|
اقتباس:
ابد مهما تسوي ياعمر ما ينعدل لعوج=تعبني واتعبك واتعب اوادم واجده وياه انا ابغى اللي دخل لمّه يدور للعرب مخرج=يخّرجها وينقذها من العن هم ومعاناه |
اقتباس:
عطيته ماعطيته بان لي مهبول ومهرج=يقول اشياء ويفعل شي ويتبهلل الى كشفناه معد له عندنا غير الصمل يومه عمى واعرج=وزايد عاكذا طماع يؤكل كل ماجبناه |
اقتباس:
عسى له من جبل يابالكرم يالله يتدحرج=ويتكسر بخلف اخلاف في الارجل وفي ايداه ونا لا الشور شوري بعد ذاك اللبس والهودج=ابا في كل سنتيمتر من جسمه مية سلاه |
اقتباس:
بلاه الله ذي نسّـاني النعسان والأدعج لأنـّــه قد ضربني قل لسالم من على المقذاه *** ونكرهّـا السياسه ... حب يا وزران كل أخدج ولكن خالك إضطرّوه يتناسى بني مغراه محمد بن مخــاشــن |
اقتباس:
بني مغراه والسيد يون في دمه امضرج=ولا له غيرنا لا قد دعا بالصوت يا دركاه
|
اقتباس:
نسيناها بني مغراه بأسباب الذي تبّـج = عرب بالسّـلـْــم صاحوا ... ما بغوا قربه ولا بلواه محمد بن مخــاشــن |
اقتباس:
عباد الله حد واضح وحد مازال يتغنوج=ولا يدري يهب لفيين يهل المعرفه والجاه
|
اقتباس:
سكَـن في قصر عالي يا عمر مثناته المدرج وطيّـارته شغـّــاله تفر به من لذي يخشاه *** وإش يطلعه لا راس الجبل من شان [ يتدحرج ]؟ حياته هانيه أهنأ من البلقيه هو والشاه *** وعش يا الذيب في محقه وبالعينين تتفرّج على الأرزاق يأخذها حمد وأولاد باتيّـاه محمد بن مخــاشــن |
اقتباس:
ولا يدري يهب لفيين أنا حصّـلت تأشيره إلى النرويج با ننفج قدا ( أسلو ) نهب فيها تلاقي النفس ما تهواه *** عذارى في الصّرك يمشن إذا كلـّـمتهن ما إحتج مطوّع أو أحد ملقوف حط لك قيد في مخباه *** وبا خلـّــي بلاد الفـُــقـْــع والقصره لبامدحج إذا حصّل بها في الظهر كزمه ما لقي إعشاه محمد بن مخــاشــن |
اقتباس:
تولو الرزق يا صاحبي قوم الاوس والخزرج=ومنه شلو وحطو وله قد كبرو المخباه ونحنا في مثاوي الجوع قال الذيب نتزلج=خسرنا اللحم لي في التيس وخسرنا اللبن في الشاه |
اقتباس:
خرب بين الطرق يابن مخاشن مؤترك رجرج=وسبقوك الجماعه للذي حاولت تتلافاه وملقي لك محاجن واجده واشباك في املج=وكل ماصاد شي حصلت حد قبلك عبر بداه ولا معك غير جهدك والتعب بين الطرق تنهج=وغيرك قد ضبو عالجمر وانته تدفن المضباه |
اقتباس:
نته بإصبعك قد عوّرت عينك وصار لك ملدج ولا دلـّـيت دربك ... يا عمر لتقول ياقهراه *** وكنـّـا في بلد لحقاف نمشي عا صراط أبلج ربينا عا الشـّـيم والجود نعرف قول يا لوماه *** وما ذا اليوم جونا ناس ما حد منـّــهم يعلج كلامه ... كلما إتكلـّــم يصعمد لك كما الملهاه محمد بن مخــاشــن |
مرحيب
|
اقتباس:
عسى لا سامحك يا البيض رب إسراء ورب معرج تبيع الأرض والإنسان يا شيلاه يا بيلاه *** تبا وحدة تراب الأرض ... كلت إتراب يا الأهوج وهذا اليوم بتناوط لعنقود العنب تلفاه محمد بن مخــاشــن |
اقتباس:
ضرير العين يا الصكه بغيته كيف يتفرج= يصدم في الستر ماباتصل عينه لجم الجأه ولاكن أنت لعبه أصلها تشحن وتتبرمج=صناعتها خمينيه ومهديها عيال الشاه ومهما فرفرت مابا تفر من فوقها الفودج= وتحت المرتمه ورجول تتكي فوقها وحذاه |
تخمّج ماك يالمعيان ذي ماكان يتخمّج =من الحراث؟ ذي يمخش على المعيان بالمزحاه فزع من قاصر المسقى بحجه كذب يتحجج =وقال المال بايقصر علي مابايجيبه ماه وعافت ارضنا لحقاف منها كل من جاء هج= وهجوا منها ذي يطرحون الضرب عالمحلاه وغرتهم فروع الراجحي ومعارض العرفج = طمع فيهم ولكن الطمع يخلف على مولاه |
اقتباس:
كلام والله يالمطلع بس اخوي اليوم الهاجس معكر والله من ساعة ماشفت خبر وفاة اختنا شاعرة الجنوب وانا مصدوم الحمد لله واعرف ان الموت حق ولكن والله الصدمه اثرت في كثيرا المعذره منكم |
حال الدنيا يابوطارق
مصي كل حي |
اقتباس:
غبار اليوم صحاني رياحة قاصفه والعج=اله العرش يا معبود بأمرك عاكره تنهاه بحكم الشرع من بايع عبر ع السوم يتفرج=وذا لفوا مواسمهم يتمي قيم ع المعداه معوج كل من ينزع يده من طاعة امعوج=اذا لم يمنع الحاكم اذان بوقتها وصلاه ومن امسى على ذلك كفر بالله لو محتج=ولي الامر له طاعة بعزة خالقه مولاه حذيرك ياعمر بالله عن نهج النبي تخرج=جماعة من يشذ عنها جهنم ياعمر مثواه |
اقتباس:
محافظ للمكلا كان يوم السحل في كل فج=وعمه ماحقن دمه ولا حصل احد ينهاه وكل اللي وقع بالشعب يعلم به وبه مبهج=ولجنة مركزيه كان هو فيها رفيع الجاه تمامي هانها الملعون ع سربوت تتزوج=وخافه لارجع يعقد بهندي ع حصن وومياه ولاكن سياته قد مسحها الحيب يوم افرج=عن شعبي الابي اسرع الى الوحدة ومد ايداه وحامض طعمه العنقود لا ماصاد له مخرج=عروشك عاليه يالرازقي في الاثم يامحلاه |
قروا قرآن في جدر الشبامي ، صدرهم ينهج * على بنت الجنوب الحر لي رحلت بلا رجعاه
و كانت بيننا بنت الصبا ، شمعة عطا تسرج * و قط ما يوم مست في السقيفة حد من حلاه تقول الشعر تحمد في سطوره كل من عرج * على موضوعها ، و الكل يعرف لطفها والجاه أتت من معدن الاشراف أهل الطهر و المنهج * و صارت في الجنان آمين يا رباه متوفاة |
اقتباس:
كلام يا حبيب شنطبه |
خرج ذا فصل والثاني عباد الله محكومه=ونا لله واحكام القدر يالهاشمي محكوم وامر الله نافذ والقدر ساعته محتومه=بغيته بالرضا يالادمي وان ماتبا محتوم |
اقتباس:
هلا بأبيات من شاعر حبوب اللول منظومه وولـْــد الذيب قوله مثل حب الماس ذي منظوم *** وبو طارق صدق كل آدمي ساعته معلومه ومن حكمة إله الكون أخفى ذلك المعلوم ـــــــــــــــــــــــــــــــــ محمد بن مخــاشــن |
كرهت أبليس من وجهه ودنكوره وثرمومه = لعنك الله لعنه ياقبيح الوجه والثرموم مساجد خاويه منه وما البارات مزحومه= ودرب الخير فاضي والبلاوي دربها مزحوم ألآ يا الواحد الباري حرق يده وجمجومه= لان المشكله في اللب ليهو داخل الجمجوم حياته كلها غبراء ومكروهه ومشؤمه= الاّ يالله تخارجنا من المسبوب والمشؤم |
اقتباس:
حذر يالآدمي تعصي ولك ايام معلومه=ولا قد جاتك الساعة ظهر ميزانك المعلوم تقبض بالذي حبله قوي والغير مصرومه=نجاء ذيهو بحبل الله قابض حبله المصروم وكل الاعمال والافعال عند الله مختومه=اتجه لله باتصلح صحايف فعلك المختوم ودنيا ياعمر ترديك في السيئات مذمومه=وكل اللي بها شاغف يحصل فعله المذموم |
مست نفسي بلا هاجس على خنساي مكلومه وكل شاعر بداخل ذي السقيفه قد مسى مكلوم *** وإبكي يا سقيفتنا وإنتي غير مليومه وكل شاعر إذا سالت دموعه مهو بالمليوم ـــــــــــــــــــــــــــــــــــــ محمد بن مخــاشــن |
عسى في قبرها تمسي بإذن الله مرحومه =وكل مسلم بغفرانه وعفوه با يقع مرحوم نقيصه ع اهلها باتروح والنظرات معدومه =عليهم في فتيّتهم ويصبح شوفها معدوم وهذا حال دنيا فانيه قدجابها القرآن وعلومه =وسنه للحياه الفانيه واخبارها وعلوم وعاذي الأمر امّه لااله الاالله مهزومه =تقف والعالم بأسره امام الموت قع مهزوم مع اعتذاري الشديد لبعض الخلل الوزني البسيط في المقطع الأول من البيت الأخير( وعاذي الأمر امّه لااله الاالله مهزومه ) والذي ادركه كتابيا ولكن بالنطق الشعري لي بلهجتي مكتمل الا انه يخل بالمعنى الصحيح الوارد في الشهاده |
اقتباس:
|
اقتباس:
شكرا لك على الأطراء يالغالي |
اتركو هذه المجا ملات لبعضكم واقصدو ان شي معكم قصيد فيما يحدث وان كانه الا حبيبي حبيبتي ماحد بغاه
|
اقتباس:
بشر يالعنتري بنصحي النعسان من نومه=وبنحدد متى وقت العمل ومتى يكون النوم ولي مسكون قالو مايداني ريحة الثومه=فما بالك اذا جبنا له الخلته وكيلو ثوم |
صبر يالذيب ع هذا الزمن ذي كثرة اهمومه
تعبني ذا الزمن ذي كل وقاته في كدر وهموم مصيبه ياعمر صبحت شعور البعض معدومه منين انجيبها لو كان واردها صبح معدوم |
صبرته وانتها بي الامر في وديان مزحومه=ونا قد كنت متجنب طريق الوادي المزحوم عرب جوني الى عندي لقو في الدار غيمو مه=وزادو قلها من بعد ماكانت مطر وغيوم |
اقتباس:
صحاب الدار عندك والنزيله بنت صمصومه = لعد تهتز ولاتفزع وخلك ذيب يا الصمصوم إذا هجمت قبيله غاشمه شعواء ومغرومه=شقيقه بايهد مابايجوك الفرس يا المغروم |
اقتباس:
طبخناها سوى ماعرفت لي تظمره وترومه=الما بان لي انك كما قيصر عظيم الروم ولكن وين قيصر مانفعه الظلم ووهومه=وانته في خلوفتهم اشوفك يالمحب موهوم |
عرب جوني ولا عرفهم يقول الشيخ من رومه = اذا جوني سوى والا هجمنا عالحبش والروم عيال ابليس لعبوبك لعب واعطوك زقومه = واناياكم نصحتك ياعمر لاتاكل الزقوم ومن رب السماء يالذيب شف لرزاق مقسوم = ولكنك طمع شليت في القسمه ثنين اقسوم محمد بن مخاشن ذي السنه ياذيه درثومه = ركب عاثور لسود ياعمر جابه على الدرثوم |
اقتباس:
|
سلامي للعمودي ذي خطاء حليه على سومه
ولاقصر ولانقص وزيد ع العلم والسوم قرب رمضان يالشيخ العمودي ناوي انصومه لان رمضان شهر المغفره ياصاحبي والصوم |
اقتباس:
وين المخشني الليله (( عمر الذيب )) ــــــــــــــــــــــــــــــــــــــــــــــــــ ــــــــــــــــــــــــــــــــــــــ أنا موجود كنـّـي ما نجاوب ولـْـــد طرشومه حمومي ما يرد عا أقوالهم دعكيك أو طرشوم *** قِـلِــب يا الذيب هذا الدان ... من يومين بتزومه وجيب الصوت لصعب ذي يخلـّــي هاجسي مزموم محمد بن مخــاشــن ــــــــــــــــــــــــــــــــــــــــــــــــــ ــــــــــــــــــ |
| الساعة الآن 07:02 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir