|
يامرحبا بالقول من لثنيين = شعبة عمر ذي ربت الرميان باتصلح السمره لنا ذلحين =مادام بوطارق عمر قد بان وان عاد حد غنى لنا صوتين = فالشق بفتح فالسمر بيبان |
الاخوه الافاضل بن مخاشن والغازي
والله اني تابعت ردودكم واشعاركم وللاسف الشديد كل واحد منكم يضن الاخر يقصده وانتم كل واحد في وادي منكم الرجاء ان تقفلوا هذا الباب وعدم النقاش ومن عاد للنقاش هو المخطي وخلوكم قد الزامل والقصيد وانا اعتذر لكم جميعا وهذا تقصور مني واهمال ايضا والا ماوصلتوا الى هذا المستوى ولكن ضنيت انكم انتوا باتوقفون المهاترات والسب والشتم وانتوا قبائل كبيره ولكم مكانتكم في حضرموت ورصيد لاهلكم فلاتهدمون رصيد اهلكم وعفا الله عما سلف |
اقتباس:
|
عمر الذيب
خرمان للقهوه ولي يومين=يامخرج الخرمه من الخرمان ماحد نشدني ياعمر يهوين=يوم المصرف كسر الفيجان ليهو بطاء يلعب على الحبلين=حاسب حريضه قرن بن عدوان قله لقط وحده وخل ثنتين=لتعاتب البكري على ماكان ونا بيدي السيف بو حدين=سيفي هو الغازي ابد مالان |
احسنت يابوطارق
خلوا كلامكم شنطبه |
عمر الذيب
طالب لبى مصرى وخذ مدين=والا تركنا نرضي الشيطان والله لو تتناطح الحيدين=ويسير من حيثه جبل شمسان ماخلي البابور بو دقلين= يغرق لحاله في غبب سيلان |
اقتباس:
من الدكوات القاسي يلين = الصلب لان لا يالهندوان نا ربي معي نعم المعين = هولي عليه العمد والتكلان والادمي لحتاج مد اليدين = من سال مثله ذاق الهوان ياعمر صاحب العقل الرزين = الكلمه عنده لها اثمان |
حطيت له صعدي في الساقين = ماشي مهم يامقصع العمدان وان شي قصر عالكتف بومقصين = جاوي وصوته يسبق الدخان فالقصع مسبت ذي يشل ستين = الذايبي ذي يطحن العظمان ذي هم يردون السلف والدين = بايدخلونه موقد النيران اخر سنه هذه لبو شرين = هذا السنه ماهو كما عيمان |
رأسي تهيض للرصاص الزين =والضرب يعجبني إذا قد زان مخباط عندي خير من مشطين =في ظرب زامل هوكذا ياخوان |
جحدر
ياهاجسي باصيح لك وانته نغب = ضاع البعير الزين من رعيانه باعو وهو من قبل يوصله الجرب = واتعاضلت لقيود في كرعانه |
[QUOTE=عمر الذيب]عمر الذيب
طالب لبى مصرى وخذ مدين=والا تركنا نرضي الشيطان [/QUOTوالله لو تتناطح الحيدين=ويسير من حيثه جبل شمسان ماخلي البابور بو دقلين= يغرق لحاله في غبب سيلان
خايف يقع في ملتقى البحرين=ويغرق المركب مع الربان من بايجيب الميل بودقلين=لوهو ببحر اللول والمرجان |
اقتباس:
|
منجيب شي مقيول يالغازي سحب = هاجسي يزقل من طرف معيانه عوذ من الشيطان يامولى المسب = كل من تعدانا قطبنا لسانه |
ابديت برب القدس والحرمين = سبحانه خالق انسها والجان مجمل جاب الصلح ماذلحين = والذيب جانا مشعل النيران سيفه الغازي قصده باخشوين = مولا العضيده ومن الشجعان ماطرعلى جاحز بايشل الطين = بيحسف ثمر داخل البستان سيفه برق في معركة حطين = حذرك حذر شف عالجبل رميان |
اليوم يالشعار يا سحب سحب = ماحد يحط جحدر في دكانه الكلام الزين من صنع العرب = ماحد يتنكر لاصحابه ولاعمانه عندي الدليل وأنك مكذبني قرب = الدليل واضح ياجحدر من عنوانه واليوم يالشوبا ماشي قد خرب = أبليس صبح يوزن في ميزانه |
مركبنا ياطالب مايهاب الغبب = مايغرق المركب وعاده فيه ربانه لاتخاف ياطالب ياعز النسب = المركب المعروف ذا معروف بعنوانه |
جحدر
يامرحبى بالقول من شاعر كتب =بعض الصوع يعجبك في قيفانه وبعض الصوع يندرك لا سوق الجلب=ويحط طليانه مع خرفانه وان كان هو ناوي وبي قل الادب=بشرم ثلاثه ارباع في اذانه |
ان حد رضي راسه فنا راسي غلب=ون حد ضمي جبت الدلي والزانه وآنا الذي معروف من جدن وأب=من راس حصني نارها رشّانه وانا معي سكين باقص العصَب=بقضي على الغازي وبذبح ضانه واليوم يامريم عسى حدلش خطب=من ذري با واكد ومن جيرانه |
جحدر معاه الزير في حربه نشب = وفارس لظهر الخيل وفكوا رصانه فارس وهو الغازي مايهاب الكرب = مايهاب الموت باينزل وهي رشانه |
هههههههههههههههههههههاي
ويين الوزن يا شووبا وش فايدة الشعر دوون وزن اوزن شعرك والا لاتدخل الزامل |
الليل يامريم نبا رد ينتسب=البيض جالس لش بجمب اخوانه خرمان لش بيخلي ارجيلش حطب=وانتي ضعيفه جايعه تعبانه والواكدي منش وطالع لنتصب=اعطيه له قسمه من الرمانه |
ياهاجسي جحدر ماشاف المطب = شفته عبر مسرع معه رمانه فرحان بغا وحده بيلف القصب = دايم يحب وحده في بستانه اليوم يالشعار جحدر قد نصب = لي قال ثلاث ارباع في اذانه مسكين مايلتام حمال الحطب = شوفوه مايقدر على عمانه |
نعم نعم والله نعم يابو لهب = لا حد سمع هرجك وفك اذانه بيقول ذا منقذ وقايد للعرب = يحسبك عنتر فوق ظهر حصانه شفتك نهار الضيق شلتك المهب = والبيت حقك كسروا بيبانه نحن شداد الباس واصحاب النسب = كل من يناسبنا علينا شانه ماناسب المخلوق لي فيه العتب = ولا قليل الاصل ماله خانه نوخذ ولانعطي من هب ودب = لاتحسب الحدجه كما المرجانه ماضن سيد القوم يرفضله طلب = في القصر له خادم وله صبيانه ينزع حجاب البيض في اي وقت حب = والسود من ماملكت ايمانه |
عمر الذيب
تبت يدى جحدر مع البيض الكذب=كل من كذب متهمنا كذبانه باهد مع الغازي بدقلات القصب=ببداء بجحدر باسحق عضمانه والبيض بحلق لحيته هي والشنب=ماهمني ناره ولا دخانه مادام كير الحرب قد ولع وشب=باحش رجول البيض من سيقانه هجسي يقول الذيب بو طارق قشب=وحليلتي عند الفناء حنقانه وتقول حل حله ببو شبه ضرب=نتف رياش البيض من جنحانه يومه في اسياده بلاء معنى ذنب=بدفنه في قبره مع خلقانه |
في السماء عاكور والماطر سكب = جهمي وله عارض وخصب امزانه سالم جاب العيد ولحمه في المسب = الوذر من لحمك اكل الذيب واخوانه |
مالغازي الا ذي حلاله في حبب=نار الحرايب عندهم حنّانه خل المغازي لهلها يا باحقب=يا هر جايع تفزعه جرذانه والبيض بحر الشد وانته عالقتب=ماشفت حد جندي يسب سلطانه فالضيق بانلقي شعب يبني شعب=مايمشي المركب بلا سكانه تحلب على البقره وغيرك قد حلب=مثّلت عنتر ياشبيه الضانه عارفك فالشعبه مع الناس الطلب=انته عمودي انتْ من حّلانه أو فرخ قروي ذي على الفاطر ركب=ذلول بركه للشذب خرمانه والله لو ماخاف من كلمة عتب=إن كل ردي واجبي قص السانه ماذم كل الناس لي فيهم نسب=لي حّلو الشعبه وفي وديانه والله لو ما تنصحونه ينجذب=غشيم عاده ما دحَن شيطانه انسوقله ذي يحملو دقل القصب=ان يسحبونه سحب من دكانه يبنا العمودي يا رجاجيل السلب=شوفو لكم تقدير عالي شانه طالت لسانه عالقبايل ياعجب=هذا لكم توضيح يا رميانه |
مشكووووورين وماقصرتو كلكم
|
اقتباس:
صح الله لسـانك أخي الغازي ويعطيـــــك الف الف عافيـــــه يافارس المنتـــــــــــــــــــدى |
مشكوووووووووورين ومافيكم حيلة
|
اقتباس:
ويعطيك ربي الف الف عافيه دائمآ مواقفك كلها مشرفة اما البيض كما ماقال له باخريبه هو ابن الدجاجه ولابي بيت في شئ حصن |
هتوا الكلام الزين يا عيال العرب=كلمانكم شوفوا ثمنها عانه مابا القرينيه ولا خنتوب ضب=رشنوا على المضبي ينب دخانه وهاتوا بغيه دوعنيه أو رطب=إن ما حصل خرفي وسَط قرفانه محمد بن سعيد بن مخـاشـن |
كل ماصلحنا الجرب يالذيب انقطب = كل السواقي ذالسنه خربانه ويش البصيره ياعمر ماشي سهب = حصن الشبامي خربو ا بنيانه وان تمت الا هكذا روح وهب = ياخوي قد ضقنا من الحنانه ضاقت علينا قل لرميان السلب = ضاق الشبامي من عمل حلانه |
اقتباس:
ذا الحاصل يامجمل ولي انكتب = كل كتاب بايبان لك من عنوانه حد قال عنتر وحد خذه العجب = وهو في الاصل مايسوى عانه الناس وحلت بين اهل الرتب = والسقيفه بمن فيها وحلانه كل ما صلح واحد الثاني خرب = الخوف لا تصبح السقيفه خربانه |
ابليس في الحلان قدسوى العجب=كل ماطفينها رشن نيرانه يامعشر الشعار ماهذا يجب=قد شفتكم كلن رضا شيطانه من هرفت الغشمان كلن يصطلب=كلن يعز نفسه ويعلي شانه |
اقتباس:
ماليوم يالشعار ناري تلتهب = قد جبتلهم أبليس مع شيطانه البيض يتكلم ولا عنده سلب = معروف يتوكا على عصيانه الهر لي جيعان ماجاه الجرب = مبعد نسي أرضه ولاأوطانه هذا هوالخاين ضيع العرب = يومه صبح يرغي كما حشوانه دايم على ظهره بتشوف المسب = ليهو بطا يطلب من الجيعانه نحن عيال الشيخ من خير النسب = معروف هذا الحيد في وديانه |
اسمحوا لي بتغيير الفصل
حمله لباها قاضيه للغازي= من شان مايغزي علينا ثاني لبغاء كفف ميزانا متوازي=ياهل السقيفه حكموا لوزاني |
وينكم ياشعار والا الفصل صعب غيروه
|
عمر الذيب
حافظ على شمعي وقايس قازي=مابانطير به في القيزاني وين الحطيئه وينهو والرازي =غيبتهم يالموت في لكفاني |
ان تمت الا هكذا باعازي = مدراء السقيفه هم ويا الحلاني في شعرنا ذي هو لعب ومحازي = كلاً يدور للمكوده عاني الجازيه قالوا قتلها الجازي = هذا الخبر يابن حسن ذي جاني |
والله خزا نفسه من بايخازي = والشعر له مغزى وله معاني تركّت نا فيه مولى حرازي = وعالعز والجبر بدحق عاني |
| الساعة الآن 06:19 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir