|
ياهل السقيفه ارتقو راس الجبل === بايطلع العقبه رجل مضرب مثال والباعر الزينه تشل كل ماثقل === ولعاد بتخبر على مولا الجمال كل من فصل حمله بحمله بايصل=== والجيد والجاويد هم خيرالرجال لتساعف الاجيد يضرب به مثل=== يعجبك لاقا بلك في زر الحبال والحال مايعجب وهاذا ما حصل=== واستنسب الاولاد من خير الخوال لتصاحب الا رجل لتصاحب سقل=== والفرق جم بين الرجل هو والعيال شف مابدى رجال جا منه خلل=== مهما حصل بينك وبينه من سجال ارضي بلادي تشتكي جوهاعلل=== عله على الساحل وعله عالجبال اخلاقهم عيفه يسرقون الحجل=== وان دخلو المسجد يسرقون النعال واليوم قد شفنا موازين الخلل === والارض محتله بجيش الاحتلال |
مشكور يالغازي وترحيبك وصل = دايم محافظ عالمخوه والوصال بامشي معك عالدرب مابي شي ملل = عدك معي مكسب وعدك راس مال والنور نورك فوقنا شوع وهل = مثل القمر لابان في القبله هلال خلك من الطبال ذيهو قد طبل = بيبان نور الصبح مهما الليل طال |
انا معا الغازي بسيفي بانزل = والسيف يعرفني وميدان النزال يدي طويله حيث ما قصدي تصل = بدخل على حسني وبقطع الاتصال نبو على حسني بسرعه يعتزل =ان راد وان ماراد يعلن الاعتزال انا نويت حسني يومه اتهور وزل = واقسمت زول به من الصفحه زوال السيف بيدي قد سقلته واستقل = حصلت حسني قد تنازل واستقال مسكين حسني قد ورط بين الدول = قل النظر عنده وشاف الذال دال يومه على صحابه استامن واتكل = وين الجماعه لي عليهم الاتكال |
[3mr=backgrounds/16.gif]حتى عمر الذيب قد صابه هبل ******** اندر مع الغازي لميدان القتال يالذيب خلك في سبيلك لاتزل ******** انته وانا مابينا شد الحبال خل الغويزي بانمثل به مثل ******** بتركه عبره لجل ذولاك العوال بالسيف باقسمه لا عدت وصل ******* ماحد معه مسكين مقطوع الوصال ماعاد له في هذه الدنيا امل ******** بلطمه لطمه بعدها ماله حلال انا نصحته من طريقه لا يضل ******** يبقى كما عادته يجلس في ضلال يحرس على ذيك العماير والفلل ******* والليل بايسري يغني بالريال هذا العمل كسبه ولاله شي بدل ******* ويختفي لا شاف عكات الرجال[/3mr] |
ذافصل واثاني شوني ماكلف = ذلا بعض الناس كلف بي كلاف يامرحبابالذيب ماليله هدف = في راعي المخدم يسجل عالهداف وذا حد من الوادي ماليله خلف = قفل لهوج الدار وفتح له خلاف بوطارق المعروف شوفه قدشرف = عنده ولد مشرف من عز الشراف الموج ياحسني على دارك زغف = أحسن من التنار قسم لك رغاف ذاصوت من الوادي من بحره غرف = ماهو كما حسني ملقيله غراف واتنه يالطباخ باخليك تلف = لا قدا المخدم با خليك لاف مسكين ماحسني البارح رعف = كل ماتحرك جاء في راسه رعاف وأن حد على الغازي تكلم أوسعف = شفني بجنب الدار موقفله سعافِِ |
[3mr=backgrounds/16.gif]شوف الغويزي ايه صابه ورتجف ********* يرقل من الذله وقد صابه رجاف يدعي بغالحقه تجي مسكين خف ******** هذه طبوع الناس لي مثله خفاف الذيب ماهو نافعك ضيف الشرف ******** لاعاد تدعي بالقي فيك السراف ايه ادخلك في ضيق ماتلقف طرف ******* خل المعارك لهلها لي ما تخاف بايضربونك ضرب رميان التلف ******** لي يطعنون الخصم بطراف الرهاف مليوم قدك الا تنكف من النكف ******** تصيح وين الذيب ملقي له حراف لي ما معه قوه يتمي فل المكف********* لعاد يسعف يلطمو نه بالكفاف[/3mr] |
اقتباس:
يامرحبا ببتات من شاعر بطل ****** عاده لكم ياذي تشلون الثقال وحنا معك لاقد دعا داعي نصل ****** ماعاد بانسحب على حال ومال بانطرد المحتل من هذا المحل *******و المعتدي نعطيه شنطوب الجبال انته اذا ناديت كل شامخ رقل ******* من شرقها لاغربها لما الشمال |
ماراعي المخدم على سيده هرف = باقطع انا لسانه كما الضان الرهاف أبعد هنا مني شف ريحك قرف = أنته كما الفخطه لي وسط القراف مجلسك عند الباب ياحسني وقف = شف ريحة المخدم تخلينا وقاف شف شغلك المخدم ولك فيها شرف =لانك تبعت الناس فاكرهم شراف مسكين ماحسني شف دمه نزف = داخل في الزامل ويحسبها زفاف |
ذا حد من الوادي مع حسني أحتلف= ولا يفيدك ياحسني هذا الاحتلاف خلك من حسني وفي صلاله أعتكف = وألاخليتك في الميدان دور الاعتكاف مابديت الحرب والااناشوني حتف = وفي ساحة الميدان انا سنتر وهاف والمقلع الممتاز ماليله خرف = ذا صوت من الوادي ماعنده خراف ياهاجسي هالحين عالمخدم شرف = وقله طبخ مزبوط للناس الشراف وأنه يبامني ومن عندي سلف = راعي المخدم مانعطيه سلاف |
هاجس معي في الضيق يقضي كل شف = ويشوف لي شفته وليهو ميشتاف ياحد من الوادي بغيتك تعترف = بألالمر لي واقع ظروري لعتراف وأن حد رفع راسه صقعناله بكف = يومه يزر عالشجب من دون الوكاف أما وقع طيب وترك في العيف = ماشي زيانه باتجي من شخص عاف أمثال بوحسني تليقف وألتقف = قله بشر بيجيك كسار اللقاف العيف باعارضه على خط النصف = الورث بانقسمه والتركه نصاف كل ماقرح بندقك يالمهتوف طف = رصاصكم كذب مثيل الحب لي في المرس طاف والعقل لي في الراس قال الذيب خف = ومسيت ياحسني من أضلالك تخاف |
[3mr=backgrounds/16.gif]الذيب والغازي معه لاقف سرف ******** ياويلهم اليوم بسرفهم سراف لاياعمر الذيب خلك في مكف ********* لاعاد تتكلف مع الغازي كلاف صاحبك متخلف وحكمه اعترف ******** ايده ورجله باتقطع من خلاف ريته بقي مثلك اذا الدارف درف ****** يقصد في السمره ويصقع بالدفاف خل المعارك عند حميان الطرف ******* لي دونهم كمن ولد يرجع عياف اليوم ياصاحبي ابو حسني حلف ******* بايهبن الغازي لما يصبح وطاف[/3mr] |
يامرحبا بأبيات لقا في الراس شف= شوفه في العقبه ذا طالع وشاف لاطلع ماليوم ماحسني محربله نظف = واحد من المخدم يكفيه الوضاف صاحب المخدم عمدلك عالطرف = وأصبر على الدخان حاوش عالطراف خلك كما يعقوب لي حبه نسف = وأمسك بالمنسف لاننسفك نساف ماراعي المخدم ذا ريقه نشف = وبلقي في أذنه على اليسرى خشاف |
مرحيب يا حسني بسيلك لي ردف === شل الضمرهي والسواقي والكتاف عاشو رجاجيل الكرامه والشرف === لي ينكرون الضلم واصحاب الخلاف شف ما بدى مهيون من داره شرف=== فزعان حد يسمعه من ضله يخاف كل من سكت والله شف قلبه سخف=== او من مدحهم شفه ذا عيف العياف الارض محتله وذا السارق خلف === والبرتقاله باعها من يوم خاف والذيب والشارق بغو حتى سلف === قالو لهم ما شي اراضي يالخفاف ذه ارض بالدولار ماهي لمن هرف === ياويل بوحضرم اذا خالف خلاف انتم حضارم من حضر نعطيه كف === يستاهل المهتوف لي يهتف هتاف |
اقتباس:
اهلا بقول الي على العز والشرف **** شريف من نسل الاجاويد الشراف ابشر بسعدك لي يصيبون الهدف ***** جنبك رجاجيل المعارك والهداف يبلغون القول يقضو كل شف ****** ويضربون الخصم بذلاق الرهاف ونته عقيد القوم وترك من خلف ***** لاتحسب الي دوب موخذ في خلاف اهل الرديه لاتصدق من هرف ****** مايعرفون الصدق بس كله هراف مثل الغويزي شل مدراف اودرف **** ماله محل بين الرجاجيل النضاف ذلا الوعول الي بها قشعه وزف ****** ان حد حضر لازم نلقيله مضاف |
ذا فصل والثاني يالهاجس سمر = هتلي خبرحسني وقلي أيش صار لي ولع الجبهه وخلاها تحر = واليوم ياحسني شوف الجو حار السيل ذا مروس وبيشل الشجر = ترفع من الوادي لايجيك الشعار بعطيك أشعاري وفيه عدة شهر = ولا وديناك مستشفى شهار وياحد من الوادي أناعندي خبر = أنا عارف النشره وتفصيل الخبار خلك مع نفسك ولاتثير الشرر = عشرين سنه وأنته تولع عالشرار كمن رجل معروف ميت من القهر = وكمن رجل تاجر ضيع العقار حصن الغويزي اليوم شيد وأعتمر = وياكمن عمائر دامره صارت عمار |
إلى الشاعر المبدع عمر الذيب
وسلام يا الذيب يا الكاسر وعطني الأمان=قولك بلغني مثيل الفل والأقحوان وتقول تلميذ لي وعْـكست المكان=الله يشهد بأنك لوّل وخوك ثان جاوبت وإعطيتني سندس مقابله طان=وإعطيتني لول فِمْقابل حجر كهرمان ذا فصل ... من بعده إني قاتِـلِتني الهموم=بيت سمير الثريا عد وإحصي النجوم من بعد نحر المنب يا خوي ما هنيت نوم=شف كل ما صابنا من بدونا في الصروم واليوم ينعق على دجله دميمات بوم=وغربان سوداء في الجو قد بطت هي تحوم سيبان ذلوا وبو عوبث معد قال لوم=ونهد والصيعري والعولقي والحموم محمد بن سعيد بن مخـاشــن |
يامرحبابالي على المطرح عبر = غبر على المطرح وملانا غبار دحق على زرعي وعاده ماشبر = يرفس بأنعاله من فوق الخضار شفني على المطرح مسويلي مقر= ولي عبر مثلك يذوق الحلو قار السيل من عندي أشوفه منحدر = لاعند أبن موكا بيشل الديار قولوا لبن موكا تحذر وأحتذر = خله في عينك دايم ألاحتذار وانه بغا كيه شوني مقتدر = باحطله كيه بخفه وأقتدار |
[من عمر الذيب الى اخيه الشاعر محمد سالم بن مخا شن"]
انست يابن مخا شن يا شديد العزوم = تضرب ببندق ولا تخطي تصيب العروم بلجيك ملقي على كتفك ومسبت يزوم = فيه الرصاص االمشوك بي قضي كل لزوم لا بان بادي وجانا يوم قيع الخشوم = لا خذت قسمك ترك للذيب خمسه قسوم وانس المنيب المغيب وانتبه للغيوم = ساهن مخيله قويه با تجينا عموم كلن يمكن ضميره والخبر والعلوم = نخل المجاري يبس فيها الكرب والجزوم والمال كله دمر ولعاد قطعه بسوم = سبت هويج الرقب قزيت فوه وبروم اما القبا يل تركها من وجعها تعوم = لي في الفوا ضل يصيحو والذي في الريوم مادام ظالم وغير الله ماحد يدوم = والظلم بعده قيامه عا الظلم باتقوم |
انست يالغازي عدد طش المطر = و تعدادماهابط هبط ارض المطار واعداد مابارق وما راعد زجر = من فوق ابين لي تقابل زنجبار حيا الكلام الزين جاني معتبر = مثل الذهب في السوق ماقديوم بار غالي وله معنى يسر القلب سر = وانا فرح كل ماوصلني هرج سار هذا الكلام الزين ياوعل النتر = لحنه يهيضني ونغمات الوتار عمر الذيب |
ياعمر يالذيب خلك في الوصر = ماليوم أناشفتك تقافز عالوصار أن حد غرم وألاماعنده بصر = ليش تتبعهم وهم ماهم بصار أن حد بغا المغنى شوفوا بونمر = والزامل هنا عند الوعاله والنمار لاتقع في الضر شف خطي حمر = ومن تعدا الخط بيقع في الحصار ياعمريالذيب شف خطي عسر = وأن مشيت في الخط باترجع يسار ولعاد باينفع اذا الموتر كسر = ولعاد شي بيفيد وفي الرأس الكسار |
[3mr=backgrounds/16.gif]سلام مني عد ماالماطر مطر ========= وعداد ما البراق في قمفان ثار لهل السقيفه كلهم ومن حضر ========= مني لهم جزل التحيات الكبار من غير واحد بانذوقه الامر ========== يومه تعداء الحد في عدت مرار عليه لازم بانزر الحبل زر =========== بربطه بالخيه وبلقي له عذار الا ان تقدم بعتذاره وعتذر =========== وقال انا غلطان ولي صار صار ماعاد بتعدا حدودي باصبر ========== والعاد بتكلم على الناس الخيار [/3mr] |
الإخوة الكرام شعراء مساجلات الزامل ما تشوفون أي شـــــــر
يا أهل الزوامل ما تشوفون أي شر=وإترفعوا عنها التوافه والصَّـغَـار شوفوا الكلام الزين للخاطر يسر=والعيف با نخليه لأي سفله وعار من جور ما بي قلت ياالذيب يا عمر=قم با نغني دان ... با نفقع بطار ما دامهم شعارنا فسْدوا السمر=وأقوال بعض الناس كنْـهيق الحمار والعفو منكم بعدها ما لي مقر=وسْـط الزوامل ذي تثير ألا الغبار محمد بن سعيد بن مخـاشــن |
يامرحبا الفين ببوطارق عمر = ليهو هنا رئس في شركة عمار في ساعة الشده لاعندي حضر = جاب العسل مصبوب من داخل ظفار ياعمر يالذيب شفني باختصر = باروح للمخدم بعطيهم خصار من أمس أنا صايم باقوم بافطر = قولوا لابو حسني يحضر الفطار وياحد من الوادي سيلك مانفر = خلك كذا مطرود مع عدة نفار حصن الغويزي اليوم مبني بألحجر = مسكين ماحسني يرجم بألحجارِ |
يامرحبا بأبيات تسر القلب سر= أعداد مايمشي وكل مخلوق سار حطيتلي في الكاس ماليله صبر = هذا الدواء منك بهذل بالمصار خليك في أرضك وأحسنلك بقر = ياولدبن موكا الله الله بألبقار لاتدخل الغبه شف موجي خطر = وأحسن على حلقك علق لك طار ماتعرف الغازي سيفه مشتهر = ومن فقد عقله وديناه شهار أحذر ثم أحذر وباقولك حذر = أحذر من الغازي لايحرقك بنار |
[3mr=backgrounds/16.gif]اليوم بان النورمن بعد الغدر ------------ حتي القمر قد بان في وضح النهار كلن عرف صاحبه من بين البشر ---------- وتواصلت لسلام من عبر القمار حدمنهم يمشي على ضو اخضر ---------- وحد في الجنه ولاخر وسط نار والغازي المسكين يدعي من عمر --------- فزعان لا ندفخه من فوق الجوار من يوم حس الخوف وقن بالخطر ---------- وهو يصيح الحقونا يا البصار يكر ابو حسني على الغازي يكر ---------- بيده قديمي باتصل لما الحضار والعظم بانقسمه لا عدت كسر ----------- خله يحس بالذل هو والانكسار معادله فرصه ولا له شي مفر ---------- وين بايشرد وهو وسط الحصار[/3mr] |
ماليوم ماحسني شوفه مبتهر= لي خرب الطبخه زودها بهار شوفه تحت الدار ملقيله حفر = يخدع هنا فيها اذا الجو حار وأنك على قولك خلك هنا وصر = بدفنك في الحفره وخل ماصارصار بنجيب للمخدم ذا غيرك نفر = لي كنت في المخدم تحاوش عالفقار |
[3mr=backgrounds/16.gif]
[ كلن حضر الا الغويزي ماحضر ======== من يوم شاف السيف قطاع الفقار [/3mr]اشتل عقله ورتقل عظمه وفر ========== ماحد يلومه دوب داهل بالفرار معا د يحضر عند ميزان العبر =========== من قام ماله في الميادين اعتبار خلوه شارد با يصا ليها قدر ========== ماله محل بين الرجاجيل الكبار ليه ما انته تغني في السمر =========== كل يوم في ديره تغني بالاجار خل الحرابه لهلها كمين حر =========== اهل الجنابي والبلاجيك القصار |
يامرحبا بحسني وسيفه لي بتر = عامد به المخدم يبتر عالفقار لك سنه وأنته جالس تختبر= كلما رسبت شفنا نسويلك ختبار والحرب ياحسني فيها فر وكر = وأنت هنا ضدي شوفك منت كار لانويت باسريك في ليلة قمر =وين الذي يلعب على عقلك قمار أحسن في المطبخ أجلس وأنستر= وأبعد عن الشهره من ذاك الستار صاحبك ماليوم ماله شي خبر = وأنقطعت أخباره لينته فيه بار شاف الحرب من الغازي عاده مستمر = وقف في الخدمه يدورله مسار كمن بطل قبلك تعرض وأعتذر = وجاء نصف الليل يقدم لاعتذار |
allahakbr
تواصل مع قصيدة عمر الذيب بشأن الجوالات والدشوش
سلام مني قل لبو طارق عمر=الشاعر القيدوم ذي باعه رفيع أتحفتنا يا الذيب بالسكر حجر=وشهد البغيه ذي يهيض في الربيع جنوة زبد وخلْـطها حِـبـِـل السمُـر=فيها الدواء المضمون يشفي كل وجيع محمد بن سعيد بن مخـاشــن |
مساء الخير للأخوه ((الشعار))
للأسف أن السقيفه أصبحت مرتعا لبعض الخفافيش اللذين يعدون أنفسهم شعارا مع العلم أن مشاركاتهم تعتبر عارا على الشعر الحضرمي وإسائه لتاريخ شعراء حضرموت . كما أريد أن أشكر الأخ البكري على توقفه عن الكتابه وعدم الرد على ذلك الذي أفسد الذوق العام في السقيفه وأقول له
هرجك إلا زباله يالوسخ يالرذيل = بس يكفي شبعنا شف كلامك مدحق طبك إلا علىظهرك يحن الصميل = تصلح إلا وسط مطعم معلم مطبق عار هرجك على الشعار ياذالهبيل = حست نظم القصايد والكلام المنمق فاح ريح العفانه منكم يالجعيل = شفت قولك مثيل الثوب ليهو مشعق شعرنا مش طريقك روح شفلك بديل = أو تنقى كلامك في القصايد ترفق هاجسي لانوى بيتعبك ياهبيل = كن عادك صغير خيب في شبر تغرق من طريقك تحذر يالمهدل تميل = لجل ملقيك غدوه أو بلحمك تمرق أو تروح لربعك دمع عينك يسيل = إن تعديت حدك عد نفسك مدحق |
اليوم يالغازي تقدم في السمر = شل سيفك البتار لاتشل الشفار بو جهل يتعتر ولاعنده بصر = جانا بلامعنى يدحرجها كبار واليوم يالغازي قدم زر الوتر = وانا معك لو بانقطبها وتار بو جهل في أرض العيافه قد بذر = يصبر على المحصول لاحصله ضار |
مرحبا مرحبا ياهذا الدخيل = لسعاف جنب الدار لمثلك ملبق البكري أسالي وعندي دليل = وكل من تعدا بايصبح معلق وحسني تدخل في غدرابليل = وأنت اليوم ياويلك ياهذا الملفق جاتني اليوم فرصه تشفي الغليل = بأأدب الحمار الذي جاء ينهق خليك قدامي ولاتبعد قليل = باخليك كل لحظه وساعه تنغق تريض على نفسك ياهذا الهبيل = بالحلي والمحراث اليوم تندق |
يامرحبا بالسيل لي جانا من وادي عمر = ياصوت من الوادي ذاسيلك بيسوي دمار لاهمني المقبل ولاالرايح ولامنهو كفر = لاتخاف يالصاحب على القوم الكبار بوجهل ماليله شل سيفه علينا قد بطر = يامرحبا بالي شرفني وبفقعله بطار هذا الذي أبغاه من مده وقد جاني بشر = ماليوم باخليه با يحسب الحنضل فشار أصله ولد جاهل ومتربي على عود العشر = مايقرأفي التاريخ ولاالنشره وصفحات الخبار من دخل برجله لاعندي ذا قله صبر = بالكنش والباروت الغازي واقف عالصبار |
بو جهل ما اليوم جانا با يقعله غسيل = بغسله في دقايق يوم غرب وشرق ما با سمح للكلام الكذب والمستحيل =لي يجيبه لنا باجهل من دون منطق البن عندي وعندي لذعة الزنجبيل = طب باجهل واصحابه ومن سد وفرق عندي صبر قال بوطارق ومنه نكيل =عندنا الثوم والبسباس لحمر مسحق كل من وصل عندنا بالمخيره والجميل =بات امن على نفسه متى ماتسوق اما الذي في كلامه دربجه اودجيل = بايعود وهومكسور راسه مفلق بالله خل الثقاله وانتبه يا ثقيل =لت استامن على جعجع وميشيل عفلق بو جهل خل العماله لاتقعله عميل = من طبلك واشرلك علينا تز عق والا دخلنا وحطينا ثنعشر قتيل = بالفلنطات والكنش الجديد المذلق والا كوينا في الخوره وقاع الرجيل=او تبا الكي في ظهرك بزبرة مصندق |
ياهاجسي ماليوم زر الحبل زر = بوجهل يبغاله على حلقه زرار لانه صحيح جاهل ولبعد أعتبر = خليه هنا يخضع ويلقيلي أعتبار واليوم من جانا وألاقد عبر = ملزوم بنحطه وسط غبة بحار ياهاجسي بالله فككلي شفر = بنشوف قناة الكفر لي بثت شعار بوجهل أخوشارون قدم الخبر = مادرى أنه يقع تفصيل لموجز الخبار أحسن في المخدم مع حسني دهر = هذا هو كارك وعلى ظهرك بهار |
[3mr=backgrounds/16.gif]مرحيب يا بوجهل شاعر معتبر ======= مازون هرجك وسط ميزان العبار على المعتدي داهل تزر الحبل زر ====== لمان يستسلم مع وضح النهار الذيب والغازي ومن معهم حضر ======== جتهم صواعق باتدمرهم دمار والعاد باتسمع لهم فيها خبر ======== باتنقطع من عندهم كل الخبار ماعادشي منفذ لهم ولا ممر ========= وباخرتهم باتوقع في قشار ماراثي الا للغويزي لنكسر ======= عظمه طري ما يحتمل كثر الكسار[/3mr] |
ذا فصل والثاني يالهاجس زحم = واصل طريقك لاشناطيب الجبال بوجهل ماليله خادع في نسم = رح له ياحسني ولقنه المقال قله مالغازي شوفه بيلطم = أرجع وأحسن لك لاعنده تعال وأنته تعرفني وضربي به ملم = وبو جهل عاده ماطعم ضرب النعال باوصيك يالهاجس على الدنيا حم = دور على البكري وجيبه في عجال شفني انا مشتاق للبكري جم = لي مده ماشفته وقد طول وطال أرجع يالبكري ياحيد النشم = أرجع يالاصلي يازين الخصال أنته ولد معروف من زام قدم = وباحطك وسط عيني في أية حال أما ابوحسني فهذا هو مهم = شغال في المخدم من أيام دوال |
عدا ء زمان القبوله قولو لبا تيس اين العبيد
حكمهم نافذ ومن شاف قبيلي يشله برجل وايد انت تفتخر با لجهل من زام بعيد اليوم وقت متقدمو مت شهيد |
ياهل الزوامل همكم ياخس هم === مايعجب الاطفال اويرضي رجال
فكومن المخدم ومن ذكرالخدم === والذبح والقدحان كل شي له مجال اليوم يوم الارض والخصم اقتحم === ارض الجنوب الحرجاه الاحتلال ماهوسوانسكت ونقعدعالكزم === ونغالط انفسناونكذب عالعيال عهوين ثم عهوين ياشاعرفهم === والله ثم والله مانرضى محال ناموسناداسوه مجموعة خمم === جونابقوتهم خبيثين الفعال الدارتشكي والشجرهي والغنم === والعزوالناموس يبغاله قتال |
ياهل الزوامل همكم ياخس هم === مايعجب الاطفال اويرضي رجال
فكومن المخدم ومن ذكرالخدم === والذبح والقدحان كل شي له مجال اليوم يوم الارض والخصم اقتحم === ارض الجنوب الحرجاه الاحتلال ماهوسوانسكت ونقعدعالكزم === ونغالط انفسناونكذب عالعيال عهوين ثم عهوين ياشاعرفهم === والله ثم والله مانرضى محال ناموسناداسوه مجموعة خمم === جونابقوتهم خبيثين الفعال الدارتشكي والشجرهي والغنم === والعزوالناموس يبغاله قتال |
| الساعة الآن 11:15 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir