المشاركة الأصلية كتبت بواسطة صالح باعمران ابو زايد (المشاركة 312877) الف شكر للاخوة الشعار على التجاوب والتقدير وهذا دليل على التواضع والطيبة ويالله ازتملوا وفصل جديد ياسامعين الصوت غزة في محن=بعد المعارك دي لها عشرين يوم والناس فرحوا في ربوعك يالوطن=لمّا الخبر جاهم بتوقيف الهجوم لازم نصلّح ما تخرب في السكن=ونوحّد الكلمة على كل الخصوم كل ماتقدّم قد تهدّم وندفن=بين العرب و الكلمة الزينة تدوم

قولوا لباعمران ياصالح ذهن=شفها المعارك مقبله عند اللزوم
ولْد اليهودي قد تربّى عا الفتن=ومولى العماله جاك متردّي بلوم
ماشي تغيّر خاف عاده مرجحن=يحصل ينوّد بالرواسي والحزوم
والنار باترشن يقولوا من عدن=وعادها توصل إلى طاق الحموم

المشاركة الأصلية كتبت بواسطة المخشني (المشاركة 312892) قولوا لباعمران ياصالح ذهن=شفها المعارك مقبله عند اللزوم ولْد اليهودي قد تربّى عا الفتن=ومولى العماله جاك متردّي بلوم ماشي تغيّر خاف عاده مرجحن=يحصل ينوّد بالرواسي والحزوم والنار باترشن يقولوا من عدن=وعادها توصل إلى طاق الحموم محمد بن سعيــد بن مخــاشــن

قدها مقاله يالخشيني من زمن=لابرح المسكين ثوبه عالريوم
محسود بين الناس توخذه المحن= وتهب عليه العاصفه هي والغيوم

غزه صليبه في القور عينت عدن =ورجالهاصمدوا من نهار القدوم
ضربوا مثل فاخر وعلنوها علن = النصر يأتي بالسواعد والعزوم
ولذي يطبل في ميادينه بشن=ماشي من التطبيل بيشل غير لوم
يمضي عليه العمر كله في سهن=ولعاد يلحق قسم من بين القسوم

الجوهره ياصاحبي باغلى ثمن =ان بعتها في السوق بتجيك الضيوم
ماغير خل الجوهره براس الدفن=غزه لها تاريخ تشهدها النجوم
هي راس مالك وانت عادك عاللبن=ماتعرف الرطنه ولا تزهد تقوم
وان باتكفنها نباك انت الكفن=ياناقص القيمه تشرف بالقدوم

خالد مسى يرطن وغيره مارطن = حافظ على عزك لابغيته يدوم
شوفك متتهور ولا تلعب بفن = هذه نصيحه قال شاعر للحموم

اصل العروبه جات من ارض اليمن =عاحسب مانسمع من الشيخ القحوم
والكلمه الزينه من الشينه حسن = ومكانها بين الثريه والنجوم
بادخل في الزامل معي شرغه وفن =باخذ وباعطي من خباره والعلوم
بلجيك عكتفي مثيله في العين =مايلتحق في السوق له سته رقوم

لا ماعمل صاحبي له قبص الدفن=والا عسى حليه يجي فوق السنوم
ذي داهل الغرشه ومخاض اللبن=مابا يجمل وقت مايجوه الخصوم

المشاركة الأصلية كتبت بواسطة أحمد العمودي أبوفيصل (المشاركة 312903) خالد مسى يرطن وغيره مارطن = حافظ على عزك لابغيته يدوم شوفك متتهور ولا تلعب بفن = هذه نصيحه قال شاعر للحموم

حيا وسهلا بالعضيد المتزن =حيا ببداع القوافي والنضوم
الخير جانا والبشاره في سهن =مادام بوفيصل في الساحه يحوم
ماليله الا بايقع ياغصن دن=وقرب بخيلك لا توطي بالجزوم

ان جابها باللين والا بالشحن =شفها ربابه باتصيبك بالهموم
ماغير خل الواحدي بين العكن=يصبر على لذع العقارب والسموم

السيل لي مروس عاده بالسهن = عاد السماء ياناس مليانه غيوم
سبع الليالي صاحبي قد له زمن = ماينتسي نلاقاه بشدات اللزوم