وين الجعيدي وين بو ضبعان=وين الحبائب راس مالي
وين البقيه خيرة الرميان=فرساننا يوم النزالي

باتيس ينزح غرب مليان=في البير بيشدعا الحبالي
لاوالنبي باقول خسران=ذي هو قبض عاحبل بالي
ماحد من الشعار كسبان=غير الذي هو وسط بالي
باتيس له همه وايضاًشأن=ماحد مثيله زين الافعالي
ينشد ويتخبر فين أفلان=يسأل على كل الرجالي
باعدبه صمصوم فهمان= شاجع من الشجعان الابطالي
قال الذي هو بات زعلان=ياريتني في سعفكم سالي
بسقيكم الشاهي بفنجان=يأهل الشراقي والقبالي

سلام مني على الحلان=عد ايام السنه والليالي
وسلام عد ماسالت الوديان= وارتوى سبيها والطوالي
وعد ماصلى حبيبنا العدنان=وعدصرف السعودي بالريالي
وعد ذرات رمل الاوطان= وعد ما فكر في الجنه خيالي
والعفو ان شي زلة لسان= وهي تكثر من واحد امثالي
على الشعر مضيف وجوعان=واهل السقيفه اهلي وناسي
بو راضي يامكرم الضيفان=ظابط في الفرقه ورتبته نعماني
وان قصرت وصفك انا انسان= مايكمل بشر لله الكمالي

تخيلته مللك طلعلي جان=وخاب فيه ظني والخيالي
جيته وانا ضامي وعطشان=وبغيت شربه هنيه زلالي
لكن الظاهر ان الوقت قد حان=وبايغيب ضوه قبل الزوالي

يامرحباء به فارس الفرسان=ذي هو شرب صافي زلالي
جنرالنا ذي يقهر الميدان=فارس كما ولد الهلالي

جوب علي بعد الهجر والحرمان=وفرحتي اليوم زلت روس الجالي
ياقائد الفرقه وين العيلمان=وين الميازر تهيضني قروح الطوالي
يالله بعوده قريبه لماضي زمان=دي روح وخلاني وحدي لحالي
مامعي غير هاجسي الولهان=واصبحت مضيع في خلاء خالي
لكن بسأل ربي عظيم الشأن=يستر ويلطف بعبده في اول وتالي

ابديت بك ياخالق الانسان= يامرسي الطود الجبالي
يا فرد يا معبود يا منان= يا عالماً بلّي ببالي
انته رجايا ساعة الميزان=ساعة موازين العمالي
با ندخل الساحة مع الفرسان=لي يقودها خير الرجالي
باتيس لي عزه ولي له شان = ما بانبدل به بدالي
شاعر مأدب فصيح السان = مقدام ما يهاب الليالي

اذكرتلي فارس لزمان=دي قدره عندنا عالي
ونسيت ربعه واهله ولخوان=دي هم يشلون الثقالي
صرفت قرش من جيب مليان=واتركت الدراهم والريالي

حياء وسهلاء بالنسيب الزين=يامرحبا بالعوبثاني
مولى الشهامه والشرف والدين=يامرحبا به يوم جاني
بالقيه في داخل صبي العين=على خزاء حاسد وشاني
مايكسب الا خرج بو مقصين=والكنش قوت العيلماني

ماقدر على فرقتك والبين=ع دعوتك قد جيت عاني
في داخل القلب والعين=ياصحبي بيتك والمكاني
لاترطن علي جاوي وصين=واللوم على تالي زماني
تحسب لنفسك شاعر فطين=والناس حد اول وثاني

يامرحبا بك ياصبي العين=موقعك في في داخل عياني
منك عرفنا الشرع والتسنين=كلك وفاء ياوعل حاني

مرحبا بالقول من شاعر فطين=يحكم كلامه والمعاني
منك عرفنا كل سالف زين=محفوظ من حاسد وشاني
غلطان طالب شرعكم والدين=وانته الحكم ياوعل حاني
ردوا علي ياهل الشروع الوافيين=بالقول محكوم المعاني

حيى وسهلا وبك الفين = لاعدنا قد جيت عاني
بيتك وارضك بوادي العين = اهل الكرم من زماني
جبت الوعل حاني القرنين = ودمة في الارض قاني
انت ضيفي ولو القفين = من ربعك باتبذل يماني
واجب علينا ومن ذلعين = باعز ضيفي لاقد ضواني

سلام مني لاهل وادي العين= اهل السيوف الصارمه والهندواني
من عند سبع الليل له يومين= بيدير فكره في المعاني

بارح تلولاء منبع النهرين=منه شربنا شرب هاني
دم العلوج وصّل الي البحرين=واللحم وصّل لا عماني
قطع علوج الكفر بالسكين=ريته كتب له عمر ثاني
للاه دره حاني القرنين=حامي دياره والمباني

الرسالة الأصلية كتبت بواسطة طالب باتيس النعماني بارح تلولاء منبع النهرين=منه شربنا شرب هاني دم العلوج وصّل الي البحرين=واللحم وصّل لا عماني قطع علوج الكفر بالسكين=ريته كتب له عمر ثاني للاه دره حاني القرنين=حامي دياره والمباني

يابن حسن حتى طلبت العين=لك تفداك دي قولك رواني
مايستوي اصلي مع تقليد صين=والقول في قصده والمعاني
انت المغنى وصاحب التلحين=والعز من غيرك هواني
ماتقطع العيدان في اللحم السمين=ماعزه الا بالحديد الهندواني

الفين يا حيا رحب الفين = باهل الفكر واهل المعاني
لي يعشقون الكنش بو سطرين =كسب السلاب العيلماني
في جبركم بااكلف القدمين= باجيب داعي من دعاني
لا شهر يكفيني ولا شهرين = في سعفكم يااهل الغواني

ذا فصل باوجه رساله عاجله=لاعندهم لي ينظمون القافيه
واعسا نذكرها القلوب الغافله=من شان نمسي والخواطر صافيه
واليوم باهني لكم والقابله=بالعيد عيد الخير عيد العافيه
يابخت كل من سار سعف القافله=وامشى قداء مكه ورجله حافيه

قم ياهاجسي شل الحمول الجايره=واحذر من الزلات هي والعاثره
لاتعتذر وسط الذياب العاويه=دي هم يحطون المكاوي حاميه
اهل السلى اهل القلوب الساليه=مايقنصوا غير الوعول الحانيه
والنفس تتمنى ولاهي عارفه=ان الزمن غدار ماله عاقبه
لاتحسب الدنيا تراها فانيه=والعارف الفاطن يعد للاخره
يالله عسى سترك وحست الخاتمه=والطف بنا في لاوله والتاليه
ويابخت من حل الجنان العاليه=يشبع نطر وسط النهار الجاريه

الرسالة الأصلية كتبت بواسطة طالب باتيس النعماني ذا فصل باوجه رساله عاجله=لاعندهم لي ينظمون القافيه واعسا نذكرها القلوب الغافله=من شان نمسي والخواطر صافيه واليوم باهني لكم والقابله=بالعيد عيد الخير عيد العافيه يابخت كل من سار سعف القافله=وامشى قداء مكه ورجله حافيه

وصلت رسالتكم مثيل الحافله=ماشي خلل فيها رساله وافيه
ذكرتنا بالفرض هو والنافله=ومأكده نفسي ولاهي نافيه
يابن حسن عندي حليله جافله=تبرد وخلق الله تمسي دافيه

حيا وسهلا بالهروج الكاملة =من عند لي ما شفت عينه غافية
لي مابدا خلا بيوته هامله= يعرف يحط الحرف وسط القافية

ذا فصل والثاني لمكة جو أمم= حد من هناء جاهاء وحد جاء من هناك
من كل حدّب وصوب جوا يا بالكرم=لي يرتجي عفوك ولي يطلب رضاك
مقصودهم في البيت نظره والحرم=ما قصدهم شي غير لحظة في حماك
في يوم لا ظل غير ظل طب الألم=كلن بغاء الرحمة تجي له من قداك
يابخت من حقق مراده واغتنم=فرصة وجاه العفو من عالي سماك
يا صورة الشيطان لي مثل الصنم=بفرح إذا كل حاج بالحجرة رماك
وآخر كلامي يا الرسول المحترم=بذّكُرك يأمن ع البشر ربي اصطفاك
يا خير خلق الله لا جف القلم=يالله عسانا كلنا نحشر معاك

يامرحبا ذي هو يسطرها حكم=يامنتدى الشعار رحب من ضواك
قل للجعيدي لي على القافي نظم=لا ماكفتك الارض بطلعك السماك
يامرحبا بك الف يارجل الهمم=حكمت في المبناء ويامحسن بناك
واحنا على مبناك بالحط القدم=من حيث مابتسير بالمشي وراك
عندي ميه من ذي يوفون الكلم=مايحسبون الموت في يوم الهلاك
الرعد والساده رجاجيل الكرم=والجنرال الشهم بايلبي دعاك
والسبع بايحضر وبوعنتر قدم=في ساحة الميدان لاخصمك نواك
وبايجي فحتوت في وقت اللزم=يصهل مع شرهوت في الشده معاك
ذولاء رجاجيل السقيفه كلهم=لاجيتهم عطشان بايطفوا ضماك

حيى وسهلا لي جانا عل القدم = بالرجل يدحق على الرمضى والشواك
بذبح عجل باعشية ولا كبسة لخم = تستاهل العز والناموس واول رضاك
معاكم ياجماعة يد وحدة لانهم = خلفك يالجعيدي والجماعة كلهم معاك
يالله عسانا نلتقي نطلبك يابالكرم = تجمعنا سوى وذاك يقرب عند ذاك
لعنبوش من غربة ويادنياء الندم = تعبناء من الغربة وفي الغربة الهلاك
ربع قرن في الغربة وماذحين شوناثرم= واليوم شيبة شليت المطاحن واكال عل حناك
لاقد تنكد هاجسي فلي جنبي لطم = وبليس قدامي ويقول بيتك وارضك هناك
برضيك يبليس وسنه هذة باعزم = بانخرج زياره للوطن ويالله نطلب رضاك

الجيش قدامك يلوح بالعلم=يابو عمر والضيف في دارك ضواك
يامكرم الضيفان ياشيخ الكرم=اسمك علاء فوق الثرياء والسماك
لوهي بخيرتنا نباء قربك نعم=ولعاد بابدل بحد ثاني سواك
ولا بغيت المفتريه والظلم=لي باعوا الامه بربيه ولاك
الجافله حنت ومولاها قسم=بالله لايدخل نهار الاشتباك
الخوف في قلبه يسبب له الم=فزعان لانه بينهم قام اشتراك
من بربره جابوا لنا جملة خدم=اربع ميه مامنهم واحد فداك
ولا لهم كلمه ولا يوفوا الذمم=يارب تهلكهم من الدنيا هلاك

الزانعة تخلف بهاعلة اوفيهاجذم = ونا باسن سيفي وبمشى والله وراك
كل من توكل على ربة بايفتك نعم = في جيش الصليبي وبايلقي فتاك
الصيعري بيح في البصرة وفك الغنم = وخلا الرعيان ترعى ولافكر في سواك
لاكن رجال الموت قامت وقتلة فالضلم = ولي هرب خيفان من شدة لشتباك
الجهاد اليوم يالله ويامؤمن عزم = توكل على ربك ان كنت صادك وربك هداك
ماتنفع الحسرات ذاك اليوم يوم الندم= في الرمادي يذبحون الكبش بين الثرياوالسماك

الحصن لي كله مشاويف أنهدم=واللي هدم يا لحصن ساسك ما بناك
خلوك تتهدم قليلين الذمم=ولعاد حد لباء وعا داعيك جاك
وأنا الذي حاسبك ع حيد النّشم=مبني ولا ظن يوم با يسقط حصاك
يا معدن الجودات خو هو وابن عم=خلوك وحدك في ميادين الهلاك
في ساعة الشده غدو مثل الغنم=والضان لي قامت تعكر صفو ماك
يهوين في يهوين يا ذيب الرّهم=با سبابهم ثعلب في العرّقه حجاك
لي لادعيته صوت لك جوّب نعم=باعك بسعر أدنى واقل من مشتراك
يا حاملاً سيف العروبة والعلم=المكر ضدك والحيل كانت تحاك
لو ما مشينا قّدُم واللين زّتم=كل يوم واحد با يجي دوره كماك
بالميم طاء طردوّه من وادي حمم=مولا الشفر والكابرس والبنتياك
خلوا تراب الأرض يروا ماء ودم=لما يعانق عطره الطّيب نداك
يا أهل الشروع الوافية وأهل القيّم=قولوا لكل من هو بطل نحن وراك
ربي يسمح له طريقه من عزم=يسرح يجاهد ذا من الأعداء وذاك
حنّو عليهم بالقرض هو والسلم =وألا بشوحط قال بوسالم وراك
وآخر كلامي عا لعدو بالله سمّ= تتحقق آمالك ويتحقق رجاك
خصمي وخصمك ذا السنة لو ماسلم= من قبل يتغدا بنا خلّه عشاك

الرسالة الأصلية كتبت بواسطة عبدالله الجعيدي 0 مشاركة مستعجلة ارجوا ان تنال الاعجاب 0 0 الحصن لي كله مشاويف أنهدم=واللي هدم يا لحصن ساسك ما بناك خلوك تتهدم قليلين الذمم=ولعاد حد لباء وعا داعيك جاك وأنا الذي حاسبك ع حيد النّشم=مبني ولا ظن يوم با يسقط حصاك يا معدن الجودات خو هو وابن عم=خلوك وحدك في ميادين الهلاك في ساعة الشده غدو مثل الغنم=والضان لي قامت تعكر صفو ماك يهوين في يهوين يا ذيب الرّهم=با سبابهم ثعلب في العرّقه حجاك لي لادعيته صوت لك جوّب نعم=باعك بسعر أدنى واقل من مشتراك يا حاملاً سيف العروبة والعلم=المكر ضدك والحيل كانت تحاك لو ما مشينا قّدُم واللين زّتم=كل يوم واحد با يجي دوره كماك بالميم طاء طردوّه من وادي حمم=مولا الشفر والكابرس والبنتياك خلوا تراب الأرض يروا ماء ودم=لما يعانق عطره الطّيب نداك يا أهل الشروع الوافية وأهل القيّم=قولوا لكل من هو بطل نحن وراك ربي يسمح له طريقه من عزم=يسرح يجاهد ذا من الأعداء وذاك حنّو عليهم بالقرض هو والسلم =وألا بشوحط قال بوسالم وراك وآخر كلامي عا لعدو بالله سمّ= تتحقق آمالك ويتحقق رجاك خصمي وخصمك ذا السنة لو ماسلم= من قبل يتغدا بنا خلّه عشاك 0

يامرحبا بك الف ياذيب الرهم=يابن الجعيدي جودت تسلم لي يداك
ماباك تشكي لي وتبكي لي بدم=ماظن هذا اليوم باينفع بكاك
شفني حلمت الذيب مثنات الغنم=عداء على راس السمينه والركاك
ياريت خلاء راس ياصاحب سلم=من شان لاقد جيتني حطه عشاك