|
|
اقتباس:
كلّين با يأثم ولُمّه آثمه=ماحد حضر يا السبع كل بوهم شريد إنك تبا كلمان شفها والمه=وإنك تبا أفعال وش بيد العبيد؟ بضعة نماره وسْط غزّه قايمه=والضأن بالمليارشفها أو تزيد والآن كل ضانه تضبّح ناقمه=با تنطح السرحان بالقرن العتيد محمد بن سعيــد بن مخــاشــن |
اقتباس:
اسيوف لعداء ضد غزة صارمة = واسيوفنا فالغمد ما ترفع بليد واما المعارك وسط غزة حاسمة= اطلب معي لا يا محمد بن سعيد |
لا جيت بتكلم بكلمه جازمه= ملحقت من يفتح مقلد بالقليد والتاليه بدعي بحسن الخاتمه=ماشى يجي يالمخشني ع ماتريد |
احنا البلاء واحنا النفوس الظالمه=واحنا القلق والخوف والباس الشديد واحنا السهر نغزي العيون النايمه=وابليس لي يجري مع دم الوريد واحنا الليالي الماضيه والقادمه=واصواتنا كاالرعد لي يرعد رعيد مابانخليها كذا و...الهايمه=بنجيبها من قرب ولا من بعيد |
اقتباس:
لارعد لا براق بقعا هامّه = بطن الخطم شيلوب يزيد البرد زيد في بحر ياخالد موج متلاطمه = لا القبوله تنفع ولا السيف الحديد ياليت بيطاعن والا مكادمه = ماغير من جوه يوقدها وقيد في بحره العاصف خلائق عايمه = قد مات اجملهم ومقتلهم يزيد |
اقتباس:
الفين صلوا عالنبي بو فاطمه=تعداد ماغزوات خالد بن وليد وتعداد جنحان الطيور الهايمه=وتعداد اهل البيت من سيد وسيد |
اقتباس:
هيجي صبَح شيعي يقوده خاطمه=الهيج ذي قد كان يعصدها عصيد من بعدها كمّين ضربه قاصمه=وقعت على رأسي بجمعه ويوم عيد ولا بظنّي إن يعرب غانمه=من بعد ما باداس قالوا لي فقيد باقي معي فطّر عجيفه جاثمه=ترغي في المنوخ لها خيّه وقيد محمد بن سعيــد بن مخــاشــن |
اقتباس:
من فعلهم إعيال عمّه سالمه=نحنا نسينا العز والمجد التليد كلّن يكوذب لك ... ريينه وارمه=فزعان من ظلّه يرى الموت الأكيد محمد بن سعيــد بن مخــاشــن |
اقتباس:
نبغا صلاة الخوف دايم قايمه=وسلاحنا جاهز لنا عا كتف وإيد وأما التنابل ما سعوا في الهامّه=ما عندهم مسوى المساوك والنشيد ماتوا الذي يتهيّبون اللايمه=ما باقي ألا كروش مليانه ثريد محمد بن سعيــد بن مخــاشــن |
اقتباس:
الطقس في النشره اجوا قاتمه = من تاربه حتى مطارح بلعبيد ذا غيم يالطامع نزل عالعامه = والله رب الكون يفعل مايريد |
| الساعة الآن 03:24 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir