هاجس معي في الضيق يدخل لولي =لاقد دعيته جاء على الداعي يجول
وقت الطلب موجود دايم معتلي =يدخل بحور الشعر يرتبها فصول
ولحكم باطل حق ابو احمد علي =ذيهو يبيد الشعب في ساعه عجول
لكن ماله عذر يطلع من بلي = ويحتكم لشعب ذي دمه سيول

مشكيت نا منه ولايمكن شكي = لاني عرف صالح وعارف مايقول
هذا مثيل الحيد شامخ معتلي = غيره يقول الشيخ ماله شي قبول

مادام بومحسن جنبي محتبي = باجيبها ماليوم في عرضن وطول
لاقد فتح لي باب بدخل لولي = باجيه عاكل باب له عندي قفول

بعض العرب يمكن ظلامه ينجلي = من بعد ماتشرق على ارضه شمول
امّا عوض مهتوف عهده جاهلي = الناس في عَلَْوه وهو عند الذيول

لايالعمودي انت مخطي ل0تخطي=ماباه يدهربك علي وسط السيول
ماهومثيل الحيدهذاحنبلي=والحنبلي في مذهبي ماله قبول

كل من طرق بابي وصلته مسرعي =بسري سعوف القوم تحقه عالرجول
بدخل مع كمن زلب شاجع قوي =في شان ابو فيصل على حسب الوصول

لاتقول ذا زيدي وهذا شافعي = نحن خوه شفنا من زام الرسول
والحيد لي منصوب مابايختفي = ماباك تستعجل وتضرب عالرجول

يامرحبا باقوال من شاعر سلي = هتلي خبار الوقت ياولد القبول
شفني مع الريس وهذا موقعي = ذا وعل نا عده مابين الوعول

صاحبك ماذلحين شف جيبه خلي=بامثله مثل المذبذب بن سلول
جزار بن جزار بالدم مولعي=ابن اليمن لكن فيه طبع المغول

الهاجس الليله ضوى طربان=من شوفكم ياهل العضيده
ياصانعين القول والقيفان=بنشر خبركم في الجريده

الرعد في كبد السماء حنان=ساعه ونص يحطى رعيده
يالله عسى جوده على الوديان=يخصب على الروس البعيده

يارب سالك تنصر الشبان=من حوف لمان الحديده
لما حرض للجوف لا عمران=واجعل لنا ثوره مجيده

الخير باياتي به الرحمن=والأمن بيعُم السعيده
يامن خلقت الأنس هم والجان=عجل بالاوقات الجديده

يارب سالك تنصر الشبان=من حوف لمان الحديده
لما حرض للجوف لا عمران=واجعل لنا ثوره مجيده

يالسبع ضو الصبح ما بعد بان=خايف على البنت الوليده
الجار خاين يخدم الشيطان=وابليس يجري في وريده

لله ستر ثم غابت الحنشان=ذيهي لها صولة عديده
كل ما تودر ذيل لآخر بان=باتخطف الماسة فريده

ماهمنا الغبه ولا الشُطئان=الله باينصر عبيده
الزور مايمدي ولا البهتان=ولا الذي صاغ المكيده

حيابذي هرجه كماالقنفان=يرعدويتحطرم رعيده
دايم يعدل شوكه الميزان=وامعاوزه دايم جديده

يامرحبا بالشاعر الغيان=شاعر وقيفانه فريده
قل لهميمي كل شي بيبان=بانت نواياء باسعيده