المشاركة الأصلية كتبت بواسطة المخشني (المشاركة 260692) ليس بو فيصل الشاعر وإنما أحد أقاربي.

المشاركة الأصلية كتبت بواسطة يسهول (المشاركة 262974) سلامي لحلان السقيفه من طرف=وسلام ثاني خاص به خص العريف قد جيتكم عاني نحف الأرض حف=عاصيتكم لي شاع في بندر ونيـف

مرحيب يا اليسهول مدروفك درف=من بعد ما الشعار راحوا للكريف
خمجه مشاربهم ومشروبك برف=وفراشهم سلقه ومفروشك تريف
وأما العمودي جف نبعه ما عرف=للدان ينهم به ... وقال أصلي شريف
وقال ما نعرف سوى علوم السلف=ويعيش في عزله بجُزْر المالديف
والناس في المريخ ما لاقوا كلف=وهو في الشُّعبه على أكل الوزيف
والأفضل إنه لو يعوِّد للنجف=أو كربلاء يلقى بهن برجر و بيف

محمد بن سعيــد بن مخــاشــن

حيّابكم ياهل المعزة والشرف=أعداد مالبرّاق يلمع في القنيف
بالمخشني لي شاع صيته وعترف=بالخرج والوادي ولحساء والقطيف
وين العمودي لي يشف الحيد شف=وينه جمل باداس لي ماله وصيف
قد كان مؤخذ له في الخطمة طرف=في الصيف والشتْوَة وفي فصل الخريف

ويقول بن قطمان برمي عالهدف=بيدي سلب قانص على اليمنى خفيف
ولايميلها وله ضرب الحتف=وهاجسي من بحر بايغرف غريف
بجلس في المجلس ولابجلس طرف=والشعر يعجبني على القرع النظيف
واليوم يالشعار بانلقي محف=ويكون في معناه ماله حد وصيف