|
اقتباس:
هلا مليون بالي قد وصل يجري = هلا بالشاعر الي له حمد مديون وانا بنصحك لاتاكل من الصفري = ودورل لك بديله في فرع مدهون وانا حبيت لي مخلوق من صغري = ولكنه تكبر في الهوى المضنون وانا قد قلت ياريته يقع قبري = وسط صدر المحب باكون له ممنون |
اقتباس:
عجبني الصوت يا تغريدة القمري .......... كما صوت الرّبابه سعفها قانون *** بغيت أسمر وجر الليل ذا جرّ(ي) .......... دخيل الله يا الشـّـعّـار لا تسرون *** يقول المخشني في العشق بت عمري ......... أحب الورد والأزهار لو تدرون *** وأحب الدان لا المعمور شل شعري .......... نبيت عا السلاوي وارد الشربون *** تصبّـه ذي لماها زي عسل سدري .......... تدير الشاي من لا شافها مغبون محمد بن سعيــد بن مخــاشــن |
اقتباس:
هلا باللي يشل الشوش من صدري =كلامه بالقفال الوافيه مازون وفي بحر الهوى والعشق من بدري=يحب الشيذر اللي له ذبل مقرون على كل زين قال الذيب متضري=يلقط في العنب والتين والزيتون |
الله لنا ثنين في واحد
|
وين الناس وين الشعار
|
اقتباس:
سمعنا ياعمر كل ماجرا يجري = سباب الهيج ذي بالقيد هو مرصون ذي رصنه لنا بالامس بن دهري = وخلق الله من حوله مسوا يعون |
ينسنس قال بوفيصل هوى بحري = يجيني من قدا فوه ومن سمعون وانا بسال وبتخبرك يالبكري = طفيتوا النار ليهو كيرها مرشون عمر لاتخلط الضيني مع البقري = على ريح اللبن تركض كمى المجنون |
اقتباس:
من البكري علي واجب نخذ حذري=ونتجنب طريق النوف في سلمون لان المشكله كبرة مع الدهري=وتقزيمي غلط من شق بو شعنون |
مصيبه لامشى بدوي مع حضري = وقلي ياعمر هم كيف بايمشون مثيل المخشني واياك والقطري = تركتونا بجنب الباب لي مركون |
وياسر قال مالليله نفذ صبري = قهرهم قال بوفيصل فريق ملعون وقد طلعوا عيال الناس من بدري = مصيبه يارفيقي لي مسو يبكون |
اقتباس:
عسى الدعوى تصل في ليلة القدري=وتخرج سكن بن كده من المسكون وصفق الصا عدي في خورة الحدري=يجيب الفائده من حيث لا تدرون |
|
كما وضاح ما حد يبرد الخاطر =تكفن في علم والمقبره ردفان لها تاريخ في الماضي وفي الحاضر=وهي لابن الجنوب الرمز والعنوان |
اقتباس:
اين الناس ماذا يجريمعقول من امس ما حد رد |
اقتباس:
على عود السمر وضاح مادافر= وترك كل شي للمعتدي حسان وشل نفسه دخل والجنب به نافر = وحط كل مامعه في عالم النسيان |
على شانك عمر ماليوم بابادر = وشفني في بحور العشق نا غرقان
|
سلام
الله يكون في عونك يابوفيصل ماتستاهل
سلامي وفائق احترامي لك يالطيب |
وينك ياسبع الليل لك وحشه
|
اقتباس:
غبار المعركه مازال ياشاطر=في الحوطه يغطي ساحة الميدان رجال التضحيه لي دمهم فاير=ابد ما ينتسو مهما حصل او كان |
اقتباس:
غبار المعركة قد نزله الماطر = وغيثه من غبش عابر على الصيطان رجال التضحيه لو روعهم بادر = شربنا من بغيه من عسل جردان |
سلام
اقتباس:
مساك الخير بوفيصل طلب وأمر=طلب ماتشتهي نفسك من البستان طلب روحي طلب قلبي انا حاضر=رجال الجود تستاهل وفاء واحسان من اجل العز والناموس بنخاطر=وبانسقيك من صافي عسل جردان |
وسبع الليل مالليله نوى العاشر = وبشكي لك عمر ياسبعنا الفنان تعدى عاحدود الشيخ لي صابر = ونا سقيته كرع صافي من المعيان يغثي قال بوفيصل على الخاطر = الا يالذيب شفنا نحسب الاوزان ولبسي قال بوفيصل من الفاخر = ولاهو في عتق موجود اوجردان وعينك ياعمر كم دمعها قاطر = على عبره اختفت من كفة الميزان |
يكفيه هذا الصوت يا جماعة!! يا بو طارق ... قرأنا وسمعنا أن حفل زفاف هيفاء وهبي على المليونير المصري أحمد أبو هشيمة تكلـّـف ( 34 ) مليون دولار أمريكي فقط لا غير ( حوالي 128 مليون ريال سعودي ) وأن ( 150 ) طائرة نقلت المدعوين من أرجاء العالم, نقلتهم إلى بيروت ( عاصمة النور!!! ):
لا شفت هيفاء بنت وهبي دوب صلّي عا النبي=فاقت على كل الصبايا والملاح الغانيات لكنني مدري جمال الروح حازت منه شي؟=وألاّ الهييفاء من فريق الكاسيات العاريات يا الذيب هت قولك بغيت الرأي منّك يا المعي=وإنته معك خبره في المحيا وفي أمر الممات في وقتنا هذا ترى المليون يعجز هل دبي=ومهر هيفاء ما يجد عند التويوتا أو فيات ربي رزق نحنا بني يعرب صباحك والعشي=النفط يتزغبر ولكن أدمغتنا هايفات محمد بن سعيــد بن مخــاشــن |
الله يعطيكم العافيه كلام يرفع الراس والله اني في شوق لمجاراتكم ولكن الظروف حالت بيننا وقريبأ سنعود ...وارجوامنكم العذر والسموحه وانتظرونا
|
اقتباس:
هيفا وكل منهي كما هيفا من ابنات العري=مثل الجلب في السوق يا محمد تراهن واجدات وهيفا هي الكبتن تريد او ما تريد ان تشتري=قلب ولا قلبت قرر في الامور الخا فيات لا تصدر احكامك على ما قالو اهل البحتري=في قد مائس عند هيفا والعيون النا عسات لو ما عيونك منها ان كان ما ما با تفتري=ويوم ما وصلت العنب قلت الفواكه حامضات |
اقتباس:
مرحيب بك أبو طارق. أحييت مجلسك. وسلامة الوصول. والعفو على أي تقصير مننا ( في عينك قذاه وفي عيني أشحوف ) والحليم فهيم. هذا من ناحية. ومن ناحية أخرى ما حد جاوب علي من الشعار بشأن هيفاء إلا أنت. والنعم بك. بإنتظار إبداعاتك أو تغييرك للقافية. أو جيب على الصوت الكربي الذي غنى به المعمور في جده قبل عشرة أيام من اليوم. محمد بن مخــاشــن |
الشعار ياعم محمد
ماحد بيجاوب على هيفا ومثلها هت كلام ثاني وشف وهيفاء لك انت والذيب |
اقتباس:
نتكلم عن أشياء أبعد وأعمق من الكلام عن هيفاء وإللي ما يعرف الصقر يشويه. |
بين المحبين قلبي تاه وتقسم=عايش بلا قلب قلبي في الهويه تاه والعاد فاد الندم لا جيت با تندم=يوم الذي لجل غيره في الهوى خلاه |
اقتباس:
قفل بواب الهوى من شان ماتحلم = وتضيع وتقول ياساتر وياويلاه وأمّا الندم ياعمر مافاد بلعجم= ذيهو يفطره لاغداء ولاعشاه ولعاد عالجه لي بيداته البلسم= أمن الضلاعه زقل جثته في المدلاه وبات في الدار يتبختر ويتبسم= لايل الخميني ضحك خل البكاء لشاه |
وانا عليم الله دوب الوقت اتضيم
من فرقة الزين قلبي كل ما هو جاه روح اسال السبع ما عانيه هويعلم لانه رفيقي ولا فكرت با اجفـــــــــاه |
اقتباس:
لنته بطبع الغواني يا عمــر تعلم .................... متـْــركت قلبك يغنـّـي لك على ليلاه ريّح قليبك وخل النـّـبض يتنظـّــم .................... وإفطمه مـن حُبّـهن ليلاه معْ عبلاه محمد بن مخــاشــن |
اقتباس:
قل لسالم ترى سبع الليالي تفدم=مامعه شي خلاف الا مغاني ومحزاه الهواء مايطاوعنا وقلبي محطم=من زمان الصباء هديت ساسه ومبناه |
اقتباس:
والذيب شوفه يكح واحيان يتحمحم= والعين حمراء تكل عينه بمتن الشاه ومايدري ان الاسد ياسعيد بايهجم =ان حد قرب منها في الحال بايغشاه |
اقتباس:
|
اقتباس:
عندي المبارك وحبره هي وبامهشم = والجول والوجر والريده ووادي ساءه ماشي بخاري0 خلاف القاتل العلقم= ورصاص مرشون في الجبهه و(ع) المحلاه خلك محلك لعد تفشل وتتلوم= وتوه في أرض فيها ميرجع من تاءه لاتحسبنك تبى في الصوط تتنسم= ماشي نسم غير بي قع دش في مخلاه |
اقتباس:
وما شاءالله عليك يامفرقز عندك ملاحظات قويه تستاهل يرشحونك ناقد في السقيفه انا بتقبل كلامك هذا بروح رياضيه ولكن استمر في نقدك لكل الشعار ولكل القصائد لا تختار احد ولا تجامل حسب قولك اما بالنسبه للتوقيع هذه ابيات شاعر من شعار حضرموت الكبار المشهورين بالحدس وقوة االبصيره والتنجيم وانت تجهل الشي هذا قبل ماتنتقد التوقيع اسال على قائله على شان تتنور وتعرف ايش معنى هذا الكلام المهم وانت حر ايظا في رايك ونقدك كلين له وجهة نظر وعلينا احترام كل وجهات النظر سوى منك او من اي حد ثاني غيرك مايحتاج هذه الزوبعه كلها( يكفي ياذيب تترك الحبل عالغارب ) ( او ان حد بايجاملك) مايحتاج تقول الكلام هذا وانت انسان فهمنا في النقد والشعر مع العلم اننا ماحصل لي الشرف في التعرف عليك ولا حصل بيننا اي حديث مثلا قبل هذا وبالنسبه للكسور عادي الكسور تتعمر ولا تحرق اعصابك قل لي بس فين الكسور وانا حاضر لا تزعل نفسك ابدا حر وبرد واذا ماعجبك التوقيع بنغيره على شان خاطر يالحبيب ولا يهمك |
عندي المصاحف وعندي الدين والطلسم=وعندي ايات للمارد عجل تنهاه قل للمسوكن هرج لا تصيح تتبرطم=ولا عمدتك بيدي رشخ في المقذاه ابليس لا جاء وعاد اليوم يتغيّشم=النار من آية الكرس عجل تغشاه |
سبع الليالي قبل ما تفهموا يفهم
يفهم يصوغ القوافي منتهى مبداه وان كان ما عندكم شي علم اتعــلم العلم زين ونور العقل لاقـــــــــد تاه تعرف مبارك قبل تخلق وما تفطـــم عايش يقول القوافي يا عبــــاد الله وان كان في قلبكم شي غل يتضرم الله سبحانه الرحمـــــن با يكفـــاه |
اقتباس:
انست ياللي على ذا الصوت تترجم=حقك ولك وانت عادك خيب في الترباه في الشعر لك باع يشهد سوط بالعسم=واهل القبالي ودوعن واهل وادي ساه هتلي خبر من قداء السعران والكلثم=والدوري اللي بداء يسخن في المدلاه هل شي امل فوز به ياسعيد واتعشم=والا قنع واترك الدوري بيد مولاه |
| الساعة الآن 12:50 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir