|
|
اقتباس:
عندك دواسر ونا لي دواسر منيبه = وهديرها يستمع لا اهدرت نابي ومن الثقل مايقرقر في العقاب منيب= وان كان قرقر بها ياخيبة الخيبه=اسرار باتنكشف للناس ومخابي وفي الجمال الدواسر ظننا بيخيب= |
حلفت فالقرن بوقرنين ماصيبه=باامن العيلماني قبل ينصابي وبعضهم عالهدف والله ولا بيصيب= وذي مغطاء مغطاء كيف بدريبه=لابا دريبه ولا ضنه بيدرابي وشف كلف العسكري في حصة التدريب= |
اقتباس:
وقّفت موترك في طلعه ومحنيبه=وش جاك تطلع طرق عيفه ومحنابي وش با يطلعك يالزيزو من المحناب= لو كان سايق غبي وش باتلقيبه=من قبل ساعه غثر حالي ولقابي اشيا كثيره وحتى جاب لي للقاب= |
اقتباس:
آنست يالطيب الغالي من الغيبه=هرجك قبل دوب ماتهرج في غيابي واعساك ماتنقطع عني ولاباتغيب= بعض الزوازوبسرعه بان تعطيبه=وبعضها زين ويسموه بوطابي والنوع ذا مايجيه العيب والتعطيب= |
اقتباس:
لاقدك رامي بغينا ضرب تصويبه =صوّب على الوعل من فضلك توصابي بامتع العين في هقبتك والتصويب= وعل الجبل مابغى مكبن وتنصيبه=لأنه قور ماهو متخلبس ونصابي يستقبل الضرب في نحره وحض يانصيب= |
اعذروني البارح عصلجت النت عندي على قول بن مخاشن ولعاد استطعت اتواصل معكم
|
ملاحظه اخواني الكرام
هناك تقليد ربما في الدان تجد الواحد يتحرى على القافيه وتكرارها فلا شك ان التكرار من الشاعر غير مطلوب وربما يعتبروه افلاس او ضعف ولكن في صفحة النت يحصل هذا كثير لظروف خارجه عن الأراده وتكرارالقافيه في الفصل الذي بايغني عليه المغني الذي هو بهذا الصدد اما الفصل السابق قدتتكرركتلميح بأنه رد او جواب للشاعرالسابق فتدخل الكلمات وتتكررمع تغيير هيئتها او موقعها وهذا اعتقد محمود وقد نفس الشاعر يكرر قافيه له شخصيا وهذا مايقع فيه اخوكم نفسه لضعف الذاكره وهذا من باب التنويه |
اقتباس:
البارحة جوني ضيوف وفاتت علينا السّمرة ولو قال لي إبني ( يا شيبه ) لقلت له:
ونا با قول إنشد أمّك الثـِّــيبه=وما ذا اليوم مقدر إلبس إثيابي وقدنا ألاّ كماها يا وليدي ثيب= ولكنـّـي أبد ما جيت في عيبه=تراني يا بني ما نيش عيّابي وفضـِّــل موت ما أقرب قريب العيب= |
اقتباس:
أخي آل هشامي ... أقدّر شجاعتك الأدبية أنك طلبت التصحيح لو كان هناك خطأ في قولك. بالفعل هناك أخطاء بسيطة. لوزن مشاركتك نقول:
وقف موترك في طلعه ومحنيبه=ألا وش جاك تطلع يم محنابي ووش بيطلّع الزيزو من المحنيب= إذا السايق غبي وش با تلقـّـي به=وشف في طين ساعه كيف لقـّـى بي زهمني شف قليل الخير بالتلقيب= قارن النـّـصين كلمة كلمة للإستفادة. |
اقتباس:
الشاعر بن مخاشن ( استنوق ) لايقال في لغة العرب للرجل ( ثيب )... !! فالثيب هي للمرأة فقط ونساء ثيبات هن ( النساء من زالت عذرتها ) . أي لم تعد بكراً ( مارست الإتصال الجنسي ) .وفضت عذريتها...!!! جاء في قوله تعالى: ثَيِّبَاتٍ وَأَبْكَاراً ( وقدنا إلا كماها ياوليدي ثيب ) هل هذا منطق يارجل ؟؟؟:lol: . |
| الساعة الآن 08:21 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir