بدخل في الغبه وباجيب الدرر= واللول والمرجان من قاع البحار
ياذي تقول الميل فالغبه شمر = البخص ضاوي ع سنابيك الخصار

وفين بوراضي لبامنه خبر=يوخذ من اخباري ويعطيني خبار
لبغاخبرهينن ومن حلان سر=والبدوذي ساروقدىنقعت مطار

دنيا لنا فيها كثير من العـبر= وأهم شي ياصاحبي في الاعتبار
وانته صبر واجد وزد عادك صبر= لمان تشرق شمسنا فوق (الصبار)
بشكي لبو طارق من الوقت الغبر= ماشوف شي خُضره سوى عج وغبار
ضعنا مع الاصلاح هو والموتمر= والاشتراكي قبل دمرنا دمار
ولا لقيينا فود من زيد وعمْرو=كلن يقول إنه بيعمرها عمار
ونقول ياربي لنا تصلح لـ مر= ندعي ونتضرع نكررها مرار

ياولد بن ماضي صبر من لاقدر = خلا الجمل باداس وافسح فالشوار
والهيج لاماشل حمله فالعسر = ماطبه الى الباخريبه والشفار

جونا كما سرب الجراد المنتشر= وعيونهم تقبس على الامه شرار
يالله تجيب الخير ذي مافيه شر= سالك وتبعد عننا القوم الشرار

بيجيك ذي مكتوب مامنه مفر =ماعذر مالصبر على حالي وقار
وش عادني باقول في حكم القدر = لا حلت القدره على الناس الخيار

والصيعري معكم له وجهة نظر= بيقولها منهو بيصوغ القرار
من هو صبر عالهون قله صبر=ومن لابغا المكسب بيضيع بهار

مرحبا واعداد مالاح برقه في سماه = يارجال العز ذي تشلع الحمل الثقيل
سيفكم من سمح ممدود في وجه العداه= لاحضرتوا في سمر ترقل الدنيا رقيل

المشاركة الأصلية كتبت بواسطة ابوعامرالنعماني وفين بوراضي لبامنه خبر=يوخذ من اخباري ويعطيني خبار لبغاخبرهينن ومن حلان سر=والبدوذي ساروقدىنقعت مطار

لانته تبا لخبار ياوعل النتر=سافر وباتلحق ميه في الانتظار
باتلحق الجاويد ياكمن قور=باتشوف باشملول عابد في المطار