المشاركة الأصلية كتبت بواسطة أحمد العمودي أبوفيصل (المشاركة 314397) مالغيث نا شوفه عالوادي خصب = من بعد ماسمعت الصواعق والرعود طالب حسن وينك ياعز النسب = خليت بقعا هكذا تمسي ركود قد حطلك ماليوم في الشارع مطب = وانته مقيد بالسلاسل والقيود كلن صبح منكم يدور عالرتب = لاقمت يالشعار بعصدها بعود

حيابوفيصل زعيم المنتخب=حيا بذي جاب الغنايم والنقود
قلنا لطالب ماسمع شوري غلب=اظاهر ان طالب رزح فوق الربود
ماهمه الداعي ولا صوت المحب=اظاهر انه بين ربوات الخلود
يوكل من العنبا وحبات الرطب=وحنا هنا فثم المدافع والفرود

المشاركة الأصلية كتبت بواسطة أحمد العمودي أبوفيصل (المشاركة 314402) ماليوم يالقناص ناوي باقرب = لاقربت بازوع شناطيب الحيود قد جيت نا عاني وزريت الحقب = باخلي الميزان منصوب العمود

كل من معه معيان للصافي شرب = البخص على المسكين سالم باربود
جدك ولي وانته ماجاك العتب = مثلك يرد الماء لاحدر صعود

المشاركة الأصلية كتبت بواسطة سبع الليل (المشاركة 314371) صحنا ونادينا وجاء نحن التعب=قولوا لطالب شمس تسلخ بالجلود انت قرب وحنا معك بانقترب=يالي صرعت الفهد وكبار الاسود فاي السقيفه تحت يدك مانسحب=ياغالي القيمه تجهز للردود بيدك حرير الهند والتاج الذهب=بيدك مفاتيح القوافي والقصود

الشمس باتبردعلى ارض العرب=والثلج فيها اليوم يسكب في الحيود!!

ماقد سمعت اليوم في الأخبار صب؟؟=شفناه في التلفاز ياسبحان جود!!!

هذا نبيك جاب بالبشرى العجب=انه صحارينا بها الماطر يعود!!!

وتعود خضرة في الجزيره والرطب = بايفيض والأغصان بالثمره تنود!!!

المشاركة الأصلية كتبت بواسطة سبع الليل (المشاركة 314406) حيابوفيصل زعيم المنتخب=حيا بذي جاب الغنايم والنقود قلنا لطالب ماسمع شوري غلب=اظاهر ان طالب رزح فوق الربود ماهمه الداعي ولا صوت المحب=اظاهر انه بين ربوات الخلود يوكل من العنبا وحبات الرطب=وحنا هنا فثم المدافع والفرود

من طوّل الشقعه في الدنيا تعب = خسران في البيعه والدنيا ركود
الزود والنقصان سبحانه كتب = عمرك مع رزقك ركوعك والسجود

شمس الضحى والنور للظلمه غلب = هبت نسايم ليل بنفحات الورود
دنيا وفي الدنيا كم شفنا عجب = دامت عجايبها ودمنا ياسعود

تصبحون على خير جميعا

المشاركة الأصلية كتبت بواسطة الماسه* (المشاركة 314410) أستاذي الفاضل سبع الليل مررت كعادتي على الزوامل لأستمتع بما يجود به الشعراء من زوامل رائعه وكم ضحكت من تعبيراتكم المدهشه وجمال نظمكم بارك الله فيكم جميعا ولكني لم استطع ان اغادر هذه الصفحه لأن الرد الح على خاطري حيث استوقفتني كلماتك هنا في هذا الزامل"...شمس تسلخ بالجلود" ..وحيث انني اليوم تابعت خبرا مثيرا عن تساقط الثلوج على جبل في دبي فقد وجدت هذه الأبيات تراوني ..ارجوان ترقى الى مستوى ذائقتكم . الشمس باتبردعلى ارض العرب=والثلج فيها اليوم يسكب في الحيود!! ماقد سمعت اليوم في الأخبار صب؟؟=شفناه في التلفاز ياسبحان جود!!! هذا نبيك جاب بالبشرى العجب=انه صحارينا بها الماطر يعود!!! وتعود خضرة في الجزيره والرطب = بايفيض والأغصان بالثمره تنود!!!

اخر زمن يابنت لجواد والنسب=بشربها المختار سيدنا الودود
يعلم به الرحمن في اللوح انكتب=اما الذي هو في دبي ثلج النكود
الارض تشكي من مناكير العرب=ومن ذي يلقونه من الباطل وزود
امطارها غزره وراعدها لهب=وسيول باتجرف قويات السدود
وايش عادنا باقول في وقت انقلب=مابانشوف الخير من عالم مرود
الحقد فيهم والضغينه والعتب=قدكالحوها اقوام من عاد او ثمود

يسعد مساه اللي لعطره قد سكب =يازين ريح المسك بالعنبر وعود

هلت بشايركم وأحييتوا القلب=من بعد ماغطاه ثلجه بالبرود

المشاركة الأصلية كتبت بواسطة الطامع (المشاركة 314359) القول ذا طعمه كما طعم العنب = حالي ووسط الجوف بارد عالكبود من عند بو خنتوب لي هو يحتسب = قايد على كل المرافق والجنود

يامرحبا ببيات من شاعر شعب=شاعر وظني من على زام الجدود
شاعر وهو مسهب لكل كلمه سهب=ماتخرج إلا من على قيم العمود
يامن نصبتوا له على دربه نصب = العيف ياذاريه ع راسك يعود