مرحبا من حضر . بدوي ولابيتحضر=ماخلف واعتذر. في هدة اهل الحضيره
يالهميمي سمر . شفني معك باتسمر=خل مولى قطر . لي مايقود القطيره

مرحبا الف كر مادامت الشمس تظهر =يوم طالب ظهر بدخل معه في مسيره
جيتكم للسمر قد جيت عاني مقرر =والذي مايقر لازم لحدد مصيره

يومه خبل ماهو كما العطاس = عائب ولاصفاته حميده
شل الحنش ذيهي في القرطاس = صكر ولاأمن قليده

بدخل معك بالطلع الاماس =من وسط غبه شديده
يارت حد مثلك يجي قماس =بقمس معه على الخط سيده

عاشان بوراضي عصبت الراس = ودخلت في وسط العضيده
ون شي حصل من بافنع لاباس = كانت علاقتنا وطيده

يامرحبابك ياشديد الباس=شاعر وقيفانك فريده
مابافنع كره جميع الناس=في كل محل صفر رصيده

يومه خبل ماهو كما العطاس = عائب ولاصفاته حميده
شل الحنش ذيهي في القرطاس = صكر ولاأمن قليده

مرحبا الف كر مادامت الشمس تظهر =يوم طالب ظهر بدخل معه في مسيره
جيتكم للسمر قد جيت عاني مقرر =والذي مايقر لازم لحدد مصيره

يامرحبا بالقول ذي مدرواس =من عند شاعر في بريده
بدخل معك بالطلع المحبواس = من وسط صعناء بالعيده

الناس في الدنيا صنف واجناس = حاجه في الواقع اكيده
ومن معه مبدأ ولايحتاس = يعرف بدقه مايريده

بدخل معك بالطلع الاماس =من وسط غبه شديده
يارت حد مثلك يجي قماس =بقمس معه على الخط سيده

ليهو بغى ياصاحبي جساس = النار قد صبحت وقيده
قايس قياسك حسب المفياس = شفها مراحلنا بعيده

يامرحبا بالقول ذي مدرواس =من عند شاعر في بريده
بدخل معك بالطلع المحبواس = من وسط صعناء بالعيده

ماحد يقي لخمة وسط محماس = وألاّ يخصّر به عصيده
ماشي فرايد من وراء باداس = والبحتري ضيّع قصيده

الليله الهاجس ضوى مقلوب = حاله من الدنيا تعكـّر
لا ذاق من عيشه ولا مشروب = وأمسى على المرقد مخدّر

شفنا بذي الدنيا عجب وأعجوب = كم سافلة باتت تبختر
وتأمروا فينا ولد يعقوب = وألقوا فضيحة ومنكر

يامرحبا بالقول لي مصلوب = في اللوح قد جاني مسطر
هذا مقدر لي جرى مكتوب = هذا قضاء هذا مقدر

واجب علينا نحضر المأجوب = في سعفكم يأهل المجنزر
قد شفت بوراضي بلا مركوب = والشيخ في ظهر المشهر

يالعوش بتكلم وانا مغصوب = ماقد حصل هذا مقدر
حتى لبو غادر جبوح النوب = مرعاة ذا يابس وغبر

ياكم صبرنا من صبر أيوب = قلنا عسى الحاله تغيـّر
لكن خسارة ما بريلي صوب = ولا كسر ساقي تجبّـر

يالعوش حظي بالقلم مكتوب=لابد مارضى بالمقدر
لكن لازم ينقلب مقلوب=باينقلب حال وبتجر

قدلي ليالي خايل التركوب = والغيث من قبله تحدر
يالله بليلة غيثها مصبوب = والسيل من ليمن وليسر

باقول يافتحا يامطلوب =يالله تيسر امرنا بالخير
وغفر ذنوب العبد ذي مكتوب=ورزق لنا الخير اليسير
طور يمنا بالخير والترتوب =وصلح يمنا ما لبا التغير
لبغا علي ذي دايمن مصلوب =ماحد مثيله بايجي مشهور

الوعل في صنعاء ولا منه مفر =ذيهو بصوته لاخطب ترقل جبال
هو سيد الساحه من بد البشر =حاكم يمنا من على زام الدوال

فصل لبغا سمر وكلام فني مزرزر =بلغو من حضر يهل العقول البصيره
مايهاب الخطر منهو معه سيف عنتر =بايشف العسر هو الجبال العسيره

مرحبا من حضر . بدوي ولابيتحضر=ماخلف واعتذر. في هدة اهل الحضيره
يالهميمي سمر . شفني معك باتسمر=خل مولى قطر . لي مايقود القطيره

خل عندك حذر في الهرج لازم تحذر =لاتسب البشر وجعل لسانك قصيره
عاد عندي ثمر ورجال تنزل وتضهر =لانهم بالخبر بيجون من حيد صيره

خير وان كان شر . يوم الميازر تشرر=بادخل للخطر . في صبح والا هجيره
سف كمن قور. شهد وههل وكبر=باضوي بالعجر . لي في القشاع الكبيره

جيتكم عالشفر بافك ليهو مشفر= ذا مرض ونتشر يمكن يصل كل ديره
كل واحد نضر قدشاف عشرين منضر=لي تجيب الكدر لهل الوجوه النويره

مالكم شي خبر من أمس عنك تخبر = شي معاكم خبر شوفوا العمودي بحيره
يالهميمي صبر يابخت منهو تصبر = من صبر قد ظفر بين الجموع الغفيره

حي وألفين كر * واسلام مني مكرر = يارجال الفكر * في دار يرشن بكيره
زروا الحبر زر * يأهل الحمول المزرزر = طيفكم لا احتزر * يشبه بروق الحزيره