|
اقتباس:
بايقع خير والدنيا شويه شويه =والذي يعتبر منها معه يؤخذ دروس لاتعدي كذا من دون يكتب وصيه = كل ريس مصيره بايقع عده مرؤس حزب حاكم بطي واللجنه المركزيه= والأوامر تجي من عند هادي ومسدوس واختلف وضعها وتحولت بلطجيه =والذي هو قوي فيها صبح قده منهوس |
اقتباس:
حسف ذا فكرت الحراث مثله غبيه=يوم شاف الزبد بالعلب له سرح الفوس ما اعترب للسواقي والضمر معتكيه=والعوامل همل والذري بالكيس مدعوس |
اقتباس:
اشهد انك متيم عاطي الراس غيّه = واشهد انك تحب الزين لي بات محروس واشهد انا بدرب العشق نمشي سويه = تحت ظل الأمل نحلم مع كل هاجوس لكن الوقت حط في الرجل يا صاح خيّه = والليالي قست واصبح بها الحظ منحوس خوفي ان القمر لي يشرح البال ضيّه = ينخسف ثم نرجع تحت شمعه وفانوس |
اقتباس:
كل شي له اوانه في الهوى والهويه=والزوامل تحن والهوك عاراس محروس والرجا جيل لي سرحو مع باعطيه=بيضوو بالحطب مادام قد سنو الفوس |
اقتباس:
قلة الشرع هذا والعقول الغبيه = لومعه عقل زاكي ماهو من حولها يحوس ايش يخرجه منها لوشروعه وفيه =ماشرد منها واجلس مؤمّن ومحروس في بلاده مع ربعه دروبه وطيه =والغداء عندهم مظبي وعشوته مكبوس |
اقتباس:
|
اقتباس:
الكلام اللذيذ الزين له قابليه=يحي الغصن لي ضامي وظاني ومضيوس وانت هرجك على لساني مثيل البغيه=كله الا حكم ويجي مسلسل ومدروس بالبصر والبصيره في الامور العكيه=بانفك درب يمشيبه محمد ومسدوس ما ندم من قبض في حبل رب البريه=يندم الا العميل اللي عمل يوم جاسوس ترك الياس منك والعلوم الرديه=لا توسوس وتتحمل في الصدر كابوس با نجيب المسافه عا شويه شويه=بالمطايا السريعه يصبح الوضع معكوس |
قال بو طارق السالي زماني غدربي=وابتداء الطعن في ظهري بشفره وسكين والهوى لا تعاكس بين شرقي وغربي=حد يفيده وحد يرميه في بحر ستين |
اقتباس:
من زمن يالمخوّه عينه عاللاذقيه = والغبي ماتحذر عايش العمر منهوس للاسف ياخساره عالقرون الحنيه = يطفي النود ناره من سراه له بفانوس |
اقتباس:
|
اقتباس:
كيف يعرس بها وابليس رأس البنيه=ايش يندره سكني حل انسان ممسوس والمعرس غبي ما جاء لهم بالبتيه=جاب طقم الذهب مبطي ملحم وملبوس كلها اسبابه المعقد واس البليه=مايشاور وعقد الغصب في الشرع ميئوس |
اقتباس:
|
اقتباس:
الزمن له عوايد بين صيعر وكربي = هذا عهد التحضر عام تسعه والفين انته منته حضاري ابعد مبغاك قربي = عشت عهد التخلف انته فينك ونا فين |
اقتباس:
غصب عن البنات الست وعيال منبي=واهل حجر الزبينه منهم سرة ذلحين وان رفضتو لقينا شرح مجنون كمبي=ياسمحو يارفضو يكفي محازي وتطمين |
الهوا حضرمي والكيف في الأصل عربي = والحكايه تلخص سرها بين لثنين حد مسالم وحد طبعه معاند وحربي = وحد بدنياه هايم يجلب الزين والشين |
اقتباس:
قل لبو هاني السالي تلاعب بقلبي=خيب جاهل صغير ابن واحد وعشرين نا حسبته القمر عالقاع ضيعت دربي=ضعت بين العزيزيه وشارع فلسطين |
اقتباس:
ياعمر عالهوينه وانته تمشي بدربي = في عقابي ملاوي تكسر الظهر نصفين لنته ولد القعيطي ولانا انسان حزبي = شوف قصر الكثيري في الطويله ببابين |
اقتباس:
انت عالقصر متحجي ولا تخاف ربي=كل ماجيت تطردني ونا انسان مسكين ما معي غير صبي الدمع يا عين صبي=ايش بيد الرعيه يالدول والسلاطين |
اقتباس:
هذا منك تواضع عندك للجرح طبي = انته راس القياده تحت امرك ملايين عالشعاب الخضيره هبي يانود هبي = طمني قلب متعب من فراق المحبين |
تصبحون على خير |
اقتباس:
يالمولع توقع لا تعاند وتشبي = في الوعر لين تصبح في مهب الشياطين صون عهد الوفاء لي هو في القلب مخبي = تكسب الحب في الدنيا وتكسب به الدين سل مجرب غدا من كثر ما خب يحبي = مرمطته الليالي واحرجوه المجانين |
اقتباس:
اه يابوي على مقلع في الظل مسبي=ما ضمي يوم شربه من ثلاثه معايين فيه خيلن باكر يا عمر دوختبي=عندها مانبا المنجه ولا العنب والتين |
اقتباس:
كل ما جيت با تناسا شواقي سرتبي=نلقف الهند ساعه وجم سوع نلقف الصين يوم ربي بلاني به وهو ابتلاء بي=فيه سطرة من شعري ثلاثه دواوين ذا الذي بان من شعري ولي مستخبي=حب في القلب متغلغل من اشهور وسنين من فراقه رثيلي كل من شافني صبي=وان راى الدمع يسال ليه يالعين تبكين قلت تبكي لان ظلي معدهو بجنبي=هو بجده ونا من خلف لندن وبرلين |
اقتباس:
حن يا قلب واتولع ويانار شبي = صاحب المجلس العالي مخاويك كل حين شد رحلك وسر ع درب عالي ملبي = صوت يهديك كل ساعه ورود ورياحين ويا خيالي تذكر ما مضى بي وعبي = صفحة الذكريات احلا نغام وتلاحين بلغ الشوق وحنيني لحضرت محبي = وقله الفكر جنني وتعبني البين |
تصبح على الف خير يا بو طارق |
عادل بجنف ندا عاجل اخي حرام عليك عدي يسال عليك وانته مع محمد ناصر من لقا الحبابه نسي الصحابه
|
اقتباس:
من بغى الزين ماشي مثل تركي وحلبي =جنبك الزين لاتلقف لبمبي وبكين في المرح ماكمهان باحلف لك بربي =والجمال الذي فيهن يجنن تجنين ان تبى الخشم حد باتقول لاحد قصبي=والكلام السلس والشوف في نظرة العين والوجن ايش هو والخد لاشفت تصبي =يحيرنّك معد تدري تشل منهن وين الجمال الطبيعي هون لاماهو غربي =شرق اوسط وبس هذاجوابي على السين |
اقتباس:
عالطمع يالمسافر حسبي الله حسبي = عدا وقت المذنب راح يالذيب ياهوين الا قلي خبارك ليه فرق نوب غربي = حط في راس خيله عل من بين ليدين |
اقتباس:
لورأيته تظنـّــه جاء من الشام حلـْــبي قد صرعني بنظره سيد كل المزايين سيد أهلي وقومي وسيد معلاق قلبي ريد قربه ولا أبغى مُلـْــك دوحه وبحرين محمد بن مخــاشــن |
اقتباس:
خاف صاحبك متربي في الصرب صربي=طبعهم عف نعرفهم عيال الملاعين وانت منته كمى لي سكنو العبر كربي=قلبك العاطفي خلاك مثل المساكين |
اقتباس:
مامعه فيك ظن في العشق موقفك سلبي =كنت اول سلي وفسحت في العشق ذلحين يوم قوتك بطي مندي وساعات مظبي =كنت وحدك وبس في الكون سيد المضانين |
فصل جديد
في بحر عشقي ومضمونه=ايام شبتي والصغره كنت المحب طيب النيه=وسلمت قلبي امانه للذي باعوه محسبتهم با يبيعونه=يهوين ياقمرة القمره مطعون طعنه بجنبيه=وضيوم ضيم الذي من حبهم خانوه |
اقتباس:
نيران في القلب مرشونه=والجوف مليان والعبره في الحلق يالذيب محجيه =من بعد ذي يعرفون الحب ويصونوه والحاصل النفس محنونه=في عشقتي صالي القدره نحلم بأحلام ورديه =والبعد حل بيننا نا والمحب علبوه |
من يعطي العشق قانونه =لاهو مشفر على الشفره يدخل بهمه وجديه =يلقي الذي مايقدروا غيره يلقوه في العشق اسرار مكنونه =يدخل بها من عشق قبره تبقى معه سرمخفيه =لايبيح سركل من حبه وذي حبوه |
اقتباس:
من بعد خله ومظنونه=المطلع بات في همره ماهي معاناه وهميه=هذه حقيقة شعوره عند لي عرفوه نا عارفه واعرف اشطونه =واعرفة اسمه من النشره واعرفة حاجات سريه=عن لي عشقهم وهم هذي السنه بغضوه |
اقتباس:
المطلع شكله ولونه =خلاص عندي انكشف امره والعاد في الحال حنيه=والسر في بير قله والذي ربوه في العشق له فن وفنونه=شبه بها فن باصره ما تنطفي دائما حيه=يفخر بها الدان واهله والذي غنوه |
اقتباس:
بأمكانك يابوطارق وان حبيته يبقى هكذا لاحرج في ذلك مع خالص الشكر لك على التنبيه
لي ماعرف العشق وفنونه =بيقول ماتحرق السبره والعشق نيران ملعيه =وكيرها اهل الفتن لاياعمر شبوه بالصدق قل ليش تخفونه =لاتعرف الصوت والنبره وعرفت سيرته الذاتيه =وعرفت من هو يقع اول ومن هو بوه |
اقتباس:
العشق يالذيب بالونه =لانفخت وقعت لها فجره خل بس حكايته منسيه = به عدك ماسك واهله من بطي سابوه لاما معك سيف مسنونه =لاتسير في الليل والغدره وكهرباء الحي مطفيه =خلك مكانك قعد لما متى مالعوه |
اقتباس:
عارف مرابيه وحصونه=واعرفه شاعر وله نظره من ارض زينه ترييميه=فيها الحبائب من اول من ضوى عزوه واسمه من احروف ميمونه=ما هي صعيبه علي مره مادام عندي صلاحيه=امن الشبامي ونائبه الذي حطوه |
اقتباس:
ماعرفت هرجك ومضمونه =لاعرفت قلّه ولاكثره هو نصح وإلا شماتيه =انه كذا بصركم لقّوا الذي تلقوه لاما حصانتي ماصونه = ذلحين تو بافرت الكره لا ارض زينه ومحميه =من حربكم ذي علي يالذيب شنيتوه |
| الساعة الآن 11:54 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir