بن مخاشن يباء يدخل من الباب لوسع=لكن السبع ملقي له نصب عالركوني
تم مكانك محمد لا تقفّز وتربع=بن علي قد قفز لما وقع في الرصوني
وانت حذرك تقع مثله تكابر وتطمع= عاد الاثار خضراء في الخطم والقطوني

ذا خرج فصل شو كلين يشتان شانه =لاصفوف الزمل يقدم بهمه قويه
بعد ماكان عبد العال حاكم زمانه = جار وقته ولا حصل على ماهويه

كيف باقول والخاين بيدّه لمانه=مايجي بالسوى ولا دروبه سوية
ماتمسك على الملة وخان الديانه=يوم سرحان من ظلمه يواصل عوية

مابظني يعود الصنقري لا مكانه=سحبوا الفرش من تحت الولد والبنيه
وامهم في خلاء خالي وتمسي ضمانه=وكل ماصابها من جور فعله رديه

روّح الصنقري لماتخرب كيانه=ريت لي بايجي بعده على طيب نيّه
باقي الهيج ماكن يالسبع في رصانه=والله انّه معه قدره وهمه قويه

شفت فلتان مقبل لامضارب فلانه=بايعدّل وهي قدها تشوف المطيّه
ياصلاة البلا ذا زوج عدّا زمانه=لاتردونها مادامت النامسيّه

قال بداع في ذا الوقت غاب التراحم = كل تاجر نسي ربه وضيع ظميره
دام قانوننا يمنع لغيره يزاحم = هاتواالحل يالشعار ياهل البصيره

انت صارم ونا صارم وهذاك صارم=والصغيرة صغيرة والكبيرة كبيرة
لاتغرم بنا ضاعت علينا الدراهم=سيرة المولعي للقات ياخس سيرة