبه من كلام الدجيل لا انت منهم بني عتبه ولا انت الخرافي = ولا انت بو زيد لي يصهل بصوته صهيل عبدالله باني |
باقول بسم الله اليوم ياكافي = = = = باقابل مخلوق ذا دمه ثقيل بطلب من الحي القيوم الشافي= = = = يشفيك والابكيه تقعلك بليل ذاحيد قدامك راسي ووافي = = = = بنصحك لاتنطح الحيد ياهبيل لاقمت بتشوف أحترافي = = = = وأن قمت بمسحك مسح المزيل ياولدكربله خليك متعافي = = = مالك وللمعارك خلك مع الغسيل بنشدك ياباني وين الكوافي == وين السبح لي تصلح مع التهليل |
بصلح انا بينكم اليوم يا اصحابي= = وبا فرق عليكم حنضل وقيل ساس الكرم يا اصحاب ذا ساسي= = ما هو من اليوم من اول دويل بضرب بقدومكم من المجزر ارصاصي= = وبا لصي في حضوركم احلى قناديل ولامكان لحاسد بينا ولاواشي= = والي ينبرش با يقعله صميل وتحياتي للبكري ذا عز احبابي= = وابو نمر ذا الشهم الاصيل وانته تريض على نفسك يا الغازي= = واحذر من الذيب لاسرالك بليل طبعي الوفاء والحب عنواني= = ومرضى لنفسي و لو ساعه ذليل |
اقتباس:
كيرنا دوب رشّان لاكن كيركم طافي = ما معك شي خبر ياذا الجعيل ماتساوي شي عندي ولو ظفر اطرافي = كلام الصدق قوله مش قال(ن)وقيل وان بغيت السنح نا بلقيك في كنافي = من شدة البرد بايرحل من هو دخيل وان زحفت من السير بلقيك عاكتافي = ماهم الشوامخ والحسر والباع الطويل |
سلمتوا ياكرام
وربي يعطيكم الف الف عافيـــــــــــة |
خلّوووووووووووه
السلام عليكم ورحمة الله وبركاته
أبديت بااللي قد خلق سبعه وسبعه قد رفع=والحبة الصما فلق وأنشاْ بها الزرع البديع الهاجس الليلة فرق باالدان والمغنى سجع= خطط معاني باالورق والقاف يسجعها سجيع ياهاجسي قم وابترق والمع كما لمع اللمع= حول السقيفه واسترق منها خبرها و الرجيع بلغ سلامي وافترق عاالدار واللي به هجع=في غمض عيني لاترقّ عجل ولا تهجع هجيع قلبي عليها يحترق والشوف منها قد وقع=والهون فيها قد طرق وانا من الحاله وجيع الشعر فيها يُختلق والمستوى جدا رجع=والوزن دايم مخترق مايحسن الصانع صنيع لا تزعلوا من ذا الأرق ،قصدي تصيبون النصع=هذي علومي ،والصدق تفرح به الناس الجميع وين المعنّى يستبق يحمل همومي والولع=ويدق ساح الشعر دق يخرج دررها والبديع وسلامتكم أخوكم محمد باحاج |
يامرحبا بأبيات من شاعردايم أ به سمع= باسمع كلامك يامحمد وأسمع ياسميع ويامرحبابالشارق لي نوره علينا سطع= ذا نور غالي من البدع لما البديع جبت العسل في فيجان أشوفه لمع = وشليته من تحتي وسقيته لي في البقيع ماليوم يالهاجس بسرعه تحرك سرع= خليك كما البارق لي هو برقه سريع مسكين بعض الناس ماعمره نفع= لاجاء بايقسم لقا قسمة سالم و نفيع المخيله فوق الرأس والبارق لمع = وألراعد يرعد تحذر خليك دايم رفيع |
اقتباس:
يا حد من الوادي تحشّـم وإنحشر=شف بعض قولك مثل بثرات القطيب الشعر ربيناه في العرض القور=شاعر ولد شاعر وجدي كان أديب محمد بن سعيد بن مخـاشــن |
حبل الموده يامحمد مابغيته ينقطع= مهما حصل الود لاحد يقطع أحباله قطيع كل من قطع حبل الموده بعد بكره بيرجع = بدال مايشرب معي بايشرب القهوه رجيع حقك ثمن شليت يامحمد بلا قيمه ربع = وأظلمت أهل الصيف وأهل الخرف وأصحاب الربيع ماهو سوى هذا ولاضنيت من عندك يفع = لانك ولد شاعر ومتعلم وفي مشيك وقيع وأنك معك هاجس وهوقارح بلا معنى سرع = باجيك مستعجل بدون أبريك على الخط السريع في صفحة الزامل أذا ماقبعت لازم تنفبع = والناس حد قابع وحد من جاه يقبعله قبيع وأنا درست الشعر وقريته وانا عادني رضع = مابلقي عقلي بعقل الخيب والطفل الرضيع وأنك مكذب قال بوطارق مسك مايك وذع = باتسمع أسم الذيب على لسان المذيعه والمذيع شاعر وتاج الشعر والنجمه على كتفي سطع = وأعلى في الرتبه من ربيع ومن صالح مطيع |
اقتباس:
يا ( حد من الوادي ) تحشم وإنحشر=شف بعض قولك مثل ندبات القطيب الشعر ربيناه في العرض القوِر=شاعر ولد شاعر وجدي كان أديب محمد بن سعيد بن مخـاشــن |
يامرحبا أبيات من شعار قد جتني تبع = بمشي معاهم لولي مالي ولا منهم تبيع من عند بوطارف ومن باحاج جت حيث الوجع = وتثور البكري من فرشه وهومبطي وجيع كلام جاني جزل كلفني وخلاني بدع = هاجسي له عادات يبدع ساعة الشده بديع من بعد باوجه كلامي وأنت ياسامع سمع= بخصوص البكري يصل وعساه بيقع له سميع يومه قليل العرف ياهذا بكم ياذا صقع = يصبر على برد الشتاء لي له هواء يصقع صقيع وأنك تبا نفسك كما عنتر تريض لا تقع = وأفرشلك على قدك وبحذرك قع ريض وفيع مابلغلت عادك مستوانا أيش تبغا بالتع = كلفت على هاجسي يتليتع وهو ماهو لتيع أحذر مكان الضيق مادمك مكانك في الوسع = فزعان على مركبك يتكسر في البحر الوسيع ملقوف متهور بلا رخصه في السكه سرع = خلك في الخدمه ولا تدخل في الخط السريع يوم الزون على البير والهاجس يهيب على الشرع = ياكم وكم جلبه على المشرع شرعناها شريع وأنته مع نفسك ولالك شان بأهل المجتمع = هذا كلامي مختصر يشهدي لي الناس الجميعِِ الشاعر عبدالله باني |
اقتباس:
نا من اهل الكرم والجود نا للواطي رفع = عند الكل معروف من اصحاب الشان الرفيع يالذيب وط راسك وتحت امري خضع = ومن تفلت على مولاه عد بانه با يضيع نا عادنا بهمتي والله خلفك باربع = ماهميت الشتا ولا باهم برد الربيع دام السيف بيدي في الطارف باقطع = والذيب ما بايشل الا الخالفه من القطيع كل من روس بيدك له على الهاجر فقع = وياريتك الا من صدق تعرف للفقيع خلك عاعادتك مكانك مع صحاب الودع = معقول الذيب يصبح كما الحمل الوديع |
يامرحبا بأبيات من شاعر لي نجمه سطع = هذا أبو طارق ولد معروف لي ملقي سطيع بنشد أبو طارق عن الدكان لي فيه السلع = كنه صبح فاضي ولاعنده بضاعه بايبيع أشوف بعض الناس عن دربي وكأنه قدرجع = قدعرف نفسه وفي دربي فزع أنه يضيع مانا خلعت الضرس لي ملقي في الرأس الوجع = ثلاث أيام ونا توجع وفي ليلي وجيع وذا بارق من المشرق يتلملم ونا شوفه طلع = بايمسح الوادي وذا طالع ولا مثله طليع |
دقت طبول الحرب ياطارف رفع === جبهات طحانه في الشعب الوسيع واليوم ماشي عذر يالبكري قنع === با ندخل الوادي تطيع اوما تطيع شف بو نمر جهز دفع تتبع دفع=== والذيب مع باحاج فالحيد الرفيع وابن الحمومي في بلاده قد قطع=== سيطرعلى الوديان لي عنده جميع واتحالفت كنده وسيبان اجتمع=== وعيال يافع كلها ما با تبيع جاك الشنافر والعوالق كن سمع=== وعيال ضنه والعوامر عالسريع وابن البريكي والكرب كمن جدع=== وان كان با عدد حسابي بايضيع عاد المشايخ هم ويالساده جمع=== والشعب كله صوت واحد با يذيع شفني معي آمال قط ما باقنع === من جورما عانو من الفعل الشنيع اليد وحده وانت بالمدفع دفع === بالكاتيو شا با نلذو عهم لذيع |
انا لغير الله قال الذيب ربي ماركع = من انت يالبكري بغيت الناس تركع لك ركيع قتر وقايس وانتبة يا صاحبي لاتندفع = وتقع حجر بين الذي يكدم ولي يدفع دفيع والا دخل للسوق واشتر فية ياالبكري وبع = وحسب حساب المشترى من قبل ماتفكر تبيع لتكون متهور ولا راجل زبونك تنطبع = البيع واشرى ما بغا مغروم وابنادم طبيع يبغا هدوء اعصاب وقت الضيق او وقت الوسع = شفني كما الميدان حالي قال بو طارق وسيع كل من عطاني شير مني يستلم خمسه ذرع = امن الحرير الهندي الممتاز بذرعله ذريع والسعر عا كيفه يقول الذيب شف ماناطمع = من حب زبونه ينتبه لاجاه به يطمع طميع وانك بغيت السوق لك وحدك ولا بانفترع = يمكن تقع هده على الدكان والشعب الفريع ونضيع يا البكري مثيل الناس لي قدهم ضيع = ويضيع راس المال في الدكان والموقع يضيع وانك تبا تحلق يقولو قيل ماتحلق نقع = والموس والحلاق تكرد من نقع راسه نقبع كلا معه ديكه وياديكي في الهده خرع= يوم العرب كلا نوى صاحبه يخرعله خريع |
انا عارفك يا البكري اذا ضربت توجع= =ويا ويل من يتعرضك با تفجعه فجيع مشهور وذا صيطك كما الاسياف يلمع= =ومن يخرج على طوعك يصقعه الصقيع يا ذيب رح مخباك احسنلك اخدع= =با حاج با يوقعك وبا يضحك عليك الجميع خليك على حالك وبما اتاك اقنع= = اطمع في ذكر الله وخلك سميع |
يامرحبا ياحد من الوادي صدع ******* وبشر بسعدك لا يهموك القطيع
اذا دعاء الداعي وكل طارف رفع ****** معا بايبقي سؤا الحصن المنيع من بعد ضيق الحال ابشر بالوسع****** بقدرة الرحمن الرب السميع باترقل الاسواق بانواع السلع ******* ومن معه سلعه جديده بايبيع |
ذافصل والثاني من الغازي وياواحد أحد = اهلا بمن شرف وجاء اليوم كأنه يوم عيد ياحد من الوادي أحسنلك الى أهلك أعد = بنصحك لاتشرب من الشاهي ذا شاهي عديد شفها معارك طاحنه أحسن وأفضلك بعد = شفها شظيه باتجيك لاتنتحر خليك بعيد مابدأ في يوم في وجهي شي باب أنقلد = وأنا على كل باب ياصاحب وملقي لي قليد خلك بصلاله اليوم وأحسنلك في دارك قعد = وباتشوف الهيج في الحفره كما صدام بايصبح قعيد وبعد اليوم حذرتك ولاشي لوم وياشاهد شهد = وانا حذرتك وربي في السما دايم شهيد |
اقتباس:
صوت الرحى معروف دايم جعجعه = ومن فرح بالجعجعه بييت جويع ومن دخل للحرب حصل مصرعه= والشارق الليله لنا اول صريع ياويل للشارق قبظنا مسمعه = يومه حشر نفسه مع عبد السميع ماليوم ياالشارق معاد شئ صعصعه = من صاع خليناه في الوادي يصيع يصبح عشاه للذيب الاحمر يقصعه=لان الذيب بانيابها تقصع قصيع |
ياخير من ساعه بها الراعد رعد= والغازي الليله مسا يرعد رعيد ذاللحين ياالشارق على المارد ورد = باورده من راد واللي مايريد عمري يقول الذيب ماهميت حد = لنته ولا البكري ولا عبد الحميد ان شئ معك قوه نبا اخذا و رد = ولا قبظت الحلق وقبظت الوريد انته وهو تعالو وزد عادك وزد = ماهمني باخلي الزايد يزيد من جا معه قرنين بايرجع كرد= باالموس بو تمساح بكردله كريد ماهو مزح ذللحين جد الصدق جد=بندقي على كتفي ورشاشي جديد والجمر في موقدي عاده مارمد = ومن رشنله نار بارمدها رميد سكين بو شوكه بيدي فيه حد= وقت الدرك ماللحديد الا حديد باروي الشارق عصيده لي عصد = يوم حنب المعصاد في وسط العصيد |
ماحسني قام اليوم يتكلم ويخطب في الحدد= أسكت وأحسنلك شف الحيد هذا من حديد واليوم ياحسني في الميدان من جد وجد = نارك في الميدان ياحسني باتصبح وجيد لاتقارب الدخان والدخان من عندي صعد = نار المعارك تشتعل ودخانها يصعد صعيد وأنت يالشارق ماليله أحسنلك شرد= خلك كما ذولاك لي قبلك في الدنيا شريد مالذيب أرسلك قذيفه جات في ذاك العضد = هذا هو الانذار وين المساعد والعضيد |
اقتباس:
نعمك الشارق شبل من ذاك الاسد = كلين يرجع لاصله وابن السيد سيد وانته ياولد باني منته للبكري ند = البكري معروف صيته في القبله ونيد كلين معروف باصله عند حلان البلد = وانته فهم كلامي لا تقع لي بليد من قام قدامي صبح وجهه سود = سال بن مرزوق عني وبن صالح سويد باردك مره بالقليلك وسط الراس خد = وباتلبس الطرحه وبانطرح عليك التخاويد وبانقول لش مبروك لا جاش الولد = عساه شاجع يطلع كما ابن الوليد |
اقتباس:
أحسنت يا بن الذيب دقيت الهدف حيث الوجع=هذا مرادي والصدق فيه الدوا لمن هو وجيع حقك على عيني و حق من بالقوافي قد صدع=محفوظ واللي ما يشق القاف يصدعها صديع أنصفت من بعدك و حق الناس ما يقبل ضلع=وانا اشهد انك قد صدقت القول وانك به ضليع لا عاش من كذّب و مقنع ما تقوله قد سطع=والود والمعروف يقطع كل ناكر با القطيع العذر قدمته واقبل عذرنا ،وجد لي وسع=في قلبكم أكبر ،تلقّ البدع بالصدر الوسيع هاجس معي قد كان، واقفى طول عمره ما رقع=شارد علي وان نطقت القول ارقعها رقيع كل ما طلبته با المشقّه ألتقي به والخجع=ويقول لي لازم ترقّى با القصايد يا خجيع يبطن معي دائم ويُقبل كل ما ردته طلع=واليوم يغلب ما يحقق لي مرادي أو يطيع لكن له ساعات يقفز مسندي كله طمع=وانا معه أسموا وأقفز للعلا وانا طميع مبعد عطيت الناقصه،مُقبل و سهمي ما رجع= أقدّر الشاعر وأقدر أفحمه يرجع رجيع الشعر ماهو مدح يقصي كل شاعر لا رفع=راسه ،وله مليون حق الشاعر الجيد الرفيع قصدي من الفكره تحقق شوف هذا الشعر شع=والفن والأشعار تقصد في سقيفتنا تشيع |
خليك ياغازي بحالك وابتعد ** لاتقرب اهل الراي والباس الشديد
ذي هم لهم عاده يزوعون السدد ** يتشاطبون الخصم بطراف الحديد وخصمهم لا شافهم عظمه برد ** يردا من الرجه وهو عاده بعيد والعاد يعرف من محمد من حمد ** وزيد بايدعيه من خوفه عبيد اخار لك ارفع بنفسك ياولد ** من قبل ماتفقد صوابك ياوليد |
بسم الله الرحمن الرحيم
يا اخواني خلونا نعود للهدف السابق وخلونا مع الأحداث المحدقه ونبتعد عن التجريح لبعض بونمر قال يالشعار مافيش داعي =للجفاء والعداوه ايش كلف عليكم لاتطفون خلوا ضوكم دوب لاعي =وانتقوا طيب الكلمه وذا عشمي فيكم واسمحوا لي افصل لكم بهذا الفصل الجديد
بنت الملك قارون شلوا ملكها =وتبهذلت من بعد موت الوالد بالرغم من تفريطها في حكمها =تاريخها لليوم هذه خالد |
اقتباس:
ايش لي بايغير البنت من دلها = بعد ما تحط حملها تصبح والد المشكله عويصه لاكن بيدهم حلها = ماضاعت البنت لوخوها عليها قالد |
اقتباس:
ما همني دخان من عند الحدد= = وما همني صالح ولا محفوظ الوليد مش كل من حمل مجزر وسواله مشد= = يصير هو رجال او رميه سديد معروف انا الشارق وصيطي في البلد= = لا امرتها ادور ويذوب لي الحديد كا النمر مشجي وتاريخي شهد= = لاني قبيلي اصل ماني ود عبيد بندقي روسي عيار عشره عدد= = ما هو شغل تايون او خرده حديد وانته سمع يا ذيب مش قد الاسد= = خليك في مطبخك صلحلك عصيد قد قالها البكري ونعم ذاك الاسد= = ابحثلك عن برقع او بعلك حنيد الوقت صار مقلوب ومن اسمه حمد= = يبغاء يكون الا ود سالم سعيد سكين ابو شوكه هو قدك بجد= = حبيت بس بينلك كم انته بليد السيد يبقى سيد وللحاسد نكد= = مسامحك هل مره بس اوعا تعيد |
اقتباس:
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir Ads Management Version 3.0.1 by Saeed Al-Atwi new notificatio by 9adq_ala7sas |