|
اقتباس:
يابن حمد مرحيب وحي القول دي يعجب درر = في الغوص لك خبره تجيب اللول من وسط البحار لكن معك دعوه ولك مفهوم واضح والفكر = تاتي لها معنا وحسن القول للناس الكبار يشكي سهر ليله ومن همه يجر الليل جر = لابي ولابك بخص غير الجار عليه الوقت جار |
اقتباس:
عاحصن بني مره عدد مليون امكرر وكر = من سمح له تقدير حصن الجود والناس الخيار لاتشغلك دنياك وخل الامر لقادر مقتدر = واسال على صحبك من فضلك اذا مريت مار اما الهدف عامض عليك اليوم ولكن ماقصر = الضرب من بلجيك له رده ومعروف العيار |
المعذره وقت الدوام داهمني ساقوم بالرد على باقي المشاركات في المساء ان شاء الله |
جات القوافي قال بوزايد تسر الحال سر=مثل الذهب من صاحبي و احد وعشرين العيار له صيت في البحرين ويضا صيت في دولة قطر=مايعشق الهطفى و عشقه في الفلنطات القصار |
اقتباس:
يالي كلامك من جبوح النوب ما قد يوم قر=عطنى وزدنا من حلا حالي ندور له دوار بعد التعب والبهذله وايام في جزر القمر=قضيتها في خوف واشمئزاز وانشد ايش سار دقت نواقيس الخطوره بعد ماقصو اثر=ان السفينه ملغمه والوضع قارب الانفجار وان التجاذب بين طا قمها على الامر الامر=قد صابهم منه توتر لا حدود الانهيار وان تمت الحاله كذاوالبحر واصل واستمر=موجه قفى موجه معدشي عذر من دار القرار لا صبحت الغبه ملانه بالقواقر والسفر=عد انها غرقة بمن فيها الصغير والكبار |
اقتباس:
أمــــــر السفينــــــة شوفوا سفينة نوح تتمرجح وسَـط غبّـة قمر وأدقالها متفايطه وشـْــراعها موخذ شتار *** والموج يعلوها وخوفي خوف ما يبقى أثر منها ... خصوصا إنـّــها قد خرّقوها مية فار *** ذي ما يشوف الحق يا أعمىوإلاّ هوجَـهَـر أبليس هو... واجب علينا نرجمه رجم الجمار محمد بن مخــاشــن |
اقتباس:
ما با يفيد الرجم لاما شفت كل شاخوف حر=ما بيتنازلك جحا بالسهل من فوق الحمار راكب وملقي رجل عا لخرى وواضح في الصور=انه بيده الامر في الدهن الذي هو في الصمار ويقول مابخرج وعد قطره معك يابا نخر=من دي في البطه وفي القاعه ومن تحت البحار ما با خرج الا الى حنت علي امات جر=وتبدل الواقع وجتني قنبله ورصاص حار |
خرج ذا فصل ما ذلحين حل حله=بغينا هرج حالي في العنب والتين من افراق المحب واهل الوطن كله= كفى ياعين قال الذيب لاتبكين قريب الملتقى في القصر والفله=ودار العرض لي عاشارع الستين |
اقتباس:
|
اقتباس:
وينكم الليله |
اقتباس:
حد موجود والا بن روح |
تجمل يالمعنى لاعمر قله = معادشي زين في الشعبه ولا الرضحين محبك لولي مخلوق قدشله = صبح يلعب معه في صرحة الحجلين |
اقتباس:
فارس يجيد الحرب في الميدان خيله ماعثر = هو مطلع فاهم ظروف الوقت وتغيير المسار في القول والشاعر انا ياخوك لي وجهة نظر = لك قول حيرني تجيد الشعر بحنكه واقتدار حديتني عالنوف وعالاخطار ومطلاع الوعر = بشرف على خيله وعاليسر وقيدون المزار يصعب على القناص وذا وادي سيله ماعتبر = ماباقدم عالموت وباناظر سيوله والمطار بنشد على المعمور عسا نلقاه ويطيب السمر = عالدان بانسمر سلام الفين عاذيك الديار |
اقتباس:
له واجب التنصيب بابوزايد ومثله نفتخر = هذه تهانينا لمشرفنا وجانا العلم سار لا ياعلم رفف على ردفان وعاروس القور = تستاهل التشريف ابو زايد وزود الاعتبار |
اقتباس:
اقتباس:
حمد مغلول لما زاد به غله=ولا شاف القمر بن واحد وعشرين علي وعلى المحب ركز في الحمله=وقال الفرس جو وحتلو افلسطين ولا له شي في المقلع ولا النحله=قداي الجرب كله والحصى والطين وكن الشيخ لي يوزن بلا قفله=حسبها كلها حبحب على السكين |
عاد الدعاء ينفع يقولون الدعاء رد القدر =بقدرة المولى 00 بلا قدرته ماشي إقتدار يالله تصلح حزبناواصلح صحاب المؤتمر= لايزبقون الوضع ويزيدالتعنت في الشوار ياريتهم يقرون للفاروق سيدنا عمر = يومه عدل بالعدل قد حقق مكاسب وانتصار اسوه في الفاروق ذي صورلنااجمل صور=في عالم المليار مامثله يجدحد0 بإختصار |
اقتباس:
تخير شل شي منه وشي خله =يجي له وقت لامابيصلح ذلحين حبوب التين قدها داخل السله = وعنقود العنب روح على المسكين ومن حب الجزائر ؟مثل بن بله = وحب القدس زيما حب صلاح الدين |
اقتباس:
ومن حب زي ما حب عنتر وعبله=وليلى وقيس فتحو معهد امحبين وكانو رمز للعشاق ما مثله=بهم بضرب مثل عشقي ليوم الدين وعشقي للمحب والحيه واهله=ابد ماشي يهزه مثل سور الصين وكل من قد ذكره المطلع قبله=اراهم في الهوى والعشق اميين |
صحابك ياعمرفي العود والحله = على كل صوت بيغنوا بلا تلحين شكوا عندي عرب يالذيب من دله = ولكني حمد بالقنه تلقين |
اقتباس:
على ذا الصوت باشل قسمة المُله = وبفتح كل ملفات الهوا الحلوين وبرسل هاجسي المشتاق للطله = يطمني على ذاك المليح الزين ابو الشامات والهامات معتدله = ابو الخامات لصليه كحيل العين يبلغ له تحية شوق ويقله = بأني في بعاده عايش إبنارين وذكره ما يفارق خاطري لِلِـه = خياله مستقر في العمق منذ سنين احبه حب لا بعده ولا قبله = محبه صادقه ما تعرف التخوين ومهما صار لايمكن انا مله = ولا يمكن يخرب كيفي التخمين بضل اعشق واحب لو جاتني عله = ولو كثرت فتن حساّد ومجانين إلاهي نجتمع واكون له ظله = وعسى كل من سمع قولي يقول آمين
سرى بالشيك بو هاني مع الغله=وامم كل شي والقى كما لينين سرى بالوصف والماصوف عاغفله=ولكن المخفا لي معه با يبين منكد بي نكد لا جيت باتوله=وصفلي في محبه لي سكن حطين |
اقتباس:
محبه تختلف والحب من اصله = خطاء مادام ماله حكم وقوانين وذي حبوا محبة خاتم ودبله =محبتهم خطاء يالذيب ومجانين إذا حسبوا لرأس المال والغله =خساره واضحه في الحال خسرانين كما مجنون ليلى راح في وهله =ضحية حب خاسر راح يامسيكين |
اقتباس:
ولكنه صدق في العهد والنقله=واسس درب واضح ليه محتاجين وما ذي قلتهم شلتهم النفله=وحد لاجي وحد مدفون في فلسطين قبض في الزين واما العيف له شله=كما شارون ومناحيم بن بيجين ترى لي تعدهم يالمطلع قتله=ولا واحد صدق عشرين كذابين |
فصل جديد يا شباب
|
اقتباس:
محبتهم خطاء يالذيـب ومجانيـن!!!!!!!!!! بدون العشق عيشتنا ترى ضحله ومن لا يعشق الزينات ما له دين *** محبّـه ربّـنـا ... والحب لي ملـّــه ومن لا حب هو هتلر أو إستالين محمد بن مخــاشــن |
اقتباس:
بس بغينا فصل جديد |
معد لي نفس في شي غير نظره في محبيني=بها يمكن تعود الروح لي من بعد ما اعتليت ولا شفت المحب وسمعة هرجه لي يغذيني=تجي والا تهب دنيا ندم من بعد ما تغذيت |
اقتباس:
وبوزيد الهلالي لالبس شمله =يضل بوزيد وإنه لابس صوارين وبن داؤؤد منه خافت النمله=وعاملها ببسمه صادقه وبلين ولاتبى صوت ثاني انت هت فصله =فصل يالذيب ذلحين السمر بيزين |
اقتباس:
|
اقتباس:
صبر يالذيب وتصبر وقل يالله توديني =ولاقد قلتها من طيب خاطر صلت لامابغيت وناعارفك تبغي باتصل لاريدت الديني=ووادي عمد او وادي عمر لاعادك اتوطيت ونا قلبي يحم يالذيب شفني عامعاييني=وذاك المال ذي منه مواسم باصرب لاذريت |
اقتباس:
انا يالذيب مبغيتك تسولف لي تحازيني=في اعلوم الهوى ياصاحبي قزيتها مليت من اسباب الذي كنت اذكره كل حين ناسيني=ومعطيني اذن صقعاء ولا يسمع اذا ناديت ياليته مثل معطيته ظنيني ربع يعطيني =ولكن للاسف ياليتني معشقت او حبيت |
اقتباس:
غريب النطق ذا اوحيه بعض احيان يحفيني=ولكنه على معنى وعا ترتوب ما اهتميت مصيبه لا دخل واحد وحط اصبعه في عيني=كذا ظاهر بظاهر يرتفع ضغطي ولوتعاميت |
اقتباس:
اخاف انك تجرجرني الى موضوع ياذيني=ونا مبغيت بعض الهرج لي يتعب الى زليت عيال ابليس تتنصت علي وعليك للصيني=ونا خائف وانته ترتقل قد لك سنه في البيت |
اقتباس:
بغيتك تعترف بالصدق لي ذلحين تعطيني =تفاسيرك لسيره في الهوى منها بطي عانيت وما يعنيك في الموضوع نفس الوقت يعنيني=لأن سيرتي من سيرتك في نفس المسار مشيت |
اقتباس:
انا ماحد مشى مشيتي قلدت السلاطيني=وذلا الوقت عاكسني والا هوهنا حليت شجر خضراء وكم بستان لي كانت بساتيني=ثنعشر او ثلاث تعشر تلا فاء منها مبغيت وعاد اشياء خطيره لو حكيلك باتعاشيني=وانته لا تقل ملقيت شي ياما زمان القيت |
اقتباس:
كلام يالمخشني قمه بس بغينا فصل جديد (( عمر الذيب )) ــــــــــــــــــــــــــــــــــــــــــــــــــ ــــــــــــــــــــــــــ خرجت قبل أن أرى ملحوظتك وعدت الآن وسأرمي ببيتين من باب إثبات المرور وإلاّ فأنا مشغول بالمسابقة حبيب القلب حطـّـيته وخبّـيته وسَط عيني ويطرأ دوب عا الخاطر ولو حتى أنا صلـّــيت *** وقربه بلسم الأرواح من كل هم يشفيني تقر عيني وتتطمّـن إذا يمّـه أنا شطـّــيت محمد بن مخــاشــن |
اقتباس:
ابد ماجرجرك ياصاحبي بس انت وديني=قسم بالله مفرح فيك ياذيبان لستاذيت ولاحد بيدخل ف الهرج مابينك ومابيني= ولكنك حذر لا لا تجيب النار جنب الزيت |
عشقتك يامحب قلبي ونظره فيك تكفيني=وتلقاني بجنبك في ثواني يالمحب لا دعيت وطيفك لو يمر في كل ليله بايسلّيني=وبنسى الهم كله من عيونك ذايعات الصيت |
اقتباس:
على طلي الغصيني ياعمر سنيت سكيني =وحطيت الحطب والشاع في المضباه له ولعيت سمين الطلي لاكلت الربع بالضبط يكفيني= ولك منه ربع باعطيك لاقد عدك ماتعشيت ونا مابغيت شي منك فقط ودي تخاويني = اذا ولعت في المضباه بس دورك تصب الزيت |
المشاركات تطلع الآسماء فقط
هل هناك عطل أوعندي فقط |
اقتباس:
كلام العشق هذا لاسمعته بايبكيني =ونا ماطول عمري ذاكر اني عالحبيب ابكيت العفو لا اقصد الموت الأبدي والحياه والممات لايقدر عليها الا الله وامرها عنده سبحانه وتعالى ولكن المقصود والمعنى في بطن الشاعرولكن العواطف قتل تقتلني وتحييني =وقبل قليل ميت كنت لكن توني احييت |
| الساعة الآن 12:41 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir