فصل جديد لو سمحتو=
هذا القدع بيجنن القدعان=ماحد قدر يلوي ذراعه
زنده قوي قاسي ولبعد لان=شاجع نمت فيه الشجاعه

فصل جديد لو سمحتو=
هذا القدع بيجنن القدعان=ماحد قدر يلوي ذراعه
زنده قوي قاسي ولبعد لان=شاجع نمت فيه الشجاعه

صبرك شوي عا غضبة البركان=با ينفجر في طَين ساعه
ذي شفته ألاّ نفحة الدّخان=عاد الحِمَم تغلي بقاعه

ابشر

يامرحبا في زمرة الشعار = اهل التقدم والحظاره
اهل الجنوب الصامد المغوار = تاريخهم راس الصداره
والمشكله حسني مع غوار = قدهم يرشون المداره
بايطرحو بارودها عالنار = وان حد سلم فبطه شراره

حيا وسهلا بلكلام الحار= من عند شاعر له قراره
هاجس معه ملقي قمر دوار=وحنا بلمشي في مداره
والمشكله متخالفه لشوار=بين الذيب هم والنماره
يعوون ف الغابه وخلف اسوار= والليل يضون المغاره

ياهل الهواء دقو على لوتار= باقوم باسجل عبارة
السيل قد حوط بساس الدار=والكل يرزح فالمدارة
مابى على اهلي ولا عالجار=مابى على ساس العمارة

راسي غلب ياحر يبن احار=والجار دايم جنب جاره
لازم بلخلط ليلها ونهار=بتجيك من عندي اشاره

دمي من العشرة شفة قد فار=والجوف ماتطفى نيارة
ولعاد باتحسف على ما سار=ولعاد بدحق في مسارة
باشل حملي مانهم لسفار=في فايدة ولا خسارة

لاعاد تتحسف على ماسار = الخط بالغير مساره
الحلو بالخلطه هو والقار = والشعب قد قرر قراره
لبغى حكومة تقطب المسمار = من تبرعة لمى سماره
تامنك في دارك وفي لسفار = من دون بندق او سياره

القاز عندي والحطم والنار=لاضقت باولع نيارة
سعفي نشاما ماتجي فالعار=اشبال واعيال النمارة
حيابكم مليون يالشعار=ياهل المعزة والوقارة
الجيد لة عزة وله مقدار=والنذل لة مني شرارة

جينالكم لاياصحاب الدار = ماحد يفرط قي دياره
لاجيت باعدي على الدوار= ظهرت لنا بعده اشاره

يعطيكم العافيه جميعا
ومشكورين على الترحيب

شفت الحريري هو ويا بشار = مابينهم عليا وشاره
والكوس بحري والمطر مطار = يمكن يقع موسم خساره
والجو لانه ذا اليالي حار = بايعصر ابن أدم عصاره
وولد باقطمي وبا لشوار = كلن تمسك في قراره

مرحيب يالهاجس لبا مشوار = لاعند بو صالح لداره
باندرس الاوضاع في الامصار = عندي لبو صالح بشاره
إعصار بايعبر بدون امطار = ماشفت للماطر إشاره
الدار باتبقى لنا هي دار = واللي ذهب غابت نياره

يامرحبا بالشاعر المغوار = مجلسك عندي في الصداره
ياعم يسلم شفت ذي قد صار = القايد اخطى في قراره
باع الاصيله بلا سمسار = والمشتري حدد خياره
جهز ورتب وشب النار = وحط على البوري جماره

ماشفت بارق من قداهم ثار = فرّق تسد هذا شعاره
يابن الجنوبي ذي عليك البار = تاريخكم كله إثاره
لاصحت فيكم كلكم احرار = يالحر يالوافي لداره
لما متى نصبر على من جار = والليل مابيّن نهاره

ياهاجسي لازم تقود القوم= بعطيك لك رتبة ملازم
يابن مخاشن لايجيك النوم =لبغاك ف الحفه تاسهم

جيب العمودي فات في افريقيا = ذي فوتوه رجال من داهومي
أما السياسه جات من بندر عدن = من عند باهارون والبيومي

جيب العمودي فات في افريقيا = ذي فوتوه رجال من داهومي
أما السياسه جات من بندر عدن = من عند باهارون والبيومي

ثورة الشعب مثل الشمس عالحيد تشرق=كل واحد يفك االقيد من عظم ساقه
واليمن شعبها مهما لاحمر يصفق=بايجي يوم بالقوه يشدوا وثاقه