سقيفة الشبامي - مساجلات الزامــــل الشعبي

ذا فـــصل مــا دريـــنا وش الصــــحـــــــــيح كــلـــين لـــقى لــه نـشرة كـــــــــــبيره
المصــــيّح يصـــيّح والمـــــبوّح يــــــــــبوح ويامفـــضوح بـــوّح في قناة الجـزيره
حـــكمـــنا بالــعدل ونا عنـــــدي وضـــــــوح والله ما شــفت مثـــلك كـــذوبه كثـــيره

يااااااااااا سلام على الشعر و لابداع الحقيقي هذا الكلام يا شعار
او بلاش من قول الشعر .!!صحت يمناك يا الشاعر المنتظر!!

والاخوان راح يردون بكل تأكد عليك يا شاعر .!!بس خليك بلبيت !!

سبع الليل

11-17-2008 07:41 PM

سلام

ياريتنا باطير وبالقي لي جـــنح=يالي تهـاجر بالقـــدم خبـــه وســـيره
دروينا عوجاء وخطي ماسمح=والقصد بانصـــبر على خط الحجيره
بدخل بك الغبه ولكنـــك سبــح=بسقيــك من منقاء يغرم بك عصيره

طالب النعماني

11-17-2008 08:18 PM

الاخوه الشعار
الزامل وزن ومعنى وقافيه
وليس قافيه فقط او يكون اول البيت على شله واخر البيت على شله اخرى
وشلات الزامل معروف نرجوا من الاخوه الشعار ان يتزملون بأبياتهم قبل كتابتها هنا
واتنمى لكم التوفيق والنجاح
تحياتي للجميع
اخوكم ابوراضي

يسهول

11-17-2008 09:00 PM

اقتباس:

المشاركة الأصلية كتبت بواسطة طالب باتيس النعماني (المشاركة 299756)

نحن شربنا من حليبه والبــن = ضرعه كفانا سم ضرع الملبنه
يشهد له تاريخ من سابق زمن=اهل الحضارة في العصور المزمنه

سبع الليل

11-17-2008 10:12 PM

سلام

يامرحـــبا بـــبيات جــزله في الثمن=ابيات موزونه عظيمه مثمنه
ماليـــوم يابسهول خـــذ مني تمـــن=شفنا معي خزنه ثقيله مامنه
سكين بوشوكه على راس المسن=وسيوف هنديه خطيره مسننه

طالب النعماني

11-17-2008 10:15 PM

الشعر يالشعار له معنى وفن=كمن قصيده بالجمل متفننه
والجمله العيفه رخيصه في الثمن=يامن قراء قولي وشعري ثمنه

امير الشعراء

11-17-2008 10:29 PM

مرحيب يامرحيب ياطالب حسن = والشعر في ذا القسم لحسن تدفنه
من يوم جونا لي يفتو بالبن = قد ضاع علشاعر دفاه ومسكنه

امير الشعراء

11-17-2008 10:35 PM

كم قلت من قبلك ولكن مافطن = ذي خرب الزامل ودايم يعجنه
لارحت لاصنعا سرحبي لاعدن = لاجبت له زامل قلبها دندنه

أحمد العمودي أبوفيصل

11-17-2008 10:40 PM

امير الشعراء وطالب حسن وكل الاخوان انتظرونا لاتروحون تكفون الليله طاحنه في راس بوفيصل بتعشى وباجيكم لاتروحون