صغير السن بهذلني وقفل كل بيبانه = وانا دك دك على بابه يقول الشيخ لي اعوام
تناساني الا يالسبع ونا ضحي على شانه = وحكمه قد صدر ياسبعنا معروف بالاعدام

مبهذل بك وعد ماشفت تفاحه وبيدانه = ووصفك ذا وهو جالس فكيف الا اذا قد قام

بغينا للهوى قانون واعطوا للهوى حقه =وكل من قال حقي يستحق لاتهضمون حقوق
لأن الوقت ذا جاب النكد للناس ومشقه =وفوق الشوق للمشتاق حط لايالعمودي شوق

انا قول العرب ياشيخ مبليّه وورطانه=في السارق وف الجاهل وف الخدّاع والظلّام
تبانا اش قول يبن ابريك والاوضاع خربانه=وماجانا من المردود شلوه الورل والهام

ورى علب الزبد حتى الورق هذي السنه سقه=ومن حسن البضاعه منكم لابد يزين السوق
ترى من بعد كل منقه عوض قد قالها خنقه=ونا من بعد خلي لي سنه واكثر مسي مخنوق

ورى علب الزبد حتى الورق هذي السنه سقه=ومن حسن البضاعه منكم لابد يزين السوق
ترى من بعد كل منقه عوض قد قالها خنقه=ونا من بعد خلي لي سنه واكثر مسي مخنوق

ترىخلي وخلك ياعمر وقعت لهم زنقه=وياكم من فتى مثلي ومثلك في الهواء مزنوق
لقوا لي دغدغه وضحك وثرهم ينوو السرقه=معد بوثق بحد ياخوك مالي قد صبح مسروق