• بوعامر النعمان في الزامل زمل=يبغى قوافي ذي تسر السامعين
  باندخل الميدان سعف اللي دخل=في جبركم باشد حبلي واللّوين
  ياخير ليلة لي بها الهاجس وصل=جاني وله مدّه عليّه مايبين
  يحضر على الماجوب مايجيه الكسل=يغرف من الصافي ويشرب باليمين
  في الراس غيّة والمدرّف لا صهل=صوته دوا يشفي قلوب العاشقين

الله يديم الود مابين الحضور=والحبل لي مشدود ما باينعطف
كلّين يبني عالمصانع والقصور=واحنا بنينا عالمروة والشرف

بالنور بامسي عليكم والسرور= ياهل الميازر والجنابي والشلف
من اجلكم باغوص في غوط البحور= باجيب حب اللول منها والصدف

يالهاشمي اّنست ياصقر الصقور=انته وذي حضروا رجاجيل الشرف
مبروك ذي قوله يفرج عالصدور=كل مادعيته قال شاعر ماخلف

نطلبك ياطالب تكثف بالحضور= ترى حضورك يالعبيثي مختلف
لك بالسقيفه ياطويل العمر نور= لاغبت متصفح سقيفتنا كسف

قل لطالب بانوجه لك دعاوي الي خمور=ليلة الجمعه حزرنا الشهر حمر وانكسف
لي وقع مثنات حفره بايصاليها كسور =والسبب من جملة الاخيار ياصحاب انحرف

هلا بابيات من شاعرولهان وعنده شعور =بن هاشم عندي لي قوله من اول ماختلف
ذكر لي صوت المدروف ولحان السمور =يا كم بالراس من غيات لاصوات لها شف
تسلي الخاطر من الدنيا هي والكدور = هكذا زينوا سما الزامل باقوال فيها الترف
والدعوة لطالب قايد السرب لي ينور = سما سقيفتناهو قمرها ولنا الشرف