|
اقتباس:
كلامك صدق يبن الناس جما لك وجمالي=يبيعون البصل ابما حصل بريال او عانات ولكن حسب ماقال المثل من اهل لمثالي=الى هي للذيب بتكون ذيب ارضك بدا مرات ولكني اشوف انه يهز الارض زلزالي=على مقياس رختر حسب ظني عالي الدرجات يصل لا سبع بعض احيان سبع ونص يالغالي=وبايجيب القثم والصيعري وعيال بن عبدات |
رجال الصوط لا دخلوا احسه ينشرح حالي = يجيبون الكلام الصدق لي فيه الحكم وعظات عيال ابليس هم عينه من اولهم الى التالي = ولا شي فرق في الأعمال والأقوال والعادات |
عسى رب السماء يستر ويصلح ذي على بالي
يجنبها مصايب ذا الزمن وتعدي الازمات عساها تشتفي من باسها بت زيد لهلالي وترجع مثل ماكانت بطي ملكه من الملكات |
اقتباس:
انا مالي بحد الا بمطلاعي ومنزالي=ابيلي معامله زينه مع تخفيف الاجرات وبن عمي يعاملني كما هندي وبنقالي=وطارح لي في الجمرك اوادم مالها ميقات كذا والا كذا من شرهم مسلمت في حالي=ولا استامنت فيهم با يبيعونك ببندل قات |
عبر رف ع مطارحهم خطه بوهم لطوالي
ولكنك تعين وانتبه لاتطيح فالحفرات حفر باتشوفها سدك لقاها شخص محتالي ولاماحذرتها باتقع ضحيه طيبة النيات |
اقتباس:
انا دارس ومتعلم وهرج القيل والقالي=زقلبه دائما خلفي في الجيات والروحات وعدي عا حفرهم والمطب في كل مسيالي=ولكن ذي السنه من حيث ما عديت تفتيشات |
اذا خالي صدر منه ضـــــــــرر ما باه ذا خالي
[فما بالك اذا غيـــــــره تقع لي دايمـــــــا زلات زمن قد لي ونا صابر على ذا الجور ونصالي [فضيله قال ود حسنون دوب الوقت فـي اهات |
اقتباس:
هلا من عند بن حسنون جانا خير مرسالي=بريح المسك ينفح والكلام الزين له نفحات ولكنه يعاني من زمانه جم وشكالي=وفيما قال حسيت الندم والاه والحسرات |
ولد حسنون بايشكي ظروف الوقت طوالي=صبر قل له عسى ها تنجلي في ظرف ساعات وخل الثقل فوق القاع لا تتحمل اثقالي=ولا تحمل هموم الوقت والدنيا لها كزات بعد من صحبة العسكر وحاول ترضي الوالي=ولاة الامر طاعتهم علينا فرض في الايات |
اقتباس:
متى شاف المرض دكتور متخصص بالامصالي=تماثل للشفاء المعلول ذي قبصّنه الحيات انا بشرك باترجع على عرش النقاء العالي=وخايف لفلحت تزعل وتحمس منها الضرات دواه الجرح لا ياخوك لحسة من عسل غالي=ولا ماجاب ع الدافور بارشن وانجح الكيات وبرقه تغير من قابس لبس شيذر ودسمالي=و عداء امس متعمم وغيره يردف الونات وحقه هي ولاهله قد دفع في مهرها غالي=بحربة جدها لا يا علي سّدد في الطعنات |
مشاكل قال بن قطمان في لول وفي التالي=خسرنا القرش والدينار بعده جابو اريالات نزلنا الوادي الريض طلعنا في جبل عالي=عسى رحمه من المولى في النزلات والطلعات فرحنا بالولا ساعة وملينا من الوالي=ولكن ذي يجمهرنا شرد يامسهل الشردات شربنا المر والعلقم ولابانطعم الحالي=ولازم نشرب الببسي ونمضغ من غصون القات |
اقتباس:
وكن خالك لعبك امس متعمد ولا تبالي=مسامح ذي صدر منه وع الحاضر وكل ذي فات
|
يعطيكم العافيه على الابداع المتواصل...وان دل على شي انما يدل على قوة في الشعر والشاعريه الفذه...تحياتي للجميع
|
مساكم الله بالخير اخواني الاعزاء انا اشوف هذا الفصل اخد حقه وزياده فليبدع احد منكم فصل جديد جزاكم الله خير
|
أعتقد أنه حان وقت تغيير الفصل
أخواني الآعزاء لنحاول جميعاً الآبتعاد بقدر المستطاع عن تكرار القوافي |
ليلت ألآنس ليله يامحبي جميله= بنقضيها سوى بين المكلا وسيئون ليلت الصفو لتفوتك وحط الثقيله = عا رواسي سقطرى والمعلاء وميون |
اقتباس:
من تمتع في الدنياء ومتع خليله = يشتهر يا صحابي مثل ليلى ومجنون وانت يا الذيب عارف لك يداتك بخيله = لو معك قرش في المخباه بي موت مدفون |
اقتباس:
قل لعاشور جينا للطرب بالطويله=ريت حداد يضوي لايبيت بدمون بالمغاني وفي الاصوات ماحد مثيله=والهواء والمحبة زل عاشق ومجنون |
اقتباس:
هبت انواد عصريه وثارة مخيله=برقها بين با بحري نشوفه وعضون وانت ياقلب تتونح في الخنشليله=ما معك غير وناتك وفرقاز لعيون |
اقتباس:
الف حياء بذي يوزن وهرجه يكيله = ماشطحبي لحقنا هرج وافي وموزون مات عاشور والسيد وكمن قبيله= شيخها مات لاكنه معذب ومغبون |
اقتباس:
ليلة الصفو ليله ماهي زي ايش ليله=نورها يختلف شارق على كله الكون ليلة الصفو مكسب جم ماهي قليله =من حضرها ينافس في تجارته قارون |
مرحبا مرحبا لايأمير الحليله
يوم لك قدر عندي داخل العين والنون وانت ذكرتني ذيك الليالي الجميله مانساها ولاضني صحابي ينسيون |
اقتباس:
قلت ريضو على شوني معي بو فتيله=شل شاخوف ابو رايد و للذيب مرشون بعض الصوات مثل الريح ذيهي عليله=بعد صب السحابه درها در الامزون |
اقتباس:
ذا مقدّر علي ماشي في اليد حيله = كيف سوي ونا بلقيد ماكن ومرصون لو معي مال باولع براس الذبيله= بس يداتي خليه مامعي رزق قارون |
صوت سيبان ينكش عالصواب الدويله=قصده الذيب واهل العشق يمسون يبكون وان بكى الذيب اهل الخرج ماحد رثيله=بدو ملهم في العشقه كما اهل قيدون |
اقتباس:
أنت سيد معك برهان ومعك حليله = والحبايب يحطوا الضرب مابين لعيون لطلب العون منك من حقول المسيله= هات برميل أولترين أو نص جالون |
ريضو ريضو يهل القرون الجليله=بفتح الباب لي فوقه ثلاثين كيلون اح يابوي عا ارض الغصون الظليله=لي لها زهر ريحه خير من مسك ودخون |
اقتباس:
خل ذولاك هت لي في سقم والغليله =ايش لقوا بطي من شان ذلحين يلقون كل عاشق بلا معشوق الله وكيله =مايحصل من العشقه سوى الذل والهون |
اقتباس:
أصلها تختلف فيها عطاياء جزيله= والهداياء قرنفل ون تباء مسك ودخون والمحبين فيها ينبذون الرذيله= لنقسم ليلهم وذن يقوموا يصلون |
اقتباس:
ضاع كله عليهم شلها بانبيله =بعدما التنصبه راحت على ابن هادون عاقليد الحطب ماليوم والرانجيله=عالدكك والمقاهي تبغ حمي يمزون |
اقتباس:
مثل شاهي المحب ماشي ولا زنجبيله=لي به القلب متولع ولا زال محنون باعزم يا سعيد المشجري با سريله=المسافه بعيده والحرس ما ينامون |
اقتباس:
مامعي غير كي بوردي اليكم وسيله=وينهم بدوا هام الطيرذا الليل يمسون ان تبا نصف وان تبغا القرون الجليله=باتبيت وزقرانك بذا الليل تشوون |
اقتباس:
الف حياء بذي بنه وذي زنجبيله= يطلع الكيف ماهو كيف رشبه وغليون من تعناء لمضنونه وجاء عا رجيله= بايسويه قرصه لي يحبه وكالون |
اقتباس:
من خلص في المحبه ما ستارت رجيله =كأنه الا مقيد قيد ماكن ومرصون والمحبه تعب عد شي طرق او سيله=للمحبه نبا دستور كامل وقانون |
اقتباس:
والدبغ في المساجد ع المنابر زقيله=شفت حراث يقراءبالقلم ماذكر نون والفتن كل شاوي شل فيها صميله=والدكك والمطابخ حقكم ورث مضمون |
اقتباس:
نيته للمكلا شله البحر نشطون يمكن انه تعجل والمراحل طويله والمسافه الطويله حقها جيب صالون |
اقتباس:
لنقسم ليلك الدامس لزوماً تجيله = خل موترك مادام المواتر يحنون سر بشويش في الصيقه ومر في الغليله= وانتبه من كلاب البدو ذيهم ينبحون |
اقتباس:
شل قلبي ودبر بو العيون الكحيله= لا عطاني عناوينه ولا رقم تلفون ما رحمني يباني موت واصبح قتيله=مر جنبي ونا مصوب وفي القلب مطعون |
اقتباس:
غايت الشخص شفها ياعمر والوسيله = كلمت الود لاجاته من إنسان مزيون وأنت طمّاع في قوته وفي سلسبيله= خاف منك عباد الله يشفهم يخافون |
بينا بعد الصلاه
|
| الساعة الآن 12:49 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir