|
[QUOTE=مجمل;373559][poem=font=",6,darkred,normal,normal" bkcolor="transparent" bkimage="http://www.alshibami.net/saqifa//mwaextraedit2/backgrounds/15.gif" border="none,4," type=0 line=1 align=center use=ex num="0,black""]
ذا فصل ذلحين بانشكي = من ذي رجمني وانا غافل بشكي بشاعر حذفني يكبار القوم= وبعدها سال من راسي = ماكان مسهون من عاقل ذي هو من اول يودي الحلي لما السوم=
من قبل تشكي سمع مني=نا قصدت عافصل في الزامل مقصدت حد لابن النوبه ولا باعوم= وانك مصمم تجرجرني=ماجابه القاضي العادل قابله لو قال هاجر للحبش والروم= |
اقتباس:
وبرق الصيف لا أعقبه شي ماطر ............... يجي سيله كما الطوفان لو تدرون وبا نعمل على الحاشي وعا الفاطر ............... عسى الموسم يجمّـل قال بن مخشون ويا نود الصباء شل قولي الآسر ............... وقل للذيب حرّب سيفك المسنون سعيد المشجري في الناس مش فاكر ............... ببرج العاج ساكن والعرب يشقون محمد بن مخــاشــن |
اقتباس:
فقط على الدان الأولي!!!! تصبحــــــــــــــــــــــــــ على خيرــــــــــــــــــــــــــــــــون |
أمجمّـل اليوم جنـّــني = قد خرّب الدان ذي كامل ومن الزّعل طار منـّــي يا الذييب النوم *** ويصر نابي معا سنـّــي = حنقان ( مـ ) الذيب ذي غافل ما قال يا مجمّـل أوقف شفه هذا لوم محمد بن مخــاشــن |
وين الخلق اليوم
|
اقتباس:
قل للذيب حرّب سيفك المسنون |
أنا من وحدة الشطرين والحاضر=ولا بدّل سباعيّه بشي صارون ولا نمشي معا الداني ولا القاصر=ولا نتبع لسعد الله معا هارون غصبنا الحزب عا المنكر وعا الناير=تبعنا خلق في القرآن ما يقرون |
اقتباس:
قطع يا عارف النهدي ولا تشاور=وما قدره ربي لي ولك بايكون قبض ليمان ما نبغاك تتياسر=ولا تراهن بجم عاخيل بن هادون وخيل لمعة البراق والماطر=وقل للبدو لي هم في الخلا يضوون لان الغيث لي جامل ولي حاذر =ويلقي له طرق لو كان ماتدرون |
فصل جديد
في طريقك تجمل شلني يامسافر=با معك لو على الرفرف على رجل با قوم با نشوف الحبائب والصور والمناظر=لي عليها تونح واقضي الليل مهموم |
اقتباس:
بعد لصحاب في قلبي لقاله منافر = نا مثيلك نبيت حي ياراس صمصوم لاتعديت خشم العين في خط صافر = تنقلب لك طبيعه ريحها عطر مشموم والزراعه في الحاجيل صاغر وباكر = ارض لحقاف في قلبي لها عشره اقسوم |
اقتباس:
حي بالذيب لي قوله يشوق الخواطر=قول كامل مكمّل هيّض القلب منظوم مرحبا به وسهلا عد وارد وصادر=يوم يقبل نرحب به بريحان مشموم |
اقتباس:
با تغادر عمر يا الذيب ... لازم تغادر = وسْط موتر وألاّ طايره تفر و ِتـْــحوم ما بغوك العرب ذينـْـته معاهم مجاور = شوفه إمعزّبَك عينه حميراء ومكتوم محمد بن مخــاشــن |
اقتباس:
يامحمد ترى بي صوب في القلب نافر=من عمالك وما تلقيه في الناس كل يوم ليه دائم من اعيال العمومه مشاتر=وانت قد كنت بيهم اول الوقت ملزوم |
هيضتني كلم عينة قروح الميازر= صحصحتني ونا قد كنت من قبل مهموم ذكرتني زمن ماكنت ناسيه! ذاكر=كل دقيقه مضت بين الغبر سير ويروم ردت العمرذي نا فيه من قبل شاكر=يعرف الدارويشرّف على شعب مرحوم شعب فيه الغيول الجاريه والمناظر =كل من شافها تقرب لعينه كما الزوم |
اقتباس:
مرحبا بك عدد ما رش عالكون ماطر=وعد ما في السماء بانت كواكبه وانجوم هت في العشق هت في با هيات النواظر=هت ما شي قيامه فوقنا اليوم بتقوم |
اقتباس:
0
مامعي علم في العشقه ولاكنت خابر=غير بس نعرف نصلي مع الناس ونصوم والزراء والهوى والعشق ماكان حاضر= وقتنا في العمل ضائع علينا وفي النوم |
اقتباس:
كان ذا صدق حظك في الهوى كان عاثر=كن ماني ما صدق يا انا يا انت مغروم ما بداء عاش قال الذيب سالي وشاعر=من حبوب الكمتراء في البساتين محروم |
ليت لي بس ماحه مثلما الطير طاير = عالشعاب الخضيره وادي الخير مرحوم للغصون الضليله زاد شوق المسافر = يسبق الدمع قوله بات عالفرش مهموم |
اقتباس:
عاد شي عشق بيجي بعد هذه المناكر=في الأزاقيق كل ساعه تمر خمسه اطقوم عند مسجد عمر والديس حسب المصادر=حد بلا حق يقتلونه وحد مات مظلوم والحدد والصوغ واهل الورش والمناجر=حد بعقله وحد تلحقه قد بوه مغروم |
اقتباس:
ون لا شفت حد حمل وروح مغادر=وحس بالكون من حولي متاهات وغيوم مغبط الراجحي وبغلف ولا عيال جابر=نغبط الا بنادم سده العول عالسوم |
اقتباس:
هت وزد من جديدك كان بثك مباشر=وانه الا اعاده عندنا قنات باعوم شي معك علم من لودر وصاعد وحادر=حيث ما السكن فررهن غبش ريحة الثوم |
اقتباس:
طول عمره معذب من بلي دوب صابر = من فراق الحبايب والهوى دوب مكضوم عالسفر قم عزمنا هت جوازك وباشر = في خروجك وعوده يالله عجل بذا اليوم |
اقتباس:
لو بيدي سبقتك امس عالرجل سائر=كن بقعاء تبا بصمه وتاشير وختوم فكر الا تهرب عبر وادي الدواسر=كن ماشي صيه في العلب والعاد شي دوم |
اقتباس:
ياعمر لاتهمك النقط والمعابر = دام بيدك جوزاك لا ملامه ولالوم نقسم الدوم قسمه اهل لتكون فاكر = من مسا كيف يظمن يصبح الصبح على السوم |
اقتباس:
ماجديدي سوى قط انتشار العساكر=طوق امني من السده الى الديس محكوم للعتاد المعد للحرب الله ساتر=مادرينا على من منهم نطرح اللوم كل واحد بغاء عرفه وعقله مشاتر=والغلط بينهم ماحد من خطاه معصوم واهل بصعر لقوللدار خمسه موافر=صندقوها بلا رقده ولاجبو وريوم |
اقتباس:
الغلط حسب ظني عند ام الكبائر=ما تفكر بحد تا كل على مال فلهوم زاد فيها الطمع والظلم واضح وظاهر=فضلت ولد بن كده على ولد طرموم والغلاء زاد عن حده ثلاثه مخاطر=والفساد انتشر والصدر بالضيق ملغوم كل شي قل حتى الدهن شغل المعاصر=انما القات كمن شدق محشي با زقوم |
اقتباس:
كانت اول مثيل الوعل لمايكابر=تلتقي الضرب والمعصم ملخلخ ومفصوم انما اليوم قدها واصله للمعابر=من قدا حجر والداخل وصل حدها السوم واصبحت هي ذي تنهي وهي ذي تآمر= وأمرهاذي يجيب الكره للناس والشوم سوت عيالها فوق الكتف والمحاجر=وازقلت بالذي عدهم مساكين في الكوم |
بسألك يا عمر عن بنت تهوا المنادر = والكدر والمصايب تعترض دربها دوم دوبها تشتكي من إبن عاق ومقامر = ما يحافظ على سمعه ولا عهد مرسوم ومن ردا حظها بلشت بعدت قنابر = ساقطه ما تميز بين مذنب ومتهوم كل ما راح فاسق جالها شخص فاجر = شيبوها وهي في سن باكر منظوم اصبحت كالجمل لا طاح كثرت خناجر = كل من هب ودب ياتي ومن كان موهوم هي كذا با تم ولا تدور الدوائر = وابنها العاق يصبح بار فيها ومفهوم |
يوم بونا فسح فينا وسافر وغادر =ماهو جم ماوقع فينا من القهر وضيوم لو تصبرشوي وسأل صحابه وشاور =ماوقع ذي وقع في مال مثمر ومعلوم قلة العرف في بونا وكثر الهساتر=والهوس ذي شغل عقله بفله وبدروم باع زين القطب للقرمزي والجدافر=قلط المال والشاري على المال ملهوم اب ظالم جشع بونا مغامر مشاجر=لاهومن صدق اب كانه كما النصر بيحوم ينتشل من سقط فينا بجنحه يغامر=يضرب القاع ويعلي على سحاب وغيوم |
مايفّكر بقولك او بهرج المنابر = بعد ماراح عنتر والسيلي وباعوم من متا قد تخبر عن عياله وخابر = في العرا قد تركهم ذكره اليوم مشؤوم |
اقتباس:
ايش من بنت قد جابت معمر وعامر=والحقتهم بيسلم بعد سالم وسلوم غا زلوها عيال ابليس طالع ونادر=ذا تشله وذا تحطه وهذاك مطهوم وابنها لي تحمل امس كل الخسائر=شطشطتبه وتبعة في الهوى قيصر الروم لي عطا ها خريف النخل صاغر وباكر=شي مقلف وشي جابه من الزير مرزوم يوم عرفة بان التمر خائس وباير=قات ما ذقت تمره ما عبرلي باحلقوم ايش من تمر تمره ذا الخبيث المناور=ما بداء شفت شوني تمر ما فيه علجوم يا عيالي فقهو وقعو مثيل الكواسر=لي انتصر امس بكره با تشوفوه مهزوم |
قال بو طارق السالي مخيله قويه=شي نشوفه وشي ماحد يشوفه على الروس والمحول يحول من غبش لا عشيه=قال طوفان مقبل بايشل اهل لبعوس |
حيث يخصب رساله سيل تسمع دويه= في الشعاب العميقه قرب مسقط وقابوس ياعمر قم تعوذ من ظنون الهويه = مامعك سن تضحك و عالكتف حاط ناموس |
اقتباس:
اقتباس:
كنت عاشق وقلب دوب في امات طيه=واعرف الحب لي صافي من اللي به السوس والنواميس من حق النفوس الابيه=لي اعتلت بالعلم لي كان في بير منكوس |
اقتباس:
مبعد الغيث عد ماشي رعد في النشيه = والسماء صافيه ماشي سماء غيم معكوس واالمحول يحول والسواقي خليه =ايش من سيل بيجي والمطر شله الكوس |
اقتباس:
الهدف قد خطيته وانته قايد سريه =والاداره قويه فيها ريس ومرؤس يازعيم القياده ماتجيه الخطيه = راح عقلك يوسوس ظني والعرف ملبوس |
اقتباس:
با تقع لا سهاله يالوجيه الرضيه=من وصل فوق ماشي عذر ما يرجع انكوس بعد ما يراجع القاضي ملف القضيه=لي في المجلس الرسمي بيدات هندوس |
اقتباس:
انت عاشق ونا عشقتي مثلك بطيه =كنت للعشق نلقي دوب حشمه وناموس واختلف وضعنا والحب اصبح أذيه =ذي نحبه رجع في الحب خاين ولسلوس ايش باتقول في ذي مايرد التحيه =والنفس لاتكلم له في الصدر محبوس |
اقتباس:
ما علي ياعمر من شلة البرمكيه=دامه الجو من حولي معكر ومحيوس لقرب اقرب بما عندك في الزمزميه=اسق عربي ولا تسقي بما عندك امجوس |
يفتكرها شطاره من غدر في خويه = ومن شرد من دياره خله يستاهل الدوس وين طفل الحجاره والعزوم القويه = هزوا عرش الاماره والجحافل مع الروس |
| الساعة الآن 05:00 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir