ذي يحسفون المال في وادي يون = قد قسموها ياعمر سبعه قسوم
هذا يرش الحب والثاني دفن = والراعيه معهم على المذلح تدوم

ما با قنع لما الحلي يتكسرن=واالنخله اتزقل كربها والجزوم
ويبان كل مخفي وتطلع به بين=في البينات الحل مابين الخصوم

كل ما طلع منشي بدا الثاني حسن =وجهام اسود في السماء ملقي غيوم
قشب بشعر الراس مره والبدن=وسهنت من بعده القيامه با تقوم

يالذيب برسي لك علبير الزون = والجبر والمعروف يالغالي يدوم
لارحت بي صنعا معك برجع عدن =بتشوف عادك فلسما كل النجوم

المال لي مدفون يحزره الوثن = المشكله لا صار ما للمال سوم
يصبح نهيبه للشرح هم والخون = ويصيح راعي المال من كثر الضيوم

ماخاب ظني فيك عندي حسن ظن=تضرب ببو شبه وكسرة العروم
والعرم لي عاده لبا له مرجحن =يكفي من الفوضه وقفاز الريوم

مجنا جديد اليوم عليه النوب حن = يشفي عليل الوقت وكل من به سقوم
فيه الدواء لجروح ومن عظمه وهن = والذيب به ضارب من راسه يعوم

يوم السفن في داخل المرسى رسن = قد غبت يالربان معلنت القدوم
مانا كرهت الدار مليت الوطن = من يوم حلوها حداها والرخوم

المشاركة الأصلية كتبت بواسطة امير الشعراء (المشاركة 299123) يوم السفن في داخل المرسى رسن = قد غبت يالربان معلنت القدوم مانا كرهت الدار مليت الوطن = من يوم حلوها حداها والرخوم