حيا بحلان المصانع والقصور=اهل المعزه قال شاعر والشرف
ذي لاضواه الضيف قدمها جبور=وان قدعيته في الشدايد ماخلف

ياحامل الراية تقدّم بالعبور=لا سرت سار الناس ما واحد وقف
والعز والناموس سوقه مايبور=وامّا الفسالة تاليتها الا تلف

بعض العرب خواف ورجيله تخور= ماشي على مثله وأمثاله حْسف
والبعض لاخر صلب جم مثل الصخور= في ساعة الشده مع اخوانه يقف

وقت الوسع مكثره طبال الصدور =واما في الشدات كل شي يختلف
يوم الزمن دوار والدنيا تدور =عالجود والماجوب كلا يكتلف

المشاركة الأصلية كتبت بواسطة مبروك بن ماضي بعض العرب خواف ورجيله تخور= ماشي على مثله وأمثاله حْسف والبعض لاخر صلب جم مثل الصخور= في ساعة الشده مع اخوانه يقف

هذا كلام الصدق ياصقر الصقور=تستاهل التمجيد ووسام الشرف
ماليوم قد حفت عالهيج الهدور=خلى سبور القوم وحط حمل الكلف